地府實習生: 爭吵
晚上，地府，小冰、老婆婆、孫兒
【小冰張開眼，回到土地廟】 【小冰坐在位子，準備工作，突然聽到爭吵聲】
老婆婆： 【大叫】放我入去呀，點解要分開入閘？我孫仔係後面呀！唔行呀，要等埋一齊入去。
孫兒： 【大喊】嫲嫲，嫲嫲呀！
【小冰行上前瞭解】
小冰： 婆婆有咩可以幫你，你唔行會塞住閘口，後面打晒蛇餅。
老婆婆： 等埋個孫仔，頭先我哋要分開，好擔心會失散，入到去就見唔到佢。【捉住小冰的手】年輕人，唔該你幫下我呀，佢得7歲咋。
小冰： 我都明白嘅，幫你安排下。【帶老婆婆同孫兒站在一旁】企喺度等一陣先，我盡快安排特別通道俾你地。
老婆婆： 【感動落淚】後生女，多謝你。
【老婆婆與孫兒行入特別通道】【小冰凝望兩人背影】
小冰： 【眼帶淚光】外公，你依家係邊度呢，唔知你過成點呢？
已關閉評論