黑道D陰道 （甜）: 第06章

———鍾曉露15歲果年父母跳樓，原因係俾個好信任嘅拍檔穿公司櫃桶漏夜走佬，最後被負債近千萬逼上絕路。

———鍾曉露投靠遠房親戚，但由於性格倔強成日同佢地爭吵。

———最後靠自己賣肉孭起自己嘅生活費。

———但有次俾個雞蟲勒索，人生跌入無盡黑暗，曾經幾次試過想追隨父母嘅步伐。

———有一次鍾曉露企喺學校天台喊哂口準備跳，身後有一把聲問佢：「既然妳有勇氣死，點解無勇氣做啲轟轟烈烈嘅事？」



———原來有一個同班嘅不良少女一早瞓咗喺天台煲煙。

———鍾曉露問咗一個問題：「妳幫到我啲咩？仲有人幫到我咩？」

———「不如妳賣條命俾我，我幫尻硬妳，我甘綺南講過算數。」不良少女甘綺南，大部份學生都知佢係一個惹唔起嘅存在。

———當日最終無人喺學校跳樓，而鍾曉露已經死咗，卻一個誕生咗一個叫Ruby嘅賣命雞。

———當晚，勒索Ruby嘅雞蟲被賊人洗劫，伏屍住所。



———兩星期後，潛居泰國嘅一個穿櫃桶港人被斬成六份，其中屍首下落不明。

———「嗱，咩仇都幫妳報哂啦，係咪好簡單吖？唔好喊啦…」甘綺南喺天台擔住口煙安慰Ruby。

———「甘綺南… 我以後樂意為妳做牛做馬… 我呢條命係妳嘅…」Ruby大仇得報，非常激動。

———「屌！食煙啦八婆！以後我地姊妹相稱，唔撚駛講嘢。」甘綺南遞咗支卡碧幼煙俾Ruby。

———「嗯！妳係我師妹，我好應該叫妳做南姐…」Ruby接咗支煙同火機，不斷發出噠噠聲。



———「屌… 妳喜啦… 屌妳識唔撚識點煙㗎？擺埋口吸住點啦哈哈…」甘綺南笑哂口。

———甘綺南無諗過遞俾Ruby嘅第一飛煙嘅煙頭對方會一直好好珍藏，而且Ruby從來唔會買幼卡碧以外嘅煙。

———直到兩年前，「南姐」搞生意遇到阻滯，Ruby自動請纓幫手「搞掂」極難搞嘅大客。

———之後Ruby擔正做公關雞頭，暗中亦會幫一班決心下海嘅後生女謀福利，喺南姐嘅支持下拎到個明星飯局搞手做，兩年後終於成為金牌淫媒。

————Ruby一副淫樣姣身裁，各行各業嘅小老闆富二代個個俾足面Ruby姐；大老闆敢府高層直情賞哂面瞓埋Ruby姐。

———喺飛機幫花成持械搞K龍果晚，某個紀律部隊副署長指名要玩大台一線女明星，Ruby一句「一個唔夠加埋我得唔得先？No Extra Fee㗎～」，就成功搭上線幫飛機解圍。

———Ruby喺床上風情萬種，完事後亦服務專業，保證客戶玩得開心又放心。

———「南姐，有事搵我？」通常夜晚南姐來電都係有任務交俾Ruby。



———「今晚安排兩個乾淨嘅猛男俾我。」南姐語氣平淡。

———「無問題，要唔要試吓黑人？」Ruby最近連男妓市場都撈埋。

———「是但啦。」南姐近呢半年托Ruby搵過好多男妓。

———15分鐘之後，Ruby留低一間相熟高級酒店嘅房間號碼俾南姐。

———Ruby唔會過問南姐嘅私生活，但呢一次Ruby咁啱喺隔離房同個馬會高層爆完房自己留低，有啲好奇同南姐交戰果兩個黑人係咩質素，於是打開房門等南姐。

———結果Ruby見到南姐個「老公仔」拎住門咭走入房！？

———「……」Ruby嚇到無哂反應。



———南姐老公出事之後不舉嘅事無咩人知… 結果仲要「孿」尻埋…

———Ruby心中極度糾結，仲越諗越激動，不禁為南姐流下心痛嘅眼淚。

———「南姐，我條命係妳嘅，我就算死都會幫妳守住呢個秘密。」點著一支幼卡碧，Ruby自言自語。

———同樣身為女人，Ruby當然知道南姐嘅難處。