有人話陪人釘耳 下一世都會見到佢「真人真事 一直連載直至放下」: 「3」她與前任的最後對話 下

出到去之後….
我：「喂，屌！你唔好咁撚縮啦。又係你自己話想。」
迷你龍：「唔係呢，我真係唔敢見佢。」
我：「屌！拿拿趣啦，唔好要人哋等啦！」
糾纏咗15分鐘，終於捉到佢去約定地點。
見到佢之後，你話我仆街我都要講㗎喇。唔明點解迷你龍可以咁對佢，屌，我鐘意咁耐嘅人比你咁撚樣玩殘。
問心到宜家呢一刻我都仲嬲緊迷你龍
好 返正題
三個人你眼望我眼，其實係兩個人都望住我。隔咗一陣，我終於忍唔住開咗聲：「喂…講啲嘢吖，你又叫我約人出嚟講。人地都特登出嚟同你傾啦，唔好成碌木咁坐喺到吖。」
之後恆就話：「我地冇可能㗎喇，不過你想講啲咩，最後呢一次我都會聽嘅。」


喺恆嘅眼中同語氣其實都感覺到佢自己都好怕會心軟。
之後迷你龍終於開聲：「其實我知道自己唔成熟，做埋啲咁過分嘅嘢。我知道你唔會同返我一齊，但我會等你，可能有一日你會返嚟呢…」
恆就答：「之後嘅嘢冇人知，但係我可以好肯定話比你知我呢幾年都唔會返你身邊。」
我：「咁講完就行啦，最後一次送埋佢返屋企就返去啦。」
呢刻嘅我點估到呢次係我嘅第一次