宇宙傳送門: 2.9

現時晏就四點四十分，我同家姐繼續係棟商業大廈尋找物資。

由後樓梯上多一層，嚟到七樓嘅一間戶外用品舖頭。

呢間嘅戶外用品舖頭同樣係不能倖免，收銀位置嘅貨幣被洗劫一空，成間舖一個人影都冇，個玻璃門仲俾人打爆咗。

除咗錢之外，其他嘢大部分都仲係度，亦都有好多我哋需要嘅嘢。

呢間嘢真係啱晒而家呢啲非常情況，而且仲要有幾箱乾糧同一箱飲用水。





雖然冇底褲，但我都揾咗條最短嘅運動褲當孖煙通咁着。我很快就揀咗一套衫褲，係要着之前我望一望家姐嘅臉色。

就係十分鐘之前，家姐先自己俾錢買咗件衫，而家我就咁拎嚟着好似唔多俾面佢。

基於我身無分文，真係咩都冇係身，加上家姐都冇晒現金，又冇人幫我哋碌卡，所以家姐就留低咗佢個電話號碼係收銀位置。

其實我真係唔信之後會有機會俾返錢，因為呢個世界都應該有排先變返正常，甚至乎唔會。

不過，學家姐講，係一種心態嚟，免得連自己都變得唔正常。





我將揀好嘅衫着上身之後擰轉面，原來家姐都背住我係度換緊衫，我應該係要移開我對眼，但我反而係擘大咗對眼同個口。

家姐除咗件T-shirt，剩低個黑色嘅Bra，露出佢洁白細嫩嘅皮膚。

家姐背脊嘅右上角仲有一個細嘅紋身，係一句潦草嘅英文嚟，一時之間我都冇心機去研究係寫啲咩。

家姐換咗頭先買嘅嗰件新T-shirt，着完之後，佢除埋條褲，露出同佢對Bra match嘅黑色底褲。

睇到呢度，我已經揸實咗拳頭，個心跳得勁快。





家姐最後換埋條褲，之後鬆開咗佢原本紮起嘅秀髮，雙手將頭髮向後撥。係我眼中，成個畫面就好似慢鏡咁呈現出嚟，猶如電影嘅性感場面。

去到呢個時候，我開始意識到自己好似要嚟料，身上有少少紅色同綠色微弱嘅光。

唔得！唔好！冷靜落嚟！我冚咗自己兩巴掌，大啖大啖咁深呼吸。

「做咩呀你？」家姐換好衫擰過嚟。

我遞高對手表示家姐唔好過嚟，「冇事，冇事，我Okay，我Okay。」我亦都盡量唔望向家姐住，因為我要盡快保持冷靜。

「又嚟吖？」

「我…我唞吓okay，okay…..」

我自己行咗出舖頭，係條走廊度開始拉筋，唔知點解我覺得拉下筋會令我平靜落嚟。





我鼻吸氣，口呼氣，慢慢開始平靜落嚟，微弱嘅極光亦都開始消失，之後我靠住牆坐低咗係走廊。

所以，我身體嘅極光係根據我嘅情緒而出現？定係心跳？如果真係咁，我以後點算？即係我連興奮同激動嘅情緒都唔可以有？咁即係叫我做Walking Dead啫。

當我陷入思考嘅期間，家姐都行咗出嚟，坐低咗係我隔離，拎住咗兩枝水同幾包餅乾。

「唔會死下話？」佢幫我擰開咗枝水再遞俾我。

我接住咗枝水之餘仲偷笑咗下，家姐關心人嘅說話硬係有啲奇怪。

食咗幾塊餅，家姐拎咗包煙出嚟，抽咗一枝放係口含住。

然後再拎咗個好型嘅火機出嚟，用手指公彈開個火機蓋，一下清脆嘅金屬聲，再點火焫着煙頭。





煙頭嘅火光跟住家姐嘅呼吸而走動，二手煙由口同鼻呼出。

我坐係隔離望到家姐食，感覺有啲空虛，於是我都伸手指向家姐包煙。

「你食㗎咩？」

「而家開始。」

我抽咗一枝出嚟放入口點着，大力咁吸咗我人生第一口香煙。

我含住啲煙再吞落到喉嚨，呢一下突然令我超級想咳出嚟，但我又唔想係家姐面前柒，所以我死都忍住佢，合實把口，二手煙由個鼻呼出。

我谷到塊面紅晒咁同家姐對望咗幾秒，最終家姐忍唔住笑咗出嚟，而我都頂唔緊咳晒出嚟。

「哈哈…啊…」家姐笑到撕開咗嘴角嘅傷口。





「….」

「Don’t stop me」家姐撳住嘴角咁講。

「吓？」

「我背脊個紋身。你唔係睇到咩？」

「吖……………」

「係我以前鍾意嘅band，Queen。」

「我知道隊band，但我平時冇乜點聽歌。」





家姐拎咗部電話出嚟「咁你都幾悶㗎喎。」

家姐將電話放咗係我哋兩個中間，然後開始播歌「Tonight ~I’m gonna have myself...」

我完全冇諗過會係一個快歌嚟，等我仲以為會係同而家嘅氣氛配合到。

雖然首歌嘅氣氛同而家嘅情況完全唔啱，但我都聽住呢首Don’t stop me，留意住啲歌詞，一齊同家姐食住手上面枝煙。

既然發生咗嘅事情都發生咗，或者聽返首開心嘅歌，可以令我容易啲去接受。

或者呢首歌都可能會係我未來嘅飲歌。