【重甜 NTR三角戀】《抖S風紀 第二季》（廣東話版）: 第九話-最後嘅愛意（下）

我好似仲未死，因為我嘅意識仲好清晰。

「風紀哥哥！！」
師妹喺度搖緊我嘅身體，我可以感覺到。

咁證明我除咗視覺，其他器官仲好正常。

咁咪代表...我盲咗？！

然後我想回應師妹...


口！啞埋！

「風紀哥哥...」
我聽到師妹開始喊，心入面好難受。

到底點解會咁樣暈低...係朝早嗰支針筒嘅嘢有啲乜嘢？！
唔清楚...

應該一早知道師姐心懷不軌，明明身邊咁多「男性朋友」，根本冇可能會揀我呢個平凡嘅風紀。
心入面明明好清楚，但係身體一直受到誘惑...


我真係差勁。

嗯？感覺身體好似俾人拖緊？

「嗯吚......」
師妹將我拉走。

嗚啊啊啊...好痛啊...
將我拖落樓梯...



「到啦...」
呢個氣味我估係保健室掛。

「今天冇人用保健室啊。」
佢冇講大話，真係好靜。

突然感覺到對眼可以擘開。

我用力擘開對眼，終於重見光明啦。

「師兄~」

「師妹...妳可唔可以唔好離我咁近？我已經有我最愛嘅師姐啦。」

咩話？明明我心入面都唔係咁諗？！


把聲口講出嚟嘅點解係咁？！

「No！你頭先暈之前明明有嘢想同我講嘅！！」

我想講愛你...

「我只想講我哋分手啦。」

唔係...唔係咁架...
喺呢一刻，我嘅心真係好痛，明明我有嘢想講清楚...
明明真心愛我嘅人就係眼前...點解...

我嘅眼淚流咗落嚟。

「一講到分手開心到喊添，妳可以走啦，八婆，最好以後都唔好見。」



真係唔係咁...寶貝唔好走...

「咁...永別啦...」
師妹再次捂住面咁走咗，我咁樣死咗唔係更加好咩？
咁賤格，咁痛心。

當我仲喺度回想緊自己嘅行為嘅時候，師姐入咗嚟。
「寶貝~你點嘛？」

我想大聲質問佢關於注射藥嘅問題，
結果...

「還好啦，我嘅寶貝老婆~」



我口？嘴巴真係唔受控制？

呢種冇良心嘅嘢都講得出？咁我不如啞咗就算...

伴隨住高踭鞋嘅腳步聲，佢行到我身邊，
靠近我隻耳，話：
「你一定好好奇關於你嘅嘴巴呢？」
「...」
「唔洗擔心，我注射嘅只係納米機械~」

到底係咩嚟...

「嗰個係可以控制人心嘅嘢~」
「唔...！」



我嘗試強行控制自己嘅嘴巴...

「唔係咁心急~唔喺廿四小時，你心入面就只淨低我一個架啦~」

可惡...都知嗰個唔係咩好嘢嚟...

「如果冇咩事嘅話，你老婆——我，去上堂先啦~」

我係幾咁崩潰...

（待續）
.
.
.
本故事純屬虛構 未經許可請勿轉發