兩人過了起初曖昧、熱戀的時間後,漸漸變得冷淡,這可能是無數對情人必經的階段。
有些情人能夠順利渡過,但有些情人卻敵不過冷淡,最終分散。
我很想順利走過,不想走到分離這個懸崖,但這容易嗎?

經過重回自修室的一個下晝,收到阿欣的電話之後,我更加肯定,我倆都對這段感情冷淡了,所以是時候要修復這段情,讓我倆重拾當日的暖。
或者,我和Rebecca根本沒有開始過,只是停留在彼此表白,但不敢肯定對方的地步。
可能我們彼此都要走多一步。

我還記得一位前輩講過,多行一步可能會成功,但動也不動就只會停滯。
我不想再等,我自知自己等不了,我等得太耐。


所以,我想自己先行多一步,讓她忘掉昔日的細k感受到我真實的存在。

I want to give giving all my love to you
舊日命運誰在意 但願現在才是我今生開始

看到這裡,可能大家都覺得很奇怪,我和Rebecca早已向對方表白,為何仍要重新開始?
之前的一段時間,我倆都只不過停留在表白之後的一步,未正式開始過一段感情,她也沒有投入過,沒有享受過。
可能一切也過得太快,她根本未忘記細k,細k仍停留在她的世界裡,而我呢?可能仍未進入她的腦海裡。
雖然我們沒有吵過架,分散過,但可能今次會是我們第二次開始。



我仲諗緊點樣修復同Rebecca的關係,如何讓我們重頭來過,讓她重拾當日的衝動和溫暖。

話說暑假流流長,如果無錢周圍去玩,日日留在屋企都幾悶下。
但香港那麼細,出外行街食飯來來去去都是幾個地方,不是旺角、老尖,就是銅記......
老實說,到這些鬧市隨時比留在屋企更沉悶。
我想利用暑假這段時間,與Rebecca有一些活動(唔會係果d掛),讓她重新感受到當日的感覺,又或者有一些經歷,讓我們分散後留下一段回憶吧!
(希望結局唔會係分手啦)

為了有個愉快的假期,我特地上網尋找了一些資料。
「Wow,東灣沙灘好靚呀!」


「長洲d海鮮幾新鮮喎!」
看完一堆資料之後,我還是心繫長洲這個小島。(可能受《情越海岸線》影響)

我:唔該,我想搵R小姐
R小姐:你想點呀?
我:不如遲d去長洲玩幾日呢
R小姐:吓......都好既,不過可唔可以嗌埋阿欣呀?
我:點解要嗌埋佢呀?
R小姐:三個人租房平d囉!同埋咁樣會安全d……
我:你覺得依家好唔安全咩?
R小姐:都係架,你咁咸濕!
我:嗌埋阿欣仲好啦,一次歎兩件
R小姐:咁唔得喇,嗌多個fd先!

最後,我們一行有五人。


阿欣、我、Rebecca和她們兩個女仔fd,是細A和阿怡。
一個男仔與四個十五六歲的女仔去長洲幾日遊,真係未去都開心!

臨出門口之前,阿欣打了個電話給我。
阿欣:我地四個女仔打算去沙灘玩水,你記得帶相機喎!
我:吓,我冇靚相機喎,你借來用住先啦!
阿欣:咁好啦,我另外帶多樣野俾你。

之前我是未見過細A和阿怡的,連她們的真人相也未見過,所以到了中環碼頭時,我都打左個突。
阿怡呢,真係咩野慾望都冇晒!
而細A都唔錯,但係身材就......人如其名啦,同洗衫板分別不大。