【重甜 NTR三角戀】《抖S風紀 第二季》（廣東話版）: 第二話-用嚟裝飾嘅校規

「早晨。」
「今日著得真係整齊。」
「嗰個冇帶校章嘅同我過嚟！」
「請簽收。」

好眼瞓...一大朝早企喺學校門口派神奇嘅警告紙。

琴晚冇點瞓過，搞到我係咁打喊路。

「呵~」



喔？有人要嚟啦，校門外傳嚟腳步聲。

係咪老師？點解係高踭鞋嘅聲？

「早...晨？」

金髮、化妝、耳環、校服恤衫上三粒冇扣嘅鈕，心口一條深深嘅乳溝，仲有吊帶襪同高踭鞋。

妳當校規係咩？！



「早晨啊小弟弟~」

見到佢好有自信咁行過，好似完全唔知校規嘅一樣。

「企喺度！」

佢停低腳步，回眸望住我，帶住殺氣咁問：「有咩事？」

我先唔驚佢，我接住問：「妳邊班嘅？咩學號？」



「2C班二十四號。」

我拎起神奇嘅紙同筆記低。
「2C班二十四...？？」

呢個唔係師妹嘅班同埋學號咩？
咩啊？

「喂！！」

而家叫都嚟唔切，一早就俾佢走甩咗。
點解佢知道師妹嘅班同學嘅？

腦袋突然諗起上次喺實驗室聽到嘅高跟鞋聲。


好似好相似？不過呢個諗法真係智障，高跟鞋嘅聲音仲有分嘅咩？
唔清楚啦！！

嗰個女嘅似乎係高form，小息先去搵佢。
依家要去上堂啦。

行上樓梯...
行到二樓嘅時候突然有人將我拉咗入去。

「誒？？」

轉身睇一睇，是頭先嘅師姐。
快啲寫神奇嘅紙。

「妳要簽收...喂！！」



仲未講完我又比佢拉走咗，
俾佢拉咗去女廁。

有啲驚訝，第一次入女廁。

師姐鎖咗門，然後左手拍我後面嘅牆。
唔啱啊。

我俾佢壁咚！
我俾佢壁咚？
我俾佢壁咚！
嗚哇啊啊啊。

師姐慢慢噉挨埋嚟，香水味好濃，對波貼上我嘅身體，好軟欸...隔住衫感受到佢嘅體溫...



「哎喲~面紅啦，小弟弟。」
見到佢挑逗嘅表情，我居然俾佢壓住玩。

佢將手伸到自己背後，似係解開咗bra扣，然後拎出來。
「你仲認唔認得出呢個係咩嚟~？」

熟悉嘅黑色lace，絕對唔會錯——係我女朋友2C班二十四號唔合規則嘅bra！

「點解會喺妳手上！！」我有啲激動。

佢繼續挑逗咁講：「唔知邊對情侶喺實驗室玩得咁刺激呢~」

我徹底咁感覺到糟糕。



「還返俾我...女朋友。」
「唔要~」
麻煩啦。

「如果你承諾聽日嚟課室嘅話就俾你啦~」
「反正我都要俾妳警告紙，嚟就嚟啊！」
「一言為定。」

佢就咁就走咗，我諗應該冇問題掛？

（待續）
.
.
.
本故事純屬虛構 未經許可請勿轉發