「和順記,定呢間?」芝詩望一望附近餐廳就隨便講兩個名,大家最後選擇…

「唔該」大家落左自己想食嘅野就開始傾計,但大家都唔知隔離坐左個熟人…

「芝士」後面枱傳黎一把熟悉嘅聲音,先知道同班嘅家寶坐左係度,所以叫埋佢過黎傾計,但依旋就好似一個冇人理嘅小朋友咁,自己一個係度食米線。

「呢位係…」係傾左一陣之後,家寶終於都發現左依旋嘅存在。

「師姐你好,我係中一嘅劉依旋」依旋介紹完自己就繼續低頭食野…



「你就係樂盈補習對象?,但我記得你已經係頭三啦喎」家寶好似講左個唔係秘密嘅秘密出黎,而依旋都望住我咁講「我想成績再好啲呀嘛」

「岩嘅,我約左屋企人買野,走先啦」家寶好快就埋單,向住南豐中心走左…

「食唔食甜品呀?」係行出米線舖果刻,芝詩就問左呢個問題,都好但係…

「不如去南豐行一陣再食?」麗晴就咁復左芝詩,而且大家贊成咁做。

「姐姐,我想問呢」依旋係我耳邊問左個有啲尷尬嘅問題,個傻妹黎M啦?



「你地行先啦,我同依旋有啲野要買」就咁同依旋行左去洗手間,教佢點做。

「唔該姐姐」「你大個女啦,同你去買啲替換品」就咁同依旋去萬寧,教佢點樣分邊樣打邊樣,再教佢要點做,前後差唔多用左半個鐘,而佢地已經坐低左…

「半個鐘唔到就食甜品?」「芝士話攰喎」就咁望一望芝詩個樣,明顯係為食。

「依旋你要熱紅豆沙?」「嗯」就咁幫佢決定左,再比左啲補給品佢,傾多差唔多一個鐘就決定返屋企,係去依旋屋企嘅路上,佢問左好多關於愛情嘅問題。

「你咁快有仲意嘅男仔?」「Er…,唔係呀,都只係我想知姐姐你嘅愛情觀姐」佢咁答法一定有問題,同埋個傻妹講大話果陣會一直用手指打圓圈,證明佢…



「依旋你終於返啦」係大屋前嘅一段路,傳黎影天嘅聲音,睇黎佢擔心個妹。

「岩岩同姐姐去左食糖水呀」「唔該哂你呀樂盈」「唔洗」好快就回應左影天嘅問題就轉身離開,呀,呢袋野係依旋架,喚…,佢地已經返左入大屋同鎖門…

叮,依旋傳左個訊息過黎,原來佢自己都知留低左袋野係我度,返學先比你?

「好啦,你冇事就得,星期一見」就咁過左成個星期日,我都係係屋企溫書,煲劇,做一般人會做嘅野,但唔同嘅係麗晴竟然會搵我傾野,仲要感情問題…

「你話有人想追你?」係餐廳度聽住問題核心,再幫佢分析案情,不過我都…

「樂盈?」影天嘅聲音傳到耳邊,OMG,點解係呢個時候會撞到佢,仲要…

「你…你…你」「我黎幫依旋買飯架,佢唔知做咩一路話好攰一路掩住個肚」講完個徵狀之後,我同麗晴都明白係咩事,就send個訊息比依旋教佢點做…

「外賣到啦,我地聽日見」「見你個樣好似仲衰過我喎哈哈,唔煩你住啦」麗晴講完呢句就去埋單,而我就繼續坐係個位思考岩岩個問題,我對影天嘅感覺?



一路諗麗晴岩岩講嘅野一路諗影天有幾照顧我,嗯,其實都係一兩次,不過…

「阿女,我地落去食飯」媽咪嘅聲音係廳度傳黎我耳邊,嘩,原來已經夜晚?

「做咩一面煩惱咁嘅?」「冇…冇,讀書嘅野姐」「有咩都唔好迫自己,同我同爸爸傾下」「嗯」一邊應住媽咪嘅說話一邊食前面呢個唔知咩嘅飯。

叮叮…,姊妹群果邊傳黎訊息,只係一個普通得很嘅訊息,嗯,咦,麗晴佢…

「麗晴你咁快就…」「係呀,今日同你講完就知自己想點做,你都好好問下自己」問下自己…,自己個心想點行?,好煩…,點解戀愛嘅野可@咁煩。

「姐姐,聽日練完舞可唔可以…」一個訊息打亂左思維,依旋佢有野想傾?

「好,咁想係邊度傾?」「聽日練完舞黎我屋企」又要去佢地嘅大屋,呼…



「好,今日練習係咁多」轉眼間就完左練習,而依旋換完衫就住係度等我。

「盈盈走啦」「呀唔好意思呀芝士,今日依旋約左我,你地走先」就咁同姊妹講左再見,之後就同依旋兩個行返佢屋企,一路上都冇咩點出聲,靜過圖書館。

「小姐,高小姐」去到依旋屋企都冇咩反應,直到入到依旋房,佢開始喊…

「依旋,做咩呀?」望住前面呢個可人兒,突然好似長河缺堤咁都唔知點好。

「姐姐,你要幫我呀,我數學唔合格」吓?,原來就係咁炸,你真係嚇死我。

「仲以為你失戀添,唔合格炸」「唔合格好大件事架」佢係書包拎左自己份卷出黎,睇左兩眼開始發現到佢嘅問題,只係某一部開始寫錯式,之後計錯答案。

「吓,原來呢部已經開始錯,唔怪得啦」「傻妹,你自己計一次」「依旋,你冇事呀嘛?」「冇野呀,呀哥你可唔可以拎啲小食入黎呀?」依旋好快就回應左佢阿哥,唔到兩分鐘已經聽到敲門聲,而佢阿哥拎黎嘅係…蛋糕,仲要係四件。

「係蛋糕呀」岩岩做完一條數嘅依旋就係度食蛋糕飲奶茶,我就幫佢對答案。



「大致上冇錯啦,但記住唔好寫漏單位」「你做左咁耐都辛苦啦,休息一陣先啦樂盈」影天突然叫起我個名,一陣紅暈係我臉上出現,快快手就擰轉面。

「嗯,我溫埋少少先食」聚精回神係眼前嘅課本上面,今日教嘅野都幾深…

「咁我唔阻你地啦,有咩事就叫我」影天好快就離開依旋間房,回復平靜。

「姐姐你係唔係仲未對阿哥有feel?」嘩,依旋係唔係影天嘅間諜黎架?

「做咩提起你阿哥…」唔識點應佢就輕輕帶過,好快就聚精回神繼續溫書。

「阿嫂你臉紅啦」「喂呀,我仲未應承架」Shit…,突然講左呢句咪會,呀…

「未…應…承…,WOW!!!!」依旋好興奮咁跳起,好似得知左個大秘密咁。



「唔理你啦」臉紅紅咁望住自己本書,但個腦就諗緊點同影天講好,不過…

「食飯啦」叮叮…,聽到呢句嘅同一時間手機上都傳黎一個訊息通知…

「仲未番黎嘅,食唔食飯?」媽咪今日有得放早喎,係時候要返去食飯。

「唔好意思呀依旋,你幫我同伯母講我唔留低食飯,要番屋企啦」好快就收好哂自己嘅書同文具,同依旋一齊返到大廳,但我就直接行去大門果邊離開。

「樂盈你咁快走?」「我都黎左三個鐘,依旋都冇咩問題,所以當補完習」「咁…好啦」影天好似好down咁望住我離開,依旋就好好笑咁望住我。

「佢唔捨得你呀阿嫂」「喂,唔好比你阿哥知呀」「係嘅阿…嫂!🤭」依旋就咁完結左同我嘅對話,而我係呢個時候都番到自己屋企條街,爸爸咁岩係前面。

「爸爸」「樂盈你咁夜先返?」「岩岩同朋友傾功課同溫書呀嘛,媽咪話煮左飯」好快就同爸爸兩個返到屋企,而媽咪已經坐係飯枱等我地嘅回來。

「又會兩父女一齊返嘅,過黎食完飯再沖涼啦」一家三口食完呢餐飯,而不知不覺,表演仲有兩個禮拜就要開始,意味住學校考試仲有一個禮拜就開始…

「呀…,呢個topic點溫架?」芝詩突然一個訊息掟左上群組,呢個topic係…
 
已有 0 人追稿