要愛情，定要麵包?: 12. 老總給我的提示

「老總，呢d資料…」
 
「唔係我俾你架，係院長拎俾你」
 
「院長?」
 
老總行埋我身邊同我講呢d事
 
「院長見到你以前IVE成績，知道你工作表現又非常好，而且浸會果邊藥劑部都對你有好高評價，所有人都認為你唔應該做個SD」
 


「但係去外國讀…返到黎又要考試之類」
 
「我地冇預你會返黎考牌，可以嘅話就留係外國發展下事業，對你有好處」
 
我手上嘅資料非常奇怪，全部都係雪梨D大學嘅資料
 
「老總，去讀藥…唔係應該去英國咩…我手上嘅全部都係澳洲…」
 
老總拍一拍我膊頭，表示對我嘅支持
 


「你出院當日，院長同幾個上大人都經過，見到哂你屋企同女朋友嘅事，亦見到你同凌先生凌小姐嘅事，所以…」
 
「老總…唔通你地想我用三個月時間，去換人地咁多年咩…事實永遠都改變唔到」
 
「你唔試下..又點知，但係你首先要處理好面對嘅問題，最好就一刀切，唔好留低任何手尾。始終果個係陪你過一世嘅人，我都唔想見到你咁辛苦落去」
 
「不過老總…」
 
「娶錯老婆，仲可以離婚，如果有左小朋友嘅話，問題就更大，所以我先叫你諗清諗楚。酒席同埋婚紗嘅問題唔大，當係跌左錢就算。你係唔掂嘅，我地成個藥劑部一人夾D，都會幫你搞掂佢」
 


「得啦老總……我會諗清楚」
 
「其實…凌小姐同你真係好襯，你用左咁多年時間搵佢，而家佢終於係你面前出現，唔好咁易放手」
 
「老總….即係要我做衰人?」
 
「你答我丫…如果條件一樣，你會揀凌小姐定Candy?」
 
我抬一抬頭，就發現成班同事係到等我答案
 
終於我講出心底話
 
「我…會揀返凌小姐…」
 
「咁就得，主診醫生會留多佢係香港一段日子，你就好好把握」


 
放工後，我上病房睇下思思，然後我先搭車返沙田嘅屋企
 
返到商場，已經見到我地屋苑最出名嘅鎖車隊快速工作。其實我係咪都應該快少少同人講，我唔結婚啦
 
不過肯定會引起好多風風雨雨，但係最終都要同人交代清楚。就係我一入屋果一刻，我已經俾人鬧緊
 
「你呀!!!!差唔多成千萬咁就冇左，你係咪痴線架!!打多D金俾我唔得咩!!!仲有呀!!換過間大屋呢間放租唔好咩!!!一日到黑只係識讀書讀書，而家我D親戚點都話要我地幫佢俾埋酒店錢呀!!!我唔理呀!!!你快D同人拎返張支票呀!!!!」(下刪五萬字)
 
「其實妳地屋企發生咩事呢?我捐個肝俾朋友又有咩問題?」
 
「朋友?咩朋友呀!!果隻狐狸精就係知道你會救佢先返黎咋!!你俾佢迷左幾耐呀!!!原來你晚晚上網就係搵佢!!你講丫!!你同佢咩關係呀!!仲有呀!!!上次帶你走果條女呀!!!我認得佢架!!佢真光架嘛!!!一日到黑你身邊都係有佢地成班真光妹係到，你同佢地有路呀?」
 
「我同佢地係朋友，就咁簡單」
 


「朋友?我唔理呀!!!而家我冇保障呀!!你層樓好加我名啦!!你唔加我就唔結婚!!」
 
如今佢自己傳個波俾我，冇理由唔射門架嘛，所以我打蛇隨棍上