「我哋約定大家，十年後嘅今日大家都單身，我哋就結婚，好唔好？」: 0.

今日2021年7月14號，係我哋中學畢業後嘅第4年。今日我同成班中學約咗出嚟去party room 食飲玩吹。呢5年期間，大家各有各忙，有各自嘅圈子，所以都好難約出嚟，都係有時得閒出黎打過一兩次波。今次搞手阿杰，好成功約到以前一齊玩嘅朋友出黎。

阿杰係我中學老友兼兄弟，到依家一有時間就會出黎飲酒吹水，同佢嘅話題離不開——女。亦都好小聽到佢有女朋友。 

電話螢幕彈出咗阿杰傳送過嚟嘅訊息 

阿杰：「阿浪，記得今晚Party Room，2000-0600，新蒲崗利森工業大廈12樓A，唔好遲到，重女！」 

我叫阿浪，Shitty Yr4 Accounting，173cm高中學長期剪住個傻仔阿旺頭，戴住一副粗大框嘅黑色眼鏡。中學畢業後，轉過個髮型，好多人都話我似香港某電視台藝人，而一齊過嘅女朋友唔超過3個。 



我好有禮貌咁覆 :「DOE, 班女身型就重，讀咗6年唔知咩料咩！」 

而阿杰亦都秒回並加多幾張圖 「你睇吓今晚啲女！第一張，Wendy。第二張，Tatiana,。第三張，D班 Alice。第4張，你個Ex，第5張，都係你個Ex。你睇吓Alice，條腿夠我玩2年！」 

Wendy 同Tatiana 係我中四到中六嘅同班同學，佢哋係排球校隊。Wendy 係舉球手，樣同身型就似袁澧琳。而Tatiana 就係快攻手，而樣同身型就好似Kayan9896。 

Alice，D班班花。
(純粹阿杰想自肥。) 

Denise 係我由中二到中四嘅女朋友，我哋都係C班。身型可以話係嗰陣全班最索嗰一個，好早就發育，大約米六，中長髮，白淨，有小小雀班。說話直接，有幾唔開心都會講出嚟唔會放喺心入面。分咗手嘅時候，佢由鍾意我變到好憎我，去到Last day嘅時候先破冰做返朋友。



Jessica 係我中六嘅女朋友，佢D班，我C班。擁有全學校最大塊面嘅稱號。大約一六二，短髮，膚色偏黑，唱歌勁好聽。佢性格比較內向怕羞。同Denise相反，無論佢開心定唔開心都只會放喺心入面，所以俾人感覺好Cool。 

我坐喺沙發望住張相心惗
Jessica…呢幾年你究竟去咗邊？」