情。感 散文集 (小甜): 1.關係

如果你有一個機會，你會唔會想試下同我一齊？

“我想問下我地到底係咩關係？”

或者每一個人心入面都會有一個答案，令我不期然咁諗起曾經同朋友既對話，
佢話有啲人一見面你就會知道佢會係你既伴侶定係朋友，
又或者咁講係佢嘅世界上呢個世界根本唔存在男女純友誼，呢點我認同喎，
因為一係就朋友，一係就男女朋友

而直到近呢幾年興起既FWB,SP…


亦令我諗起其實呢個年代可能身邊每兩個人都總會有人有呢啲關係，咁我呢？

不意外啊，我都有，只不過係依家回頭諗返其實個一刻既我需要啲咩？點解會願意同啲陌生既男仔去發生關係？

係性需要？定其實缺既係愛？定好似係甜蜜蜜既情節咁講，兩個孤兒仔，無人無物，咁啱食餐團年飯姐，有冇講到咁罪過啊？大方既可以當冇事發生過，但相反既可能會問發生左之後，我地應該要點做？

其實無肯定既答案，因為無人知，又或者一開始就係出於大家既慾望。情同慾兩者絕對唔可以分開，有時發生關係可以出於慾，慾可以係慾望，情慾，慾念。人一產生慾，身體上就會有一定既反應，而往往出現係男性。好多人覺得女性相對冇咁大反應，呢個係真既。因為女性更需要既係情。可能你會問到底咩叫係情，情係來自情感，情緒，情愛。而女性正正同男性就相反。相信絕大部分既女性都以情行先，無情則無慾，發生關係上通常以情作為開端先有慾…..咁你呢？