《藍藍》〈科幻/奇幻〉: 第十四章 爸爸的工作
第十四章 爸爸的工作
每一日, 同好多大人一樣, 爸爸都有自己既事去做, 正如「Earth」嗰本書所講, 每個 AOI行星上面所有人都有一份工作, 來換取佢哋每日必需嘅benefits 🥫🏠🎽。
就好似蟹仔🦀嘅媽媽lvy咁, 佢係做空姐, 每日都有成千上萬嘅航班服務 AOI行星上面不同人嘅需要。例如有啲人需要business trip, 又有啲人係travelling等等, 見盡百態。講返轉頭, 咁到底藍藍嘅爸爸係做咩㗎呢？
喺藍藍既角度, 相比起蟹仔既媽媽, 爸爸只係經常宅喺屋企, 甚至乎大部分時間都去咗書房入面個透明圓波波🌐入面「打機🎮」, 終日無所事事咁樣樣, 咁佢實則係冇工作嘅咩, 真奇怪~。
不過咁, 藍藍覺得打機都係幾有趣, 因為喺畫面喺嗰個圓波波入面, 好多現實冇可能出現嘅畫面都會喺嗰度見到, 例如可以見到藍天☀️、大海🌊、綠油油嘅大地🌲… 對比灰濛濛嘅大地、同埋灰沉沉嘅地底城嘅 AOI, 呢啲畫面都係好吸引眼球, 所以佢成日都偷偷地去咗書房偷睇爸爸打機。
有一日如常, 藍藍又走咗入書房, 喺嗰個圓波波嘅玻璃罩🌐外面偷睇爸爸打機。
不過, 今日見到嘅畫面好似有啲特別, 平時通常都係飛越一個大海洋🌅, 之後經過陸地。但, 今日竟然係喺一個大陸地其中一個森林🌲🌲上面 landing 咗呀！!！
當個鏡頭 landing咗之後, 畫面突然全黑⬛, 畫面上面只係寫住 「plugging out, please wait」。等咗一兩秒島, 畫面又再次重新啟動返, 但係畫面轉左去一個似係車箱入面🚇嘅地方。因為之前藍藍都坐過爸爸㗎私家車, 入面嘅設備好似有啲相似, 只不過呢度睇落個面積稍為比私家車大啲, 同埋完全冇座位, 目測見到大約可以容納到十個人左右。突然畫面上面出現咗一個小灰人👽, 呢個小灰人係背住鏡頭, 佢個手指喺鍵盤位置拔出, 轉個頭就對住鏡頭畫面講：「我哋出去啦 (大人語)👽！」
呢個小灰人皮膚粗糙, 黑色欖核形眼睛, 細小鼻孔同埋細小嘴巴, 成個形像都嚇親藍藍。不過今時今日嘅藍藍已經早就被嚇大, 雖然呢個小灰人都係好核突, 但都比唔上爸爸嘅真身咁恐怖, 所以佢都處變不驚, 冇大呼小叫, 認為係打機裏面嘅人物, 所以繼續冷靜咁睇落去。
之後鏡頭就開始旭動, 似乎呢個鏡頭係搭載喺一個人體身上, 而鏡頭就跟著嗰個小灰人, 一齊落咗「車」, 出咗外面啦。
外面係一個密麻麻嘅樹林, 頭頂嘅樹葉幾乎都遮曬個天空咁滯, 但都隱約見到佢哋呢個地方完全唔係藍藍住嘅地底世界, 呢度似乎係地面, 而且亦都見到天空, 天空係蔚藍色, 亦有白色棉花飄過☁️, 呢啲種種嘅一切對藍藍嚟講全部都係新事物, 有啲似喺「Earth」🌍 書上見到嘅環境一樣。
Landing 咗之後, 自身鏡頭同埋嗰個小灰人分頭行事, 周圍採集地上、樹上植物嘅樣本, 好似每樣都要拿少少, 拿少少。
响採集幾間, 突然「嘭」咗一聲, 自身鏡頭擰一擰轉面, 睇下傳出聲音嘅方向。鏡頭見到同伴嘅小灰人似乎胸部受傷, 一手揞住傷口, 但揞唔住藍色嘅血液💦👤不斷喺度滲出, 自身鏡頭就放低手頭上嘅工作, 打算走過去幫忙同伴。呢個時候, 鏡頭見到一個人類响遠處, 一路撥開長長嘅雜草, 彎腰腑身避開樹枝樹幹, 最後趕至小灰人身邊。佢係一個人類男人🧑🦱, 高度高過小灰人差唔多一倍咁多, 而且仲係一個好肥胖嘅人, 同AOI嘅大人或人仔好fit嘅身形明顯分別好大。 佢一邊拿住枝長管氣槍指住小灰人, 一邊猛力踢跌佢。
後來, 從鏡頭角度射出一下紅光🔦, 射到去嗰個男人身上, 嗰個人類男人就即場倒地暈到。小灰人雖然受咗傷, 但係似乎完全冇痛楚嘅反應, 依然行走自如, 佢用手揞住嘅胸口好快就「自然」被止血, 剩低流出嘅藍血一路行就一路由佢流乾, 行返去啱啱出嚟㗎「車」, 即係圓形碟狀嘅飛船🛸嗰度, 之後又隨即攞一啲好隨手好輕便嘅工具出嚟, 用個好似電筒🔦咁嘅物體照射一下人類肥男人身上, 就輕易咁將佢喺空中浮起搬運, 運送入飛船🛸裏面。
藍藍見到咁嘅狀況以為捉咗人類做乜, 都好緊張咁繼續睇落去。
响飛船入面, 佢哋將個男人擺咗上一張合金制嘅床上, 金屬床開始有微弱嘅震動同埋滲光, 嗰啲光係由床上發出, 將整個人體由頭到腳scan咗一次📷, 另一面屏幕嘅畫面就顯示到人體嘅透視圖📽️, 包括肌肉、骨骼、血管、微細胞組織等等。
佢哋亦都响控制台嗰邊遙控咗一啲手術工具, 工具由合金床裏面嘅機關彈出。 透過工具, 將一啲微激光穿透皮膚射入體內, 真空嘅吸管吸取內裏嘅細胞組織、血液等, 然之後將呢啲不同嘅細胞組織混合其他嘅物體, 放入一個個小型嘅大約五公升瓶器入面, 再加入咗一啲催化劑, 瓶器入面就生產咗一啲各式各樣、唔同形狀嘅奇怪的生物。數據從呢啲hybrid生物拿齊咗之後就立即銷毀, 樽裏面嘅生物無一幸免, 瞬間變為灰燼。
而嗰個男人最後就被掉到原處, 飛船🛸就立刻起飛, 撤離呢個地方。 小灰人將自己嘅手指插入操控板, 飛船就被啟動, 船身外圍不斷高速旋轉, 形成一個光環; 而置身中央嘅船艙係靜止嘅, 船艙裏面嘅嘢係完全唔郁, 同企喺地面係冇分別。 飛船一下子就彈射到上萬呎高空當中, 而唔受到任何環境及氣流影響, 完全靜音, 飛船就好似同呢個世界完全無關, 外面嘅一切就好似一個佈景走馬燈🎠咁不斷旋動, 這個證明咗個船身入面嘅穩定性。
飛船喺空中蕩漾咗幾下, 突然一下爆閃💥, 已經飛出到黑漆漆嘅外太空🌌, 飛船背向太陽, 而畫面顯示目的地為「Mars」。
藍藍睇完頭先嘅畫面覺得超興奮, 佢回想起阿風講, 人仔係嚟自「地球」呢個星球, 頭先啱啱喺森林嗰度見到有一個人類嘅男人, 佢愈諗愈覺得爸爸嘅工作一定唔簡單, 佢覺得呢啲畫面全部都係真實有的, 但因為喺冇身型對比之下, 佢喺度諗呢個人類男人究竟係大人定係人仔, 定係其他, 究竟畫面入面嗰個地方係咪就係「地球」, 即係大人口中嘅「earth」🌎。
藍藍心裏面嘅疑惑, 佢嘅想像, 就喺呢架飛船land到 Mars停了, 佢繼續睇畫面究竟發生咩事先。
Mars 根本就係另外一個行星🪐, 外表灰濛濛, 完全冇水, 只有沙石、山丘、低谷。飛船去到一個火山口, 直接飛入去, 飛到萬里深處嘅地底landing, 裏面嘅地下基地, 泊滿同類嘅飛船🛸🛸🛸🛸🛸, 而且呢到有好多嘅人類🧍🧍🧍🧍🧍同埋小灰人👽👽👽👽👽, 係一個廣大嘅停泊中心。外表係人類嘅人, 究竟係咪真實嘅人類, 而且呢個Mars又係乜嘢嘅世界, 好多好多嘅疑問都係藍藍嘅腦入面, 究竟有冇人可以話佢知個答案呢！
睇到嚟呢度, 爸爸坐喺呢個圓形嘅透明波波🌐突然著晒燈, 波波面前嘅牆壁突然間打開, 形成一個圓形入口, 入口裏面明顯係一個畀圓形波波穿過嘅山洞🕳️, 呢個時候圓波波就好似一粒波子咁, 從軌道轆入去山洞內, 藍藍未及時反應, 圓形牆壁就已經閂上。呢間房只剩低藍藍一個, 其他乜都冇了…
待續~