有一晚，我打飛機打到條jer斷左: （17）

碌嘢插左成晚，差唔多天光先肯停，我即刻趁機會恰一恰。

大約訓左兩個鐘，發噩夢見到碌鳩造人報復。一人揸一把較剪，chop chop chop當牛雜咁剪碎剪爛，嚇到我扎醒兼彈起身。

我mak大眼，抹一抹額頭上嘅冷汗，拍拍心口定驚，心諗好彩只係發夢。

入廁所洗下面，跟住返房碌下電話，睇下新聞。

網絡上除左多左好幾條「細佬」 亂拮人嘅片之外，喺某個知名討論區上，更有人開po發起一個名為「大j捕」嘅行動。



發起人呼籲叫各巴打絲打齊心合力，捉拿呢條識講嘢嘅飛天賓周。

下面嘅留言有七成支持三成反對，反對嘅大部分都係花生友，覺得碌鳩周圍插好過癮。

至於支持行動嘅有一部分想阻止碌嘢繼續遺害人間，另有一部分就話想捉嚟解剖研究。

死火啦今次，如果俾其他人搶先一步捉走「細佬」，咁到時我想攞返都難。

最衰我仲未諗到辦法捉佢返嚟，而且又唔敢隨便搵人幫手。



萬一俾人知道碌嘢係屬於我嘅，我驚隨時會俾人捉返去研究埋一份。

「鈴鈴鈴—」電話響起，打斷我嘅思路。

係店長打過嚟：「喂你去左邊？仲未返工嘅？」

我掛住自己碌鳩啲嘢，連工都唔記得返：「店長，我可唔可以再請多日…」

說話都未講完，店長就打斷我話：「唔得呀，鋪頭今日好鬼多人，快啲返嚟幫手！」



射唔到波，收左線後，我換件衫就去返工。

正如店長所講，今日鋪頭的確有唔少人客，仲要有好多都係嚟買吹氣公仔。

喺言談間，我打聽到呢班人準備響應網上個「大j捕」行動，打算用Mary公仔做誘餌，引嗰碌嘢出現。

店長見到咁多人幫襯，梗係好開心，相反我就好擔心，好想快啲親手回收碌嘢返嚟，以免落喺其他人手中。