想死之前破處嘅我好似做咗渣男: 自介同埋序章啩我估
我係雞先生 跟住落嚟要講嘅故事冇乜引人入勝嘅劇情 亦都冇精湛嘅文筆修飾當中所發生嘅事 只可以話係純粹想搵個地方擺低自己唔算好見得光嘅經歷 放低一啲自己唔敢同識嘅人講嘅想法 基本上嗰一刻諗到咩就寫啲咩 完全冇規劃可言 我只係想坦誠咁呈現一個真實嘅故事 標點符號都費鳩事加錯 所以讀起上嚟唔通順唔流暢請見諒 仲有一樣嘢 如果你睇到一半覺得個經歷似曾相識 覺得作者可能係自己識嘅人 或者故事入面出現嘅角色係自己 我希望你可以扮唔知 當呢個只係一個虛構嘅故事 留一個空間比雞先生佢悲傷地打飛機 繼續自以為是咁獨自將自己當係悲劇男主角
是咁的 小弟今年21歲 只係喺香港一個招牌跌落嚟都砸得死幾個嘅普通大學生 有普通嘅家庭普通嘅社交圈子 基本上就好似近年啲動漫越嚟越興嘅路人主角 等緊比架貨車撞去異世界 唯一有咩唔同嘅我估就係特別矮囉 想死嘅程度我覺得同生活喺呢座死城入面嘅其他香港人比應該冇乜大分別 不過我估對於個21歲嘅o靚仔嚟講年資可能都算比較長嘅 由大約中五開始有嘅尋死念頭一直拖拖拉拉到而家大約可能都有五六年了 宜家諗返起其實都已經唔係好講得出係咩原因 不過我估呢啲嘢其實都冇一個明確嘅主因嘅 我相信如果夾硬要講就因為我份人本身又悲觀又冇自信 再加埋當年比dse折磨吓 不知不覺呢啲思想就會開始出嚟㗎喇 仲記得好似中六嗰年曾經寫過遺書 點知寫到一半同屋企人講再見嘅時候呢 個人就突然崩潰咗 跟住就唔想自殺lu 因為之後出咗成績又唔係想像中咁差 雖然唔係最鍾意嗰科 但都勉強可以入到個三大 嗰陣時大概就係諗唉屌睇下點先囉 但係入到大學第一年就經歷咗19年啲嘢 個自殺念頭就好自然咁借啲意鼠返出嚟喇 但係通常次次一諗返起身邊嘅人又會覺得好唔捨得 就咁浮浮沉沉咁又過咗幾年 基本上諗住死已經成為咗生活嘅一部分 就好似起身會去刷牙咁樣 我起身就會諗屌點解又醒咗 仲記得起初都叫做會因為自己而喊 不知不覺就變咗係嬲自己 唔再可憐呢舊淨係識原地踏步嘅垃圾 依家喊都係為咗其他人或者外在因素 我甚至覺得其實自己唔值得咁depress 覺得自己好唔知足 就係咁樣一直憎自己點解咁憎自己 同時又憎自己冇呢個勇氣去終結一切 keep住行屍走肉咁樣過日子 不過當然啦呢啲嘢冇一個身邊人係知嘅 我呢啲乞人憎嘅怪癖性格 一直都唔敢同人講自己有咩問題 反而係會逼自己喺其他人面前表現得樂觀啲自信啲 咁我覺得我背後嘅邏輯就係因為唔想自己嘅負能量影響到人啩 又或者可能係出於我自己嘅自尊心唔想有人可憐我 所以就乖乖哋得返自己嘅時候先做個負撚樣 我估我嘅朋友都feel到或者get到我係個所謂嘅emo 不過我估佢哋應該都冇諗到我一直都咁想死 而且維持咗咁耐 又或者佢哋一啲都唔在意
依家嘅狀態我係覺得自己唔deserve幸福 亦唔deserve死亡呢種解脫 我會話自己係極度自我中心咁自卑
過咗呢段又唚氣又低落嘅自我介紹之後就講下我嘅戀愛經歷先啦 小弟第一次戀愛係單戀 喺幼稚園嘅時候唔知點解就已經學識咗鍾意人呢個概念 對班上面嘅一個女仔一見鍾情 （我哋跟住落嚟叫佢做M小姐 ） 但係畢竟呢段期間我腦筍都未生埋 其實都唔係好記得嗰陣時自己有冇做咩行為溝人 不過幼稚園小朋友戇戇鳩鳩識做啲咩呀 最多咪摘支花仔畀人 我唯一記得嘅就係嗰陣時好似有另一個男仔都鍾意佢 然後我喺公園度畀佢打咗一拳 年紀細細就已經為咗女人同人打交 跟住故事發展就已經去到我做緊小學雞嘅時候 都幾巧合地我哋喺同一間小學度讀 但係起初我係唔知呢樣嘢嘅 係有一日嘅小息M小姐同另外兩個女仔喺操場發現咗我我先知 佢嗰時笑咪咪咁行咗埋嚟 而我應該係社交障礙症開始發作 覺得如果扮唔識佢應該都幾搞笑 可以展示到小弟異於常人嘅幽默感 所以我就擺咗一個有啲迷惑嘅表情一直向後退 然後就喺我諗住開口話 「其實我梗係認得你啦哈哈 做咩你唔笑嘅哈哈 」 嗰一刻 小息鐘就響撚咗 咁眾所周知小息鐘對於小學生嚟講係一個有如皇上聖旨嘅命令嚟嘅 我當場就收咗聲停止咗所有行動冇同佢相認到 所以我都幾肯定我係已經激嬲咗佢㗎喇 再加上天意弄人 我跟住呢六年都冇同M小姐同班 基本上係乜柒交流都冇 但係細個睇住神鵰俠侶大嘅我就一直都好似楊過咁長情 冇放棄過呢段戀情 係去到小六畢業嗰年我先終於生咗個春袋出嚟有返啲大膽少少少少嘅行動 我特登買咗本畢業册 然後問佢攞咗電話
時間嚟到我升咗上中學 讀嘅係男校 側邊嗰間都係男校 同入咗間和尚寺冇分別 仲有機會同女性接觸嘅時間就剩係朝頭早去小賣部阿姨度買粉果或者坐巴士嘅時候博有女學生坐側邊 完全冇膽搵返M小姐 攞返嚟嘅電話同本畢業册一齊喺張書枱度積塵 應該係去到中二中三嘅時候 亦即係青少年開始發育同發情嘅季節 我先決定畀啲膽量主動聯絡人 我都唔記得咗自己嗰陣時係點樣發揮三寸不爛之舌先勉強搵到話題同個咁耐冇講過嘢嘅小學同學傾返偈 但係一傾就傾咗幾年 其實而家諗返起都淨係講啲無關痛癢嘅小事 根本就冇點樣認真咁了解過對方 嗰陣時有得同同年女仔傾計嘅我覺得自己已經係贏咗社交圈子入面嗰班毒撚 間中傾到夜晚講goodnight日頭講早晨繼續 更加係令到我心滿意足到可以攞嚟打飛機 不過我始終係一個又冇膽又社恐嘅青頭仔 對話入面其實都完全冇乜溝女嘅感覺 一直都淨係keep住喺個勉強稱得上close friend嘅狀態 去到中四中五越嚟越多身邊人開始拍拖 再加埋有啲熟嘅A0軍師喺度慫恿我唔好畀女仔等咁耐叫我主動啲 我都終於有番啲決心嘗試令我哋嘅關係進一步 然後一講起呢啲戀愛方面嘅嘢 我先知M小姐原來冇幾耐之前有咗男朋友 我呢個傻仔一早已經遲咗一步
是咁的 小弟今年21歲 只係喺香港一個招牌跌落嚟都砸得死幾個嘅普通大學生 有普通嘅家庭普通嘅社交圈子 基本上就好似近年啲動漫越嚟越興嘅路人主角 等緊比架貨車撞去異世界 唯一有咩唔同嘅我估就係特別矮囉 想死嘅程度我覺得同生活喺呢座死城入面嘅其他香港人比應該冇乜大分別 不過我估對於個21歲嘅o靚仔嚟講年資可能都算比較長嘅 由大約中五開始有嘅尋死念頭一直拖拖拉拉到而家大約可能都有五六年了 宜家諗返起其實都已經唔係好講得出係咩原因 不過我估呢啲嘢其實都冇一個明確嘅主因嘅 我相信如果夾硬要講就因為我份人本身又悲觀又冇自信 再加埋當年比dse折磨吓 不知不覺呢啲思想就會開始出嚟㗎喇 仲記得好似中六嗰年曾經寫過遺書 點知寫到一半同屋企人講再見嘅時候呢 個人就突然崩潰咗 跟住就唔想自殺lu 因為之後出咗成績又唔係想像中咁差 雖然唔係最鍾意嗰科 但都勉強可以入到個三大 嗰陣時大概就係諗唉屌睇下點先囉 但係入到大學第一年就經歷咗19年啲嘢 個自殺念頭就好自然咁借啲意鼠返出嚟喇 但係通常次次一諗返起身邊嘅人又會覺得好唔捨得 就咁浮浮沉沉咁又過咗幾年 基本上諗住死已經成為咗生活嘅一部分 就好似起身會去刷牙咁樣 我起身就會諗屌點解又醒咗 仲記得起初都叫做會因為自己而喊 不知不覺就變咗係嬲自己 唔再可憐呢舊淨係識原地踏步嘅垃圾 依家喊都係為咗其他人或者外在因素 我甚至覺得其實自己唔值得咁depress 覺得自己好唔知足 就係咁樣一直憎自己點解咁憎自己 同時又憎自己冇呢個勇氣去終結一切 keep住行屍走肉咁樣過日子 不過當然啦呢啲嘢冇一個身邊人係知嘅 我呢啲乞人憎嘅怪癖性格 一直都唔敢同人講自己有咩問題 反而係會逼自己喺其他人面前表現得樂觀啲自信啲 咁我覺得我背後嘅邏輯就係因為唔想自己嘅負能量影響到人啩 又或者可能係出於我自己嘅自尊心唔想有人可憐我 所以就乖乖哋得返自己嘅時候先做個負撚樣 我估我嘅朋友都feel到或者get到我係個所謂嘅emo 不過我估佢哋應該都冇諗到我一直都咁想死 而且維持咗咁耐 又或者佢哋一啲都唔在意
依家嘅狀態我係覺得自己唔deserve幸福 亦唔deserve死亡呢種解脫 我會話自己係極度自我中心咁自卑
過咗呢段又唚氣又低落嘅自我介紹之後就講下我嘅戀愛經歷先啦 小弟第一次戀愛係單戀 喺幼稚園嘅時候唔知點解就已經學識咗鍾意人呢個概念 對班上面嘅一個女仔一見鍾情 （我哋跟住落嚟叫佢做M小姐 ） 但係畢竟呢段期間我腦筍都未生埋 其實都唔係好記得嗰陣時自己有冇做咩行為溝人 不過幼稚園小朋友戇戇鳩鳩識做啲咩呀 最多咪摘支花仔畀人 我唯一記得嘅就係嗰陣時好似有另一個男仔都鍾意佢 然後我喺公園度畀佢打咗一拳 年紀細細就已經為咗女人同人打交 跟住故事發展就已經去到我做緊小學雞嘅時候 都幾巧合地我哋喺同一間小學度讀 但係起初我係唔知呢樣嘢嘅 係有一日嘅小息M小姐同另外兩個女仔喺操場發現咗我我先知 佢嗰時笑咪咪咁行咗埋嚟 而我應該係社交障礙症開始發作 覺得如果扮唔識佢應該都幾搞笑 可以展示到小弟異於常人嘅幽默感 所以我就擺咗一個有啲迷惑嘅表情一直向後退 然後就喺我諗住開口話 「其實我梗係認得你啦哈哈 做咩你唔笑嘅哈哈 」 嗰一刻 小息鐘就響撚咗 咁眾所周知小息鐘對於小學生嚟講係一個有如皇上聖旨嘅命令嚟嘅 我當場就收咗聲停止咗所有行動冇同佢相認到 所以我都幾肯定我係已經激嬲咗佢㗎喇 再加上天意弄人 我跟住呢六年都冇同M小姐同班 基本上係乜柒交流都冇 但係細個睇住神鵰俠侶大嘅我就一直都好似楊過咁長情 冇放棄過呢段戀情 係去到小六畢業嗰年我先終於生咗個春袋出嚟有返啲大膽少少少少嘅行動 我特登買咗本畢業册 然後問佢攞咗電話
時間嚟到我升咗上中學 讀嘅係男校 側邊嗰間都係男校 同入咗間和尚寺冇分別 仲有機會同女性接觸嘅時間就剩係朝頭早去小賣部阿姨度買粉果或者坐巴士嘅時候博有女學生坐側邊 完全冇膽搵返M小姐 攞返嚟嘅電話同本畢業册一齊喺張書枱度積塵 應該係去到中二中三嘅時候 亦即係青少年開始發育同發情嘅季節 我先決定畀啲膽量主動聯絡人 我都唔記得咗自己嗰陣時係點樣發揮三寸不爛之舌先勉強搵到話題同個咁耐冇講過嘢嘅小學同學傾返偈 但係一傾就傾咗幾年 其實而家諗返起都淨係講啲無關痛癢嘅小事 根本就冇點樣認真咁了解過對方 嗰陣時有得同同年女仔傾計嘅我覺得自己已經係贏咗社交圈子入面嗰班毒撚 間中傾到夜晚講goodnight日頭講早晨繼續 更加係令到我心滿意足到可以攞嚟打飛機 不過我始終係一個又冇膽又社恐嘅青頭仔 對話入面其實都完全冇乜溝女嘅感覺 一直都淨係keep住喺個勉強稱得上close friend嘅狀態 去到中四中五越嚟越多身邊人開始拍拖 再加埋有啲熟嘅A0軍師喺度慫恿我唔好畀女仔等咁耐叫我主動啲 我都終於有番啲決心嘗試令我哋嘅關係進一步 然後一講起呢啲戀愛方面嘅嘢 我先知M小姐原來冇幾耐之前有咗男朋友 我呢個傻仔一早已經遲咗一步