我們是在自修室開始的: 後樓梯談心

她竟然回了一張紙條給我，上面寫：「快d汁野出黎，電梯口等」。 開頭我還以為這些機會......但紙條的文字卻教人露出驚訝的O咀表情。
收到紙條後，我想也沒有想過就二話不說地將枱上的書本、文具和一大疊廢紙收拾好，把它們全部放入書包裡，然後馬上撤退。
 由自修室出去電梯口的路程很短，恐怕連50米也不足，但我卻有點緊張，四肢僵硬了，愈走愈慢，但走到電梯口卻不見她的身影。難道她在戲弄我?
我四處張望，向左自轉了360度，也不見她;我總是不信命，今次向右再自轉360度......從後樓梯門的小玻璃窗裡，我看到她的雙眼。
這回她的雙眼不再是通紅的，反而是滿懷期盼。 
--------後樓梯--------
我們在後樓梯的梯階坐下，我不敢開口說話，她也猶豫了一會才講。

她：可唔可以同你傾一陣?
我：冇問題。


她：頭先我男朋友send左個WhatsApp俾我，佢話要同我分手，所以我先......
我：明既明既(臉上露出一副發現新大陸的表情)
我：點解佢會無啦啦同你分手?
她：佢話今年中四喇，要專心讀書，唔想再徙時間。
我心想：又係專心讀書，明顯唔係咁簡單啦......
我：佢唔值得你為佢而喊，你記住外面個森林好大，唔好為左一棵樹而停步。
這時的我似是白姐姐上身一樣，用一個很老套的說話去安慰她。
但這時她的眼又開始紅了 
她：佢係我既第一棵樹，我為左佢放棄左好多野。我試過為左佢同屋企人鬧過交，搞到離家出走，你明咩?
的確，我是沒有經驗的人，不論是感情上抑或開解人，純粹是為了八卦才會聽她的傾訴。這時我已不懂得怎樣回應，唯有向她遞上紙巾，並學習我們的官員重複把說話講多一遍：記住外面個森林好大，唔好為左一棵樹而停步。 


她：但係你都講得岩既，路始終要行落去......只不過係換個第二個同行。
我；係呀，更何況你咁靚女，都未計愈大愈靚，好快就會搵到第二個架喇!(這是我的真心話)
她：係呢，傾左咁耐都未知我叫咩野名，叫我Rebecca啦!
我：哦，我叫...... 
接著我們便走了，但在臨走之前，我把電話號碼寫在她的Econ書上。