眼見阿欣與Rebecca兩人「反面」,連計都冇得傾,其實我也很內疚,畢竟這個風波是因我而起的,我也想盡力修補他倆的關係......
但我卻無法從Rebecca那方勸架,唉盡力了,她依然對阿欣保持仇恨。

還記得阿欣上次在德福的HMV門口,被Rebecca刮了一巴掌之後,她哭住跟我說:「其實你知唔知我......」
其實我好想聽她說下去,幻想她會說「喜歡我」......
可是,我今天背負著的是Rebecca。
若然最終我選擇了走另一條道路,再好像她的ex-bf般再次離棄她,我恐怕她會做傻事,或者會發瘋。
所以,我破壞了各位的幻想,當場叫停了她。

有人說,玻璃破裂了,就算修補過後也有痕跡。


但我卻相信愛能蓋過我們經歷的痛......往後的路希望有她同行(希望她能看到吧)
至於她們兩人之間就......順其自然吧,等阿欣有一天會向Rebecca認低威。

一天,我收到Rebecca的Whatsapp

Rebecca:喂,你聽日可唔可以送我去補習?
我:做乜要人送呀?
Rebecca:唔好問咁多啦,五點鐘佐敦地鐵等
我:哦好啦好啦



於是,我四點九去到佐敦地鐵,準備等她。
但她卻比我更早到......

我:發生咩野事要我送你上去?
Rebecca:其實......
我:講啦,唔講我救唔到你
Rebecca:是咁的,間補習社有個男仔鍾意左阿欣,所以......要你幫手!
我:我冇帶電蚊拍喎!
Rebecca:仲玩,人地咁大份你咁細粒,你諗下點算好過啦!
我:我攬實阿欣上去囉,你唔介意呵?


Rebecca:都可以的,不過唔好乘機抽佢水喎!
我:你當阿欣係利記咩?


女人,果然是一種五時花,六時變的動物,猜不到Rebecca都幾講道義!
等到阿欣來到地鐵站,我就「陪」女神上去補習社。

補習社距離地鐵站有差不多十分鐘的路程,這十分鐘我都攬住阿欣,邊行邊傾,沿街的途人望著我們,那種羨慕的眼神,真的很享受!
上到補習社,阿欣個頭忽然挨近我......

阿欣:「就係前面黑色Tshirt果個」
接著,我攬緊她。
這個男仔見到我們兩個,露出一個失望的眼神......已經輸左一半

後面的Rebecca從後講了句:「阿欣,你個男朋友真係好高喎」


那個男仔經已不想再望向我們,低下頭來好像想落淚......輸足100%

相信阿欣見到他這個樣子已很開心,但她還要多來一招,上前主動與這個男仔介紹我的「身份」.......
我差點忍不住偷笑了出來。