自從我小學畢業之後,我記憶之中好似已經無緣上女仔屋企,就算是讀小學的時候,也只不過是上女仔屋企參加生日派對或慶祝聖誕,總是一大群朋友聚在一團的。
但這次,在這個單位裡面就只有我和她,一男一女沒有旁人......不過放心,我不會亂來,她剛才說已經找到新target。
所以這一夜是「走甜」坐著坐著,其實時間不早,已經十一點,我們也是時候告別。

當我開口告別的時候,她問了一個問題:你會唔會再返去自修室?
我:我都唔知...我遲d答你(其實我今年的校內試已經完結,我應該不會再回到自修室。但我也不知道自己想點落去,唯有拖住先啦......)

--------搭車返屋企--------
我認真想了一會,究竟我是否喜歡了她?抑或只是自己太過饑渴才會有這種想法
老老實實,她住土瓜灣,我住葵涌,而我們讀不同的學校,根本就沒有太大機會行落去,在自修室裡相識相見已經算是一種上天的恩賜。 



同一時間,Rebecca在家裡打電話給她的好友(叫阿欣)
R:喂,我呢幾日喺自修室識左個男仔
欣:下,你岩岩先同邊個邊個散左,咁快又識到男仔?你想對佢做咩野?
R:你諗左去邊道呀?唔通我會肚餓到連佢都食埋咩?
欣:點知你呀?
R:其實我都唔知自己想點......佢成日喺自修室偷望我!
欣:係咪你諗多左?
R:唔知喇,但係頭先同佢行街食野,佢都好僵硬,好似好驚
欣:係咪你嚇親人呀?


R:岩岩佢仲送埋我返屋企
欣:佢有冇......(隔住個電話偷笑緊)
R:梗係冇啦,我估佢係呀邊個邊個咩?
欣:哦
R:...... 
(別問我點知上面堆電話對話)

其實過了考試,我也不知道自己有沒有機會回到自修室溫書,不知道會否再次遇見她。不過,都係算啦,一切隨緣啦!