《藍藍》〈科幻/奇幻〉: 第十六章 月球旅行

第十六章 月球旅行

飛碟响宇宙穿梭🌌, 速度係以數光速飛行前進, 剎那間已經到達moon嘅上空了🌔。 飛船慢慢慢落嚟, 不斷咁左搖右擺, 飄下飄下似一片落葉咁, 愈飄愈近地面。 由機艙入面嘅窗門望出去, 好清晰可以見到地面附近有好多灰色嘅鉛球喺度來來回回咁巡邏, 睇落似係又一個高科技星球添。

要知道moon🌔嘅自轉, 係永遠啱啱好同圍繞earth🌍轉動嘅時間係掌握得啱啱好, 即係話, 在earth上面望去moon, 永遠只可以望到moon的一面, 而飛船降落的地方係喺永遠背住earth果一邊降落。

背earth果邊明顯係多極地和山脈⛰️, 同埋大小不一既又嚴重受侵嘅殞石坑, 凹凸不平, 完全係冇平地嘅地方, 表面亦都冇任何建築物🏬。當太空船飛到其中一個巨型殞石坑, 慢慢飄落嘅時, 殞石坑中間有一個大洞穴入口, 大型金屬閘口就為飛船而打開。飛船深入萬尺深淵, 深不見底, 最後終於落到底, 來到地下停機坪, 而呢度大大隻字寫住「B1」, 即係地底第1層。

飛船🛸上面嘅乘客逐一攞返自己嘅行李, 排隊辦理入境嘅手續。係呢度嘅入境處人員全部都係由人仔負責, 彷彿嚟咗人仔嘅國度。星際旅客們之後就步出機場大樓, 各自乘搭自己所需要嘅交通工具, 例如「旅遊巴」、「機場快線」等等。而藍藍爸爸佢哋就call咗車🚗直接去酒店settle down先。





簡單講下Moon🌔, 由於冇大氣層嘅關係, 地面上面受到強烈嘅輻射, 所以所有嘅建築設施都係喺地底, 呢度其實係一個大型嘅地底城。

「舒服曬~! 坐咗咁耐飛船, 腰骨都硬曬… 」「等我嚟幫你按摩, 你瞓喺床度…」「要大力啲喎… 」「太大你我驚你叫到拆天啵…」「快啲啦, 等咗你好耐~♡」
藍藍爸爸同蟹仔嘅媽媽有以上嘅對話。

「終於到咗啦, 我係第一次去外星旅行, 成個行程又搭飛船, 到到而家酒店體驗, 呢度真係好正！ 蟹仔, 你覺得呢😊？」藍藍問。
「OK啦, 都係咁啦, 酒店冇乜嘢玩, 都只可以瞓覺, 不過未見過媽媽嚟到酒店咁興奮就真~ 可能有你爸爸喺度, 哈哈！」蟹仔一副自豪咁嘅款。

蟹仔自步入酒店之後就被媽媽綁上貞操腰帶🥲, 腰帶顏色樸素, 都冇咁唔自然, 不過似乎藍藍唔知係有咩用途, 所以都冇咁尷尬😅。





四個人兩張床 (點樣分配由讀者可以自己幻想一下), 就係咁, 佢哋就喺酒店度過咗一夜🌌。

第二日, 酒店提供咗自助早餐, 睇嚟好豐富, 同AOI行星上面食嘅嘢好唔同, 依度嘅所有食材都比較新鮮, 例如即場煎蛋腸仔, 新鮮嘅烘焙麵包, 亦都有蝦餃燒賣珍珠雞, 總之就唔係AOI行星上的合成食物啦。

仲有呀, 喺酒店負責嘅服務員、廚師等全部都係人仔, 即係地球人🌎👭, 原來呢個酒店係地球人經營, 所以佢哋受到嘅服務同埋餐飲都係嚟自地球式。

藍藍同蟹仔坐喺座位上面, 爸爸媽媽就出咗去排隊攞煎蛋嘅時候, 有一位服務員經過幫佢哋斟水。藍藍見到服務員好好奇咁問下佢：「原來我哋人仔當中都有人喺呢度工作, 其實點樣先可以喺度工作…？🤷」

呢個女服務員樣子楚楚可憐, 見到藍藍同蟹仔坐喺客席, 好有禮貌咁回答：「歡迎光臨, 貴客你哋… 係咩人… 我意思係… 你哋喺邊度嚟…🥺」
藍：「我哋嚟自AOI, 你呢？」




服：「我喺moon出世, 聽講我係地球人…」卻…欲言又止, 就畀遠處嘅餐廳人仔經理喝罵, 所以個女服務員就馬上離開, 繼續其他工作。

藍藍自言自語：「都未同佢傾完佢咁快就走咗😤。 佢話佢係來自地球, 佢同我哋嘅語言係溝通到, 體型都同我哋一樣, 咁~其實我哋係咪來自地球呢？🤔」

蟹仔答佢：「無論點都好啦, 我哋同喺呢度工作嘅人仔身份好唔同, 我哋係來自AOI的上賓旅客, 我哋係AOI人!! 而佢哋係呢度服侍我哋嘅下人, 你要區分清楚呀！🤔」

藍藍好激動就話：「你點可以咁諗, 佢哋明明同我哋係一樣, 你就選擇視而不見…(深呼吸一口) 或者你啱, 我唔應該去繼續尋求真相, 依家嘅我就係爸爸嘅乖女兒… 好啦我唔再諗喇~😌」

自助餐嘅美食實在太好味, 各人食到飽都冇停, 直至自助餐時間🕥完結先唯有收口走人。食完早餐後就馬上出發第一日嘅旅程啦😋。

佢哋一行四人, 依照指示牌🈯, 前往去觀光嘅地點。首先佢哋搵到一個巨型嘅大lift, 依㗎lift起碼都裝到100個大人咁多, 裏面有一排排嘅座位。 lift門關上後, 整部lift就向前扯, lift門亦都著起一個大銀幕, 裏面嘅乘客就好似睇戲咁, 一邊睇一邊等到達目的地。

呢部lift其實佢係由出發地「moon back」站, 即係背住地球嗰一面, 目的地係「moon face」站, 即係永遠向住地球好平滑嗰一面。lift係直線穿入moon的內部中心, 貫通兩端的高速隧道列車。無錯, 講得白啲, moon唔係自然形成的所謂「衛星」, 其實moon係人造嘅產物, 一個巨型的人造宇宙衛星, 從遠古以來已經存在, 目的係用作earth上的通訊、導航、防衛和控制天氣等用途。

Lift穿過moon不到30分鐘左右, 就由一邊到達另一邊接近地面的地下B1層了, 所有乘客都有序咁走出去。當lift門打開, 呢度係一個大型購物中心, 好多人都會喺度買下手信, 又或者做其他娛樂嘅活動。AOI星人其實過慣「被純樸」同埋「被規律」嘅生活, 只要有啲唔同自己生活上嘅事已經好滿足, 呢啲活動令佢哋過得好開心🥰。





購物區雖然喺地底, 但係全天幕都可以隔住塊「大玻璃」直接望出宇宙🌌。但係, 如果你由空中望落 moon嘅表面, 係完全唔會知道呢度係有一塊巨型玻璃, 因為呢塊玻璃只有裏面睇到出面, 而出面望埋去就係灰色嘅岩石地咁樣樣, 原理就好似一塊鏡, 外面搽咗一層塗層令到外面望唔到入面, 主要用於防禦太陽直接嘅紫外線傷害。

行下行下, ivy見到一間專賣人仔衣服嘅鋪頭, 希望順便買下衫俾蟹仔著。舖頭入面大部分嘅衫設計都好獨特, 例如有板仔裝、原宿系、Mk系、街童等等, 風格上同AOI星買到嘅王子系/公主系好唔同。

Ivy不失女人嘅天性, 見到靚嘢就係咁擺入個購物藍, 完全唔睇價錢。爸爸作為男人, 中意科技嘢, 所以反而佢見到一件好特別嘅衫, 呢件衫係全透明, 好有彈性, 係一件連身衣連帽。反一反個價錢牌睇下竟然天價咁貴, 貴過其他衫成100倍。爸爸好奇問呢度嘅人仔售貨員：「點解呢件衫咁貴, 我唔覺得佢有咩特別喎…🤔🤔🤔」

人仔服務員, 耳仔戴住一個翻譯耳機, 喺佢個翻譯器當中直接翻譯爸爸所講嘅語言, 所以佢完全聽得明。而個耳機接駁住一個咪, 佢用自己嘅語言講嘢, 就會即時播出對方相關嘅語言。

呢個女sales屎好有善, 用高八度嘅聲線咁答爸爸：「先生, 你真係識貨, 呢件係新設計, 而且仲係試驗版階段, 限量發售, 叫做「國王的新衣」👤。佢之所以咁貴係因為, 佢配備有全新嘅功能, 呢件衫著咗上去之後, 只要撳上衣服上面個暗制, 佢呢個微小嘅納米鏡頭就會自動scan一下面前嘅衣服, 而作出transform, 變成同scan到嘅衣服一模一樣。但係因為係試驗版, 佢只可以scan到一個方向, 如果要3D效果, 就要自己喺物品嘅四周圍轉一個圈scan一次, 先可以做出接近完美嘅效果😊。呢件衫只有一件, 細細聲同你講, 呢件係大廠攞出嚟嘅次貨, 坊間係冇得買, 使唔使幫你keep起佢呀？😉」

爸爸見到價錢咁貴, 而且仲要係有缺憾, 所以就放低唔買, 但係呢段對話畀ivy聽到, 就衝過嚟搶住要：「件衫幾好玩咁噃, 我一定要買嚟畀蟹仔試下！唔該, 我就要咗佢啦~！😃」

買咗之後即刻俾蟹仔著上身試下, 佢身邊有藍藍, 就試下scan藍藍件衫, 結果件衫果然迅速transform, 變成藍藍同一樣嘅衫。 最好笑嘅係, 藍藍其實著住一件女裝, 結果蟹仔就全程被整蠱咁, 著住呢套女裝嘅外表去行街…😆😅 被其他商店入面嘅人仔sales不斷偷笑。





喺購物街嗰度, 佢哋周圍買下嘢, 食下嘢, 咁就一日。

第二日, 同樣佢哋都係食完早餐後就去搭lift, 去返「moon face」嗰邊嘅旅遊區。今日佢哋嘅節目係玩「太空漫步」。

佢哋由飛船降落moon嗰一刻開始, 佢哋都畀一種人做嘅地心吸力吸住在地面, 所以佢哋會好似普通人咁行路。今日佢哋著咗太空衣, 準備行出moon外面嘗試moon walk。

佢哋四個人, 係教練嘅安排之下, 著好全套整齊嘅太空衣。而太空衣後面吊住一條安全繩, 避免飛出太空。

佢哋除咗可以喺地上面彈下彈下, 感受下無重狀態, 仲可以同蔚藍色嘅earth合照, 當然旅客區呢啲咁嘅景點梗係食水深啦😅😅。 Moon walk彈彈下好好玩, 仲可以彈到好高添, 有一下藍藍用盡全力跳起, 因為佢體重過輕嘅緣故, 結果一飛飛到冇回頭, 不知不覺脫離咗地心吸力, 衝向宇宙外面, 地面上所有人好耐都見唔到佢嘅蹤影。

藍藍飛到遠離地面, 漸漸地面上面嘅樣已經變咗一粒米咁細, 佢非但係冇驚, 佢遠望住藍色嘅earth, 心裏面期待：「呢個前面咁靚嘅星球🌍, 唔通真係我嘅故鄉…🥺 我知道我唔係爸爸所生, 咁我真正嘅父母係咪就係喺呢度… 我有冇機會… 」藍藍知道冇可能, 所以面對現實, 望返轉頭…「爸爸佢等緊我…」

好彩係因為有條安全繩連住太空衣嘅緣故, 令到佢不至於飛出去, 藍藍扯住條繩一下一下, 搞咗好耐先拉返上地面, 真係有驚無險。

今日屬於體能消耗活動, 各人都玩到好攰, 搭lift回程時都瞓曬覺。所有人都瞓得正冧嘅時候, lift裏面突然「砰朧~」一下勁大聲, 成部 lift都強烈震咗一下, 令到所有人都係夢中被chok醒。 而lift入面停晒電, 熄曬燈, 伸手不見五指, 而且等咗好耐完全冇恢復, 冇音訊, 所有人都開始不知所措, 有啲人甚至離開座位大叫救命、拍打𨋢門等等, 場面非常混亂。





待續~