簡介

A0仔和一個未經人事女仔在地下鐵偶遇的故事。 IG Follow:@ivan_writertrainer



短篇故-地下鐵碰着她

記得以X登有個咁嘅故事,主角就係位黎生,要搭鐵翻工有時亦會抽女女水。有一日,有條友仔就同主角爭食,個女仔被條PK摸胸好驚唔敢出聲。為咗可以撚狗條PK,就幫個女仔手,事後為咗多謝主角就請佢食飯,食下食下溝下溝下(I mean 溝通),之後就好順利喺埋一齊。然而以下故事唔關我事,不過我又同樣喺鐵到得到段情得到。

有一日,我搭鐵翻屋企,一上到車,見到一個靚女企咗喺車門旁邊preserve 嘅位,佢眼睛大大又水汪汪,帶住口罩,膚色白白淨淨,高度唔算高只係165到,身材苗條,波仔亦都好可觀,不大不小,簡直係國色天香,而且佢着住白色恤衫+碎花長裙。九龍灣站每個時間都好多人上車,我只能夠就企喺佢隔離,呢個女仔好專心咁睇住部電話,而我就不時望下佢,因為佢實在太靚啦(詞窮)。好似個天俾咗嗰機會我呢個A0仔咁,架車dup停咗,我個身失平衡挨咗落去個女仔到,我就盡量平衡翻。

「Sorry呀!妳……有冇事呀?」我好唔好意思咁同個女仔道歉。

「冇事呀!」



之後到咗太子站,我哋一齊落車,幸運之神又再眷顧我,後面班百米飛人差啲整到個女仔仆街,好彩今次好穩,拉翻個女仔隻手,

「唔……唔該你!」個女仔略帶少少矜持道謝。

「唔使!」

「弟弟,你可唔可以陪下我呀?」

「呀?」我驚道。



「如……如果唔得都唔緊要㗎!」女仔好隨和話。
「我……我ok呀!」女神都拋出橄欖枝,唔係唔應承呀!咁應該都唔算狗公掛!我哋搭上荃灣線,

「我……個好firm嘅fd放咗我飛機,要你陪我……Sorry 呀!」女神好有禮貌咁對我講。

「咁……點解妳會叫我陪你嘅?」我狐疑問。

「頭先架車停低你挨咗落我到,你冇借啲意非禮我,所以覺得你係個好人,就……」女神解釋道,

之後架車到咗深水埗,我哋落咗車,我亦都好主動同佢傾計彼此嘅興趣,行到去一間文青咖啡店,我哋入咗去叫咗Tiramisu,兩杯榛子Latte就喺靠横街到坐低。除低口罩,佢真係好靚,鼻高高,櫻桃小嘴,面方方,係真正嘅美人。



「咦!竟然妳鍾意飲 Hazelnut Latte啵!好多女仔都唔鍾意Hazelnut陣味嘅!」

「哦~~我最鍾意就係飲㗎喇!我……會唔會有啲怪?」女神問我。

「唔會,每個人都唔同鍾意嘅嘢㗎嘛!」我笑了笑。

突然,女神喊咗:「我……被男朋友……提出分手……嗚嗚……」

着實令我唔知點算好,因為我A0仔唔知點氹人係對佢好,惟有做個好嘅listener啦!

「個男仔原本對我好好,點知佢……背住我……偷食……」

「睇落佢都好衰啵!」我好同情佢,但唔敢講粗口。



「好多謝你肯陪我,如果唔嘅……」女神淚下如注。

「千祈唔好呀,好多謝妳願意分享咁唔開心嘅事俾我呢個陌生人聽,我亦都希望妳可以振作。我都知道妳好努力忘記個男仔,但係記憶太深!因為跨出一步真係唔容易,妳好叻呀!」我真心同情同鼓勵佢。

「但係……你唔會覺得我麻煩乜?」

麻煩?唔麻煩,因為我係讀大學係social work,幫你當累積經驗囉!

「唔會,我比較鍾意關心啫!飲啖甜蜜下先啦!」

我哋食一啖Tiramisu,再飲咖啡,

「繼續諗住佢妳係冇錯,痛比冇痛好,代表妳仲係好好哋,雖然我唔理解失戀嘅感覺,但是我好想妳好。」我繼續安慰佢。

女神已經好翻少少:「聽你我好翻少少,多謝你呀!我未試過咁舒服同人分享自己內心深處嘅嘢!」



「如果妳仲想講冇關係㗎,我anytime都會聽妳嘅!」

「唔該你呀!」

「係啦,使唔使陪妳返屋企呀?」我對個女仔冇乜異心。

「好呀,我都驚我無啦啦又再……」

「呢個係我電話,如果妳唔開心,可以打俾我,我叫Geoffrey!」

「多謝你,Geoffrey!我叫Edith!」(又Edith!)

我哋賣完單就行去搭巴士翻佢屋企。等車時候,我哋傾咗大家嘅嘢,原來佢讀緊中大year 2嘅中文系,佢只係大我兩個月。



上咗車,佢喊到有啲攰,

「如果妳信任我嘅,就挨落我膊頭到啦!」我真心為佢好。

之後佢挨落嚟:「唔該……唔好意思!」

「唔緊要!」好快佢就瞓着咗,

妳瞓覺個都好可愛呀!好幸福!

落咗車,

「我冇流口水嗎?」 「冇!」 「ok!」

之後,我哋又再傾咗深入咗興趣嘅。到屋企樓下。



「你翻到屋企記得signal我啵!」

「好呀!bye bye!」 「bye bye!」

我又翻屋企,我hi翻佢,話俾佢聽我翻到屋企。

後來,我時不時問佢點,佢話已經好翻,我主動約會佢,佢亦同意。

我約佢去中環碼頭到,因為佢同我一樣鍾意影底片相。

「Hi Geoffrey!」

「Hi Edith!妳好靚啵~~」佢着住白色小背心淺藍熱褲,全身線條勾勒起來,好不誘人!

「多謝!開始啦!」

我哋約會活動就係去影相之後去曬相,

「喂吔~唔好曬底片啦,貴㗎!」Edith故作生氣道。

「美景配美人唔好乜?」

Edith頭頭覺得難為情,始終我好似flirt緊佢。

到咗食晚餐,我帶佢去相舖主題餐廳食嘢,順便曬相。

我哋走入黑房,慢慢曬出大師誠意之作。

「哈哈一 你個樣好搞笑呀!」Edith 笑得好燦爛。

你說我笑,不亦樂乎!

過後,我鼓起勇氣喺佢樓下:「Edith,雖然唔係識妳好耐,見到妳第一眼,覺得妳好靚,知道妳被人飛,我替妳傷心,始終冇人想有咁嘅事發生。妳係一個好好嘅人,妳有時比較封閉,但係我好想為妳分憂,妳可唔可以俾個機會我同妳一齊?」

思索一陣,嬌聲:「好吧!你咁好,應該唔會呃我嘅!」

好耶!我終於都occupy咗啦!

「女朋友!多多指教!」 「我係咪要叫你老公仔呀!」調皮Edith話。


我點了頭,

往後,我倆不時去對方大學接放學,佢有帶我歸家,識下佢妹妹同外父外母。

「姐夫~~」我竟然聽得好開心。

「老婆仔~~妳細妹都幾有我哋心啵~」

見完家長,雖然緊張,但得首肯都值得,其後我哋去自己屋企,

我老母開心到呢,有個靚新抱喺到,佢哋亦好快熟落。

得到兩家首肯,我哋繼續拍拖到咗我year4畢業,佢同我一齊着袍影相,原來個中學教育文憑今年畢業,我哋好開始捧住乾花同熊本熊畢業公仔影相。

影完,我再拉佢同我啲gp mate 影,跟住再同雙方父母影。

戲玉來了:「由識妳第一刻開始,覺得妳好特別,想識妳,幸好有個契機俾我,亦可以能夠升格成為妳嘅男朋友,我同妳經營咗都3年,都足夠認識大家,所以……希望妳可以俾個機會我繼續認識妳,求妳嫁俾我吧!」

之後Edith妹起哄,

「I do!」開心咁回應讓我為佢套上婚戒去象徵堅貞愛情嘅右手無名指。

上到結婚殿堂,真係唔容易。

year 3我哋發生咗關係,婚後佢為我生下小孩,幸好佢教高form中文,只不過係DSE前同下晝比較忙,加上佢嘅學生咁生性(因為我係同老婆同一間學校做,我做counselor),其餘時間都可以陪到我。


(完)