起舞吧!愛與舞蹈的感覺: 6
唔好意思咁多位讀者，岩岩先處理完私人事務，終於有時間Po返故，希望仲有人係度追緊個故啦
時不延遲，即刻去故!!!
-------------------------------------------------------------------------------我係分隔線-------------------------------------------------------------
「咁樂盈你唔洗擔心啦」「嗯…」好快就行到返學校，但係我同佢嘅關係好似…
鈴鈴鈴…，轉眼間就聽到放學嘅鐘聲，而我同芝詩兩個就慢慢行去跳舞中心。
「姐姐等埋我」好快就聽到後面傳黎依旋把聲，而影天亦都企左係依旋隔離。
「點解你阿哥咁快黎到？」「佢間學校不嬲都早我地十五分鐘放架啦」係喎，佢地好似係男校黎，黎到我地呢間男女校好似冇咩問題，點解我要諗呢啲？
「老師，今個禮拜可以開始訓練」去到跳舞中心，好快就同老師交待自己嘅進度，亦都同老師約左訓練時間，希望可以得知自己咩時候可以考到相應等級。
「好，咁我計劃下先，你入黎做冽啲拉筋動作，唔好再整親自己」好快就到左我地練舞嘅時間，亦都好快就過左三個鐘，係門口等緊嘅當然係影天。
「廿四孝阿哥」「哈哈…」叮…，一開數據見到家庭群入面媽咪嘅訊息…
「今晚要OT，自己食」「吓…，又係自己食飯…」雖然話屋企人搵多啲錢係好，但係…但係…其實我最想嘅就係佢地可以陪下我，關心下我，鍚下我…
「姐姐你想食咩？」聽到我講自己食嘅依旋，好快就左我呢個問題，但係呢度食，好似有啲Dry，但係去其他地方食，我又好攰，咁不如…叫外賣返屋企？
「樂盈？」好快就聽到一把男聲叫左我個名，而望返過去食影天，依旋亦都…
「Er，我都諗唔到食咩好，芝詩同麗晴呢？」講到呢度我先發覺唔見左佢地…
「兩個衰妹去左邊？」「見你地一家三口傾得咁肉緊咪唔阻住你地囉」「我阿媽急call，聽日學校見」好快就收到佢地兩個嘅回復，而我再次望向依旋果度…
一對水汪汪嘅大眼睛好似話我知，你今晚一定要同我地兩兄妹一齊食飯…
「但係我唔想食呢度附近嘅野，不如叫外賣？」「不如黎我屋企食？」影天好快就提出左呢個方案，但望到依旋個樣好似好唔開心咁，睇黎佢有野想去食…
「依旋你想食咩？」「不如食葵廣？」Er…，你跳完三個鐘舞唔攰架，同埋…
「樂盈你點睇？」「嗯…」好似唔知誚咩好咁，好快就應承左依旋去葵廣。
去到呢個小食勝地，人當然多，好彩我地都係三個人係度行黎行去，買下又食下咁，唔講仲以為我地三個係兄妹，希望唔好係度撞到同學就好，希望希望…
「咦，樂盈你都黎掃街？」唔講由自可，一講就撞到同班嘅女同學，仲要係…
「呀…係呀」「咦，你咪中一果個劉依旋，你地識架？」「嗯…」講左差唔多五分鐘，因為依旋個肚開始打鼓先走得甩，但係個女同學望住影天嘅眼神…
「唉…」自己一個慢慢行再歎氣，希望聽日唔好係班度有咩傳出黎就好。
「姐姐，食唔食？」依旋嘅聲音喚醒返我個人，佢已經買左一碗野係度食緊。
「我地差唔多又表演，唔好食太多」「哦…」好似真係聽我講咁只係食左一碗…
「阿哥你食唔食？」影天行左差唔多半個鐘都未出手，而我都係指定去食…
「Er，真係排？」我地三個望住真章魚無雙嘅人龍，企左係度差唔多五分鐘…
「上三樓睇下？」好快就去左三樓，情況都係差唔多，大家唯有兵分兩路…
「依旋自己一個真係冇問題？」「佢話有野想食所以自己去左買，應該冇問題嘅，你想食咩味？」買完小丸子，我地黎到呢個又一戟，出名大件夾抵食…
鈴鈴鈴…，影天電話響起左，來電係依旋…，唔通佢出左咩事要搵人幫手？
「阿哥…」我只係聽到頭兩個字，但見影天嘅樣，應該冇咩事發生嘅。
「你買完上番黎搵我地先，我地買左幾樣野就黎有得食，嗯嗯，係…」好快就見到依旋走番上黎，但佢兩手空空咁，好似真係買左野，但只係佢扁哂嘴咁。
「做咩呀？」「間野話要半個鐘先可以返去拎，但我真係好想食…」「不如我地食完行一陣？」「嗯」好快就同依旋影天清左眼前嘅野食，大家開始行街…
「姐姐有咩想買？」「我都係行下街炸，睇下有咩岩先」我地由二樓開始睇衫，行左差唔多十五分鐘先搵到想要嘅衫，我同依旋兩個都係度睇，睇到夠鐘…
同依旋去到慧食貓，個老闆做到唔停得手，見到依旋就問左個問題，好快就…
「我唔客氣…，姐姐你想食？」依旋望住我個樣又望下個餅，遞左過黎我度。
「嗯」我輕輕咬左一啖，第一次試呢件餅，味道唔錯，唔怪得要排半個鐘。
「依家幾點？」「差唔多九點半，不如返去囉？」「嗯」我地行返去上車果度等左一陣，劉家嘅私家車就黎到，上到去我想訓一陣，直到返到屋企樓下…
「起身啦」「嗯…，聽日學校見」好快就離開劉家私家車，返到去已經好攰…
「樂盈」「嗯？」「聽日放學得唔得閒？」「應該得嘅」「咁我放學黎接你」糊里糊塗咁應承左影天嘅約會，但我返到去就要更加努力去溫書，仲要努力上堂…
「十分嘈」好似聽到手鈴鬧鐘響左，但係完全郁唔到，醒左之後就發現我係…
「阿女起身啦」「知啦」過左幾分鐘先郁到，但係發現自己訓左係張枱度。
「點解會訓係枱度？」一路刷牙一路問自己點解訓左係枱度，但著校服果陣先發現，我係未執書包，今日應該…應該連早餐都食唔到，呼，快啲趕返學校。
「之後要做一個報告…」係化學堂聽到一個咁嘅說話，但係我個人開始放空，直到老師開始周圍巡先發現自己放空，但老師已經跳左幾頁，究竟講左咩？
鈴鈴，好快就到食飯時間，三位姊妹好快就過左黎我張枱度，拐左我去食飯。
「盈盈你今日做咩咁嘅樣？」「嗯…」完全唔識應佢地，只係等個飯黎到…
「樂盈」「樂盈」我一直係度放空，聽到佢地叫我，但係就冇時間去應佢地。
「喂」「嗯？」差唔多食完成餐飯我先有返精神去應佢地三個，先有得啲精力。
「盈盈做咩呀？」「我一陣要去行街，唔駛等我放學」好快就回應左姊妹嘅問題，亦都好快就返到學校洗手間自閉五分鐘，之後就已經係上堂鐘聲響起…
「好，今日去到呢度，大家有咩唔明可以留低問」鈴鈴…，老師講到呢一句已經係放學嘅節奏，咁岩放學鐘係呢個時候響起，而我望一望大門口，佢真係…
「嘩，有男仔黎接人放學呀」「果個咪…，盈盈？」芝詩比同學吸引去望左一眼，之後就調轉頭想向我求證啲咩，當然我顧住執書包，一眼都冇望過佢地…
「喂，做咩唔理人」「可能係黎接依旋架呢」我口不對心咁講，而且加快速度…
「約左人，聽日見」好快就跑出班房門口，再到學校門口，一枝箭拉住佢走.。
「樂盈樂盈…」影天係後面叫住我，跑左差唔多五分鐘我先慢慢停低。
「做咩？」「不如我地去葵廣？」聽到呢句覺得有啲驚訝，佢真係想約我去街？
「你真係想約我去街？」「嗯」好快就聽到佢嘅回應，我地就上左佢嘅私家車…
叮…，手機上見到一幅相，相中人當然係我…，佢地三個，咁都影到我相…
「樂盈去試下」嗯？，咦，點解返左黎琴日睇岩果間舖頭，佢仲比左件衫我