起舞吧!愛與舞蹈的感覺: 4
「你成晚同我傾緊WhatsApp，仲係咁上線，點會食左野，嗱…」佢好快就遞左個外賣比我，但係仲企係門口，唯有請佢入黎坐一陣，雖然已經十二點…
「聽日你唔係要返學咩，早啲返去休息」「嗯，聽日想坐咩位？」「5…，坐中間啦」好快就同佢講左幾句，佢就返左屋企，之後就食完野上床訓教…
「十分嘈…」好快就聽到鬧鐘響起，但係係群組上面，見到姊妹們嘅討論…
「一陣跳完舞有咩做？」「冇呀」「我地補完習冇野做」佢地完全冇理過我…
「喂…」好快就同佢地講左野之後，食完早餐就慢慢行返學校，但係見到…
「樂盈，做咩咁春光滿面」「咩呀…」紫儀係我背後叫住我，春光滿面，有咩？
「真架？」「一定啦」呢個時候芝詩好快講左呢一句，好似得罪左佢兩個咁…
「一陣睇戲之後會做咩呀？」「咩…咩…咩呀…」「樂盈約左男仔去睇戲？」「係呀」佢地兩個唔理我講咩，好快就返到班房，大家望住我地三個，發生咩事？
「樂盈，你係唔係會去比賽？」「Er…，咩比賽？」「吓，岩岩有老師黎搵你…「樂盈你返到啦，麻煩出一出黎」班主任陳老師好快就叫我出班房，咩事呢？
「你嘅成績係坐級頭五，所以學校想…」之後一大堆野，係我聽得明但唔想聽，一個學術比賽，但係對我前途得好少幫助，亦會減少我練舞嘅時間。
「唔好意思呀Miss Chan，我都係想多啲時間練Ballet同溫書，所以我唔參加啦」講完呢句就返左埋位，呼，我練舞嘅時間已經少左，同埋要兼顧返學…
鈴鈴…，好快就到左小息，但依旋好急咁走到我面前，一路喘氣一路想講野。
「抖陣先啦依旋，做咩呀？」「呀哥琴晚好夜都出街，唔知做咩，姐姐你…」聽完依旋講左一大堆野之後，都唔知應唔應該將佢阿哥琴晚送宵夜比我呢件事…
「做咩咁心虛呀盈盈」易心同樂愛呢個時候走左過黎，連埋芝詩三個圍住我。
「冇…冇」佢地好快就向我逼供，但我當然冇理佢地，轉眼就到食飯時間。
「衰妹樂盈有野暪住我地，點對付佢好」芝詩好快就將呢打左上姊妹群，明顯係想比我見到，但係我當然唔會理佢地呢句話，一心諗住放學嘅睇遵約會。
「放學佢就知味道😏」麗晴好快就係群組度復左呢句，當然一陣係要去跳舞。
「嗯嗯嗯」大家都復左呢一句，當然，我係群組入面冇出聲，之後就到左放學，佢地一路行去舞室一路向我逼供，仲煩過阿媽叫你去溫書同叫你去訓教。
「唉吔，你地好煩呀」「你答左我地咪唔會再煩你囉」一路行一路問，直到上堂之前佢地都係度問問問，直到跳舞堂落堂，影天黎接我果陣就WOW左一聲。
「唉，有名無實嘅情侶，幾時正名」「Er…」「唔緊要啦，行囉？」好快就比影天帶住行去戲院，但係我練完舞開始見肚餓，一陣間會唔會睇睇下個肚叫架…
「嗱，睇完戲同你去食飯」好快就見到一份好足料嘅三文治係我面前。
「你整架？」「岩岩放學冇野咪去買料，知你仲意食呀」佢…佢真係咁留意我？
「好唔好食呀？」「嗯」好快就食哂成個三文治，而成套戲真係好好睇，但…
「張飛幾錢？」「30蚊」聽左呢倨數果陣就知佢係度呃緊我，真係玩我啫。
「劉影天，好講真話」「盈盈你好傻呀，唔駛比返錢我真係」佢講到呢度真係好唔舒服，明明未同佢拍拖，就係度處處維護我，係度幫我，但係我真係真係…
「樂盈，做咩呀？」「你真係唔駛咁幫我，我又唔係你邊個」「你係，你係我劉影天未來嘅女朋友，未來嘅老婆」未來嘅老婆？，會唔會諗得啲多左呢？
「我幾時係你未來嘅女朋友」「其實依旋話…」依…依旋？，真係串左煲？
「嗯，咁我返去啦」「我送你」好快就同佢慢慢行返屋企，講完個再見之後就分開左，嗯…，岩岩佢話我係未來女朋友，即係佢預左我會應承佢，咁應該…
鈴鈴…，姊妹群又傳出好多唔同訊息，咦…，點解會有張相，係…我同影天？
「唔怪得有個衰妹唔同我地去睇戲」原來跳完舞之後，芝詩係我地兩個後面影左張相，而張相就係影天扶住我一路行緊去電影院，一路傾緊計，好開心咁。
「唉，知佢有仔啦」易心同樂愛睇完張相就嘆氣咁講左句，但係我諗緊…
「樂盈你諗住幾時接受佢？」「係囉係囉，佢真係對你好好喎」姊妹嘅問題越黎越尖銳，一時間我都唔知應該點答佢地，但…，叮叮…，手機上又收到訊息。
「姐姐，岩岩阿哥係唔係同你講左啲咩？」依旋傳黎呢句野，而影天當然係…
「你考慮清楚再答我，等你」呢句咁嘅野係我個心度留左好一段時間，不過…
「你係唔係爆左啲咩比佢知呀」「吓，冇呀」「但係佢…」將今日影天同我講嘅野一五一十咁同依旋講返，但係我諗唔到嘅係…影天係臨尾幾句插口入黎…
「我唔會逼你架樂盈，我會一直等你」係呢個時候已經諗唔到野，只可以…
「阿女，你食飯未？」好快就聽到媽咪把聲，亦都係食飯果陣傾左啲野。
「嗯，應該過多兩個禮拜隻腳就會好返」跳舞老師打黎果陣，我正係度幫隻腳換藥，亦都開始拉返筋，呼，兩個禮拜後嘅星期四，係繼續我嘅跳舞人生。
鈴鈴…，一陣又一陣嘅鈴聲打斷左我嘅訓教時間，嗯，依家時間係朝早九點…
「點呀大小姐，依家九點炸…」「快啲起身啦，今日有野要做呀」芝詩嘅聲音打斷左我嘅訓教慾，而我地集合嘅地點係荃灣大會堂…，究竟要做啲咩？
「芭蕾舞團？」「係呀，有個芭蕾舞團黎香港搞show，我知你實有興趣」芝詩好快就帶左我埋張海報度，一路指住佢地會演出咩戲目一路講解呢個團嘅野。
「星期六晚，你應該冇野做？」「嗯」「咁我買飛架啦」「四張芭蕾舞團學生飛」四張？，姊妹團入面有人唔黎？，唔通係樂愛，定易心？，係群組度問下先。
「唔駛問啦，果陣我有飯局要去，所以你地睇得開心啲」芝詩講完呢句就將所有飛比曬我，之後就一齊去左食早餐，今日咁多時間，係屋企拉下筋準備下。
「盈盈你幾時開始練習？」「兩個禮拜後嘅星期四」「一個禮拜練三日，得唔得架」「冇事嘅」食完野我地就解散，返到屋企第一件事就係繼續拉筋溫書。
「樂盈？」「紫儀，你又會係度嘅」係屋企樓下撞到紫儀，傾左五分鐘就再見。
「呼，今日要做嘅練習有…」係屋企度盤算緊今日有咩要做，但係好多野係我個腦度流過，搞到自己今日都唔知由邊度開始先岩…，呼，就簡單嘅開始啦！
「好」聽住自己仲意嘅歌，開始左今日嘅拉筋並溫書之旅，隻腳仲有少少痛…
「唔緊要，捱埋呢兩個禮拜」好快就同自己講完就繼續練習同溫書，直到兩個鐘後自己都攰就停左落黎，呼…，比自己一個休息時間先，有冇野食呢？
應該要補充水份嘅時間，只可以不停飲水，不停令自己降溫，呼，繼續練習！
叮噹…，門鈴係呢個時候響起，嗯？，又有邊個係呢個時間黎呢，嘩，影天？