有一晚，我打飛機打到條jer斷左: （24）

Kevin擸起壇上嘅桃木劍同黃符：「事不宜遲，我地依家出動啦！」

我話：「但碌嘢飛嚟飛去，我地好難捕捉佢嘅位置。」

「我有辦法。」

Kevin口噏噏念左兩句咒語，隨即佢手上嘅銅鏡就發出一道光，直射出窗外。

佢話呢道光照向嘅位置，就係碌鳩嘅位置，無論佢飛去邊，道光都會跟住去邊。



Cathy無介紹錯，Kevin係有啲本事。

「由於呢隻鬼好猛，我一人未必對付得嚟，所以或者需要你地兩個幫一幫手。」

「我都唔識捉鬼，點樣幫手？」

「係囉，我地唔識架喎。」Cathy同我都擔心自己幫唔到手。

Kevin就喺間房拎左兩樣嘢出嚟。



一個係捕蟲網，外形係一支木製長桿，頂部位置係一個圓形網框，以及一個貼滿黃色符紙嘅網袋。

Kevin將呢個捕蟲網交俾Cathy：「Cathy你就用呢個網捕實碌嘢，如果佢一埋你身，你就笠住佢。」

而我就獲得一個飛機杯同一碌遊戲操縱桿。

「你俾個飛機杯我做咩？」我問。

「呢個飛機杯唔係普通嘅飛機杯，你見到杯殼上印住一啲符文，佢地都有鎮邪作用，只要嗰碌嘢一隊入去，咁可以即刻將隻鬼鎮住，至於碌joystick就係俾你操控個杯。」



我搖一搖支操縱杆，個飛機杯真係飛起左。

當我搖去右邊，個杯就飛去右邊，搖左邊就飛去左邊。

「總之到時你就控制住個飛機杯，追住碌鳩嚟cup，只要一cup落去，咁就收服到隻鬼架啦。」

「但係個飛機杯你用過架喎。」

「放心啦，次次用完我都有洗。」

依家時間係三點半，所有嘢都準備就緒，我地三個擸齊架撐即將出發。

出發前，Kevin提醒埋最後一樣嘢：「我地最好就喺五點前捉到碌鳩，因為到左五點，個天就會出現十年一次『天狗食日』。」

「即係日蝕？」我問。



「無錯，每當天狗食日，就係陰氣最強盛嘅時候，到時隻鬼一定會變得更加猛，所以我地一定要小心。」