「我哋約定大家，十年後嘅今日大家都單身，我哋就結婚，好唔好？」: 7.

等𨋢過程，我同Jessica一粒聲都冇出過。
Jessica耷低頭玩電話，我就思考緊係咪應該把握機會問返Jessica。 

工廈嘅升降機緩緩地上升，望住部𨋢由G/F 慢慢升上12/F。聽住𨋢門內上升嘅零件聲，Party Room 傳出嘅笑聲 
走廊內，我哋兩個之間氣氛係充斥住尷尬同陌生，而呢一刻嘅氣氛，被Jessica 嘅說話打破

「𨋢到喇」

行到入𨋢，尷尬嘅氣氛重新凝聚



12/F落G/F，兩個人喺呢個狹小嘅空間，缺少笑聲同零件聲，氣氛比起剛好多千幾萬倍 
經過頭先等𨋢嘅深思熟慮我決定打破呢個尷尬氣氛… 
「堯堯」
 
「做咩呀？」 

「我……」 

𨋢停咗喺8/F，有一對情侶拖住手行入黎，我哋各至退後到𨋢嘅角落 
尷尬氣氛又再度重聚 



情侶（女）：「我哋一陣去睇咩戲呀？」 

（男）：「我哋去睇周星馳套西遊記。」

 我同Jessica 不約而同望住對方

（女）：「唔係N年前嘅咩？上網都有得睇啦。」 

（男）：「唔同㗎，今次係4K修複版，唔同feel 㗎。」 



（女）：「咪又係西遊記，咪又係波野波囉咪…唔通波多野結衣咩！」

𨋢門喺G/F 打開，我主動㩒住個開門制，等待情侶與及Jessica出去後，我再離開。 

我同Jessica 並肩而行去便利店，要由街頭行去街尾。 

Jessica：「你頭先想講咩呀？我好耐冇聽過人叫我堯堯喇。」 

我欲言又止
：「Em…….堯堯……你仲記唔記得我點解會咁叫你呀？」（雖然唔係我最想問嘅問題）

Jessica傻笑著
：「唔記得咗lu。」 



「我哋中學輸賭，個陣好似係10月2號。你話，如果我可以一個禮拜唔遲到缺席，八點前返到學校，你就俾我以後都叫你堯堯。」 

「你仲記得咁清楚。我記得你嗰陣，每次喺學校門口見你都係遲到，次次都係我記你名。但我哋點解無啦啦會輸賭？」

 （其實我哋所有野我都好記得）

「因為我個陣一落堂轉課室成日去你班喺咁叫你堯堯，堯堯，堯堯，之後你勁唔鍾意，成日話我煩。之後你有次放學同我好認真講叫我唔好再咁，之後我哋就輸賭喇」尷尬笑著說。 

Jessica突然好認真講
：「呀浪，其實我好掛你，冇見你4年感覺你好似唔同咗好多，冇以前咁多野講，好寡言，但又好似成熟咗咁。」

 「係咩……？」我冷笑一聲，摸一摸頭「你可唔可以話我知畢業之後你去咗邊呀？」 

「其實我有亨丁頓舞蹈症。」