有人話陪人釘耳 下一世都會見到佢「真人真事 一直連載直至放下」: 「7」背叛朋友了嗎，定係只係忠於自己….？下

去到之後，我先係尷尷尬尬咁同佢Say咗個Hi。
我見到佢買咗4 5罐酒，對唔住，我真係少縮，我係垃圾。
但話曬都係男仔冇理由咁柒㗎嘛，頂硬上。
佢比咗罐我之後，一直都未入正題，可能大家都尷尬啦～
去到飲咗半罐，佢開始講自己嘢，我咩都冇做，因為我見到佢已經醉醉地。我只係喺到聽，聽佢呻。
我知道佢酒量原來咁差之後我好驚，因為我唔可以比佢醉到貓晒，咁意味住我要飲曬剩低嗰啲。
佢一路講一路講，講到開始喊。我好想幫佢，但我咩都做唔到。我只可以聽，我見到佢飲完又諗住飲，我當場就衝埋去攞走佢講：「唉，你醉喇，唔好飲住啦。」
之後我唔知痴咗邊條筋一下子就飲埋去。講真吖飲完我都開始嚟，太快真係唔得。
佢無啦啦出聲話想返上去 去廁所先，之後佢就一仆一拐行咗返去，望住佢嘅我好擔心佢會唔會醉到唔識返去。
好在，佢都仲有意息唔係傻曬，安全返到嚟 。


之後我真係….唉。柒撚到傻