有一晚，我打飛機打到條jer斷左: （9）

「唔得！我點都要攞返個公道！」

對方企到咁硬，我唯有改變策略，話鋒一轉，大返佢轉頭：

「其實差佬嚟到都無用，因為家陣我碌鳩唔喺你手上，亦都唔喺我度，所以無證無據，班差佬根本唔會受理。」

講完呢句，我再一下順水推舟，希望引到對方講出我條jer嘅下落：「如果你真係要告我，咁起碼都要攞返我條嘢出嚟。」

「……」對方靜左無出聲。



「點呀？你收埋左喺邊，快攞返出嚟啦。」我心急追問。

條女反一下白眼，搖搖頭回答：「我都唔知你條jer去左邊喎。」

「無可能，明明一直都係喺你手上，你一定知佢去左邊。」

「我真係唔知，」對方再三強調：「學你話齋，既然係咁重要嘅證據，假如喺我手上，我仲唔即刻攞出嚟，再捉你去差館咩。」

「唔係你收埋左，咁唔通佢會自己消失？」



我一邊講，一邊左望右望，搵下究竟碌嘢收埋左喺邊。

「唔洗睇啦，總之我就無收埋，你信就信唔信就算。」

之後佢就開始攀我走：「家下我呢就大人有大量，今日嘅事我唔追究啦，你扯啦！」

「但係我碌嘢…」

「咪阿支阿左啦，你再唔走就咪怪我唔客氣！」對方隨手拎左支防狼噴霧器出嚟。



佢企到咁硬又死口唔認，我完全無佢符，睇嚟再糾纏落去都唔係辦法，唯有暫時撤退。

然而直覺話我聽，我條jer嘅消失一定同呢條女有關。

返到屋企，我再集中注意力，感應「細佬」呢刻嘅所在之處。

好可惜，所顯示出嚟嘅依然得黑媽媽一片。

除此之外，間唔中會feel到碌嘢涼浸浸，好似一兩陣風吹過咁。

唔知佢會唔會遺留左喺啲荒山野嶺度？

我越諗越擔心，卻又咩都做唔到，接住成晚都輾轉反側，差唔多成四點先訓得著。

訓得唔夠三個鐘，第二朝天濛光就俾出面啲死人雀嘈醒左。



起身擘大眼伸個懶腰，跟住再合埋眼，立即感應下條嘢喺咩地方。

天一光，畫面終於清楚。

我睇見周圍有啲雜草，以及一塊石碑，上面刻左啲字。