黑道D陰道 （甜）: 第10章
———叱咤尖沙咀嘅飛機哥其實都有正常人嘅生活圈子。
———佢有一班識咗十幾年嘅好機友，話說十幾年前打機入咗個遊戲公會，呢班人定時定候都會約出嚟聚舊。
———雖然隻Game已經收咗皮，但呢班人仍然可以開口埋口仲係講緊隻Game入面嘅術語。
———大家都用遊戲入面職級或者網名叫對方，例如「PP會長」、「PP副會」、「PP軍師」、「PP聰」、「PP Amy」、「PP石頭人」等等，而飛機哥叫「PP示愛」…
———飛機哥非常後悔細個On9改錯名…
———PP公會呢12個人感情Keep得好好，飛機今晚同佢地一齊唱K，順便收囍帖，因為「PP軍師」下星期準備結婚。
———呢12個人無論年齡背景都好唔同，但奇蹟地可以玩得好埋。
———飛機喺呢個圈子並唔係大哥，算係小嘍羅一名，坐喺K房一角聽PP會長佢地較為核心啲果堆人唱歌。
———中間有個叫「PP Janice」嘅後生女唱咗一首Justin Bieber嘅Love Me，當唱到「love me love me say that you love me」果段，咁啱條女望住飛機哥，個樣仲笑得好甜，飛機哥即刻俾呢條女俘虜咗。
———平時飛機都唔覺Janice好正，但因為一首歌同一個笑容，飛機哥小鹿亂撞！
———當晚飛機哥即刻對Janice發動追求攻勢。
———「喂，示愛！你平時都唔多出聲格，今晚食錯藥呀？」PP Janice笑住講。
———「吓？可能… 飲咗兩杯，大膽咗囉。」飛機鳩嗡。
———「哈哈，你飲凍檸茶咋喎！好白痴呀你！」Janice笑得好開心。
———去到散場，「PP示愛」好勇敢向Janice示愛，笑到Janice肚痛：「你條友真係無改錯名！哈哈哈！」
———最終兩人去咗維記爆房。
———Janice好好屌，條腰好識扭，含撚唔靠雙手，完事後陪飛機食咗支事後煙：「示愛，其實我有老公。」
———飛機點點頭話：「做SP，我知。」
———「叻仔，但我老公撈偏㗎啵，你驚唔驚？」Janice苦笑。
———「驚呀，咁我要搵副會長買重啲保險喇。」飛機繼續鳩嗡。
———「哈哈！白痴仔！我地快啲再嚟多次啦！」Janice好開心主動咁摟屌。
———飛機全晚出盡力馴服胯下一匹超野性嘅小白馬，搞得掂以後就可以晚晚騎～
———轉眼到咗「PP軍師」嘅大日子。
———飛機佢地坐哂同一圍枱，Janice坐得好遠，大概佢地之間嘅事唔見得光。
———新郎哥軍師係一個肥仔，辭詞嘅時間用咗唔少時間多謝呢班PP公會嘅朋友，突然有人大聲打斷新郎哥致辭：「快撚啲起菜啦死肥仔，講撚完未呀？」
———「哈哈… 唔好意思吖大表哥，你表妹夫一時太開心講耐咗，而家即刻上菜…」軍師隔離個新娘尷尬地打圓場。
———新娘大表哥果枱啲人一睇就知唔得罪得，個個紋哂身又凶神惡煞，然而飛機認得呢班人。
———雖然婚宴發生小插曲，但起菜後又重新回復正常氣氛，大表哥果班人開始食嘢飲酒賭錢，無再搞事。
———軍師趁住新娘換衫走埋PP公會果枱人講聲唔好意思，會長好奇問果班咩人嚟，軍師好無奈咁講原來新娘個舅父係江湖猛人，仲教到佢個仔慣常睇唔起人，呢堆人好難服侍，今晚特登劃咗5圍枱俾佢地個社團啲人。
———「軍師，今晚你先係主角，唔駛理佢地㗎！最緊要你開心！」會長好意安慰。
———「係囉，開心啲！祝福你地。」副會舉杯。
———飛機佢地一枱人飲得正高興之際，遠處嘅大表哥大嗌：「死肥仔！而家好飲得呀？夠膽死唔過嚟同我地敬酒先吖？」
———淆底嘅軍師即刻小跑過去賠罪。
———見軍師一杯又一杯咁俾班古惑仔隊酒，啲伴郎兄弟都唔敢埋去幫手頂酒。
———「我飲唔落喇大表哥… 哈哈… 下次再同咁多位大佬飲過。」軍師平時滴酒不沾。
———「屌你啦！同果邊班人飲都唔同我地飲呀嘛？」大表哥指住飛機果枱人。
———「唔係唔係… 我同你地再飲多杯… 好無？」軍師好委屈咁灌咗一杯紅酒。
———但大表哥依然唔肯放過軍師，繼續迫佢灌酒。
———「我代佢飲。」突然一把聲喺後面傳嚟。
———飛機行入5枱古惑仔中間，搭住軍師膊頭，無表情咁望住大表哥。
———「柒頭！你邊位呀？唔撚關事嘅傻仔唔該你死撚開啦！」大表哥著撚咗。
———飛機拎起酒杯，轉身走向輩份最高嘅新娘舅父面前，開口：「大詹，你個仔呀？」
———「飛機…哥？喂！乜咁啱呀？」新娘舅父即時彈咗起身：「細路仔唔識嘢，我返去即刻掌佢嘴！」
———「教仔慢慢教都得，飲杯啦衰鬼。」飛機同新娘舅父敬酒，場面一度寂靜，新娘舅父居然好恭敬咁彎住腰走埋去鏗杯？
———「我呢，雖然個個都知我鹹濕，但其實我好著緊我啲兄弟。」飛機指咗指軍師。
———「收到哂！絕對明白飛機哥意思！以後肥仔（軍師）就係我大詹半個親生仔！」新娘舅父一講就明。
———「嗱，講過就算數㗎喇！我兄弟有咩委屈我就會唔開心，我唔開心咯… 南姐一定會幫我出頭。」飛機要整死大詹，完全係打個電話就做到。
———「知道喇！飛機哥！肥仔絕對唔會有任何委屈嘅！放心啦！」大詹滴哂汗。
———飛機哥攙扶住面紅紅嘅軍師到主家席坐。
———「你來頭唔細喎，示愛哥。」軍師苦笑。
———「小意思啦，飲啖茶先，軍師你今晚仲要洞房㗎。」飛機哥遞咗杯茶俾軍師。
———「非常多謝你。」軍師百感交雜：「但呢杯… 酒嚟㗎啵…」
———「噢屌… 搞錯咗…」飛機叫個呀姐換杯熱茶。
———當晚婚禮順利完成，飛機再拖住Janice去爆房。
———「乜你係古惑仔嚟㗎咩？」Janice問。
———「洗白咗好耐啦，我而家算係一個打工仔。」飛機老實回答。
———「哈哈，咁你做啲咩㗎？」Janice又問。
———「派下綠帽俾人戴咁囉…」飛機鳩嗡，Janice笑逐顏開。