我們是在自修室開始的: 阿欣屋企

本來我只打算送阿欣返屋企，跟住就byebye!
但是見到她的病樣好像很辛苦，而她屋企人又全部不在屋企，應該是返工，所以我就決定留在她屋企照顧佢。

阿欣屋企不算很細，起碼比我屋企大，大概有500呎左右，而阿欣就是躺在廳中的沙發上。
她的臉很紅，全身看似軟弱無力(應該連反抗的力氣也沒有)，四肢放軟的擺在沙發上，雙目呆滯地望著某些東西。

我：妳屋企其他人呢?
阿欣用很微弱的聲線說：去左返工.....
我：咁我留低照顧妳啦!
她已經軟弱無力得連say no的權利也沒有，只好讓我留下來。



我伸手到她的額頭上，還未觸摸到額頭，已經感覺到一種燙手的感覺。她應該發高燒!
探熱針(探耳仔果種)顯示著華氏102度......
於是我打開冰櫃，拿出了一盆冰粒，把冰粒放置在她的額頭和熱得嚴重的四肢上。

阿欣：喂呀，好凍呀!
我：咁樣快d退燒呀!
我：你抖一陣，我去煮早餐俾妳食!
阿欣：我想食太陽蛋!
我：病左唔食得，我會另外煮一份早餐俾你!



到最後，她食的是：白粥，加一份炒蛋
唉，呢位病人好麻煩，冇力攞起餐具，要人餵佢食!


早餐過後，阿欣繼續在沙發上睡覺，而我所謂的照顧她，就是睇電視和間中望一望她!
話說我已經開了冷氣，但她依然感覺很熱，所以她在睡眠中(應該是不知不覺)地拉起了自己的衫(不過冇甜，我亦都冇摸佢!)

中午時段的電視，真的很無聊，又係睇《都市閒情》李錦聯同大王互串，再唔係就係李錦聯講粗口，其實幾悶!
就在李錦聯與大王鬧交之後，Rebecca打電話黎......



Rebecca：阿欣點呀?
我：佢岩岩食完早餐，依家訓緊覺!
Rebecca：咁......你好好照顧佢啦!
我：okok
Rebecca：不過唔好趁佢病搞佢喎!
我：我似咁既人咩?
Rebecca：似!
(我當然不捨得收線，於是我一直與Rebecca傾了幾個小時)

當電視做完《都市閒情》，阿欣件衫不知何時又拉高了!
頂，佢拉到連對導彈都俾人睇埋......

坐到差不多五點，我又開始肚餓，於是我煮了個公仔麵(其實係出前一丁)
不知是否我食麵的聲音嘈醒了阿欣，她睜開眼望著我，說「我又要食!」......


不過當然，病人餐是與別不同的，我又走進廚房拿出一碗粥給她。

就在我餵她食粥的時候，門口傳來鎖匙開門的聲音。
原來阿欣的媽媽回來，應該是收工。

欣媽：阿欣發生乜事呀?搞到全身出晒汗咁既......
我：佢今朝一起身就發高燒，燒到102度!
阿欣：抖下冇事架喇!
欣媽：仲話冇事，妳熱到連件,衫都拉高晒!(連對波都俾人睇埋)
阿欣：你俾我抖下啦得唔得?

欣媽：係呢，點稱呼你呀?
我：叫我Calvin得喇!
欣媽：唔該你呀，幫我照顧住阿欣!
我：冇所謂!


欣媽：咁不如留低食餐飯啦，答謝你幫我睇住阿欣!
我：下......唔係幾好掛!
欣媽：唔緊要啦，如果唔係我同阿欣兩個人好寂寞!

阿欣屋企的廚房。
我：有乜野幫到手呀?
欣媽：唔洗啦......係喎，你係咪阿欣同班同學黎架?
我：我...唔係呀!
欣媽：咁你點識佢架?你係咪佢男朋友呀?
我：唔係呀唔係呀，我係因為佢個friend Rebecca所以識到佢!

在客廳的阿欣走入廚房，用很微弱的聲線講：我想飲可樂!
我：你病緊喎，唔好飲可樂啦，不如飲檸水!
阿欣：好啦好啦 (佢好無奈)



阿欣出去沙發之後，欣媽又再「演講」......
欣媽：Calvin你真係有辦法，連我個衰女都肯聽你講!
我：邊係呢……
阿欣大聲講：媽，你放過佢啦!
欣媽：得喇!Calvin你出去陪阿欣傾下計先啦，好快有得食!

出到廳，我坐在沙發望住阿欣。
她真的很可愛，病了也很可愛。

阿欣：我病左係咪好樣衰?
我：唔係呀，你面紅紅好靚女!
阿欣：唔好呃我喎!
我：點敢喎，唔驚妳搵兵仔郁我咩? (我又串佢)
阿欣：屌講呢d喎，不如同我一齊影張相啦!
我：好啦好啦 (我都好無奈)



話說佢面紅紅，手腳放軟的樣子真的很可愛。

欣媽：食得喇!
阿欣竟然拖住我過去飯枱(佢係想我扶實佢)

欣媽：食啦，隨便啦，當自己屋企得架喇!
(佢竟然講左我句金句)
我：哦
欣媽：我個女好毒架，靜係識得訓覺同跳舞，你得閒多d上黎食飯，陪佢玩下啦!
我：哦
欣媽：係呢，你有冇女朋友呀?
阿欣：阿媽，可唔可以唔好咁問人地呀?你依家審犯咩?
我：我......
欣媽：唔緊要啦，考慮下我個女啦!
我：er...
阿欣：你可以唔洗理佢!
欣媽：阿欣咁耐以來都未試過帶男仔翻屋企，唔講我仲以為佢帶男朋友返黎!
阿欣：唔好咁啦，雖然我都想佢係
我：我......有女朋友架喇!阿欣：唔玩你喇!