真人真事改篇﹕師生戀﹕《最接近的陌生距離》: 第二章之一
仆街波TEAM KILL咗我!!
點估到，平時無傷大雅嘅玩笑，fake下老師呢啲基本嘢但喺Miss眼中原來係罪大惡極！
頂呀，我由小三到中三只有我蝦老師，就冇老師可以恰返我。下馬威唔成，仲要比Miss反殺，呢鑊真係咩面都冇晒！全班人肯定暗中恥笑緊我啦！
「⋯⋯我喺大學時係主修中文，我會任教你地嘅中文科。」Miss雙手撳住老師枱，背後黑板寫咗佢個名，Miss用把好甜好溫柔嘅聲介紹緊自己。
然後Miss慢慢轉tone，嚴肅咁講﹕「我知道你地呢班向來比較甩漏，我先小人後君子，我一定會嚴格教導你地。包括你地交上嚟嘅功課，邊個寫字核突既!我係必定會彈佢功課!」
可惡！佢竟然慢慢改變緊「廢超」時代規則! 搞到我愈諗愈嬲，頭先我點會咁樣輸比佢架？
「謝子匡企好啲！ 唔准挨牆！」Miss指住我嚟鬧，呢個狐假虎威嘅女人！你背後有周Sir撐腰，惡得起!
我知咩係擒賊先擒王！Miss明顯想挫下我銳氣，拎返課室主導權。君子報仇，十年未晚嘅。嘅然輸咗，就好好咁檢討一下點解會衰咗！但……但係……我愈諗自己點解會輸，我就愈記起「嗰個」令我跌低嘅畫面——
——Miss彎身執起粉筆嗰下，佢緊致嘅裙好貼服咁將底褲嘅形狀印晒喺屎忽到！ 我好肯定MISS平時一定有做開運動，如果唔係個屎忽點會好似水蜜桃咁靚呀！
呢個時候，我終於記起我跌低前內心中嘅吶喊！
.
「我屌！有冇咁正呀？！」
.
女人嘅胸部代表性感，而屎忽就代表野性！平時睇開紀錄片都知，啲獅子乸老虎乸撩啲公搞嘢時都係隊個屎忽埋去！所以一個女人屎忽有幾靚，就代表佢有幾野性，佢就有幾想去吸引男性，佢就有幾咁渴望滿足最原始嘅慾望！
所以我絕對肯定呢個Miss係淫底！
淫底、純情、嚴肅、溫柔⋯⋯呢個Miss會唔會太有層次啦？
不過⋯⋯仆街，呢次老尷！
一諗起Miss個pat，我⋯⋯我竟然⋯⋯我竟然⋯⋯我竟然扯咗旗啊！
「⋯⋯一陣喺黑板List出嘅嘢，你地要mark低。我唔希望聽日有人帶漏嘢！」
趁佢擰轉身寫黑板時，我慢慢彎低身，如果我企到直一直，褲浪就好做搭咗帳幕咁撐晒出嚟！
我理性不斷叫我唔好再諗Miss個屎忽！我雙眼好定神咁望住個黑板睇下Miss寫咗啲咩！仆你個街，呢次真係咁大個仔第一次咁認真望黑板！
「書簿津貼表、學生個人八達申請表……」我由上而下咁望，我感覺到身體嘅血液流動緊，開始流返去個腦度。
「課外活動申請表格、證件相、家長回條⋯⋯」我由右去左咁逐個字喺心入面讀出嚟。冇錯！呢個係一個有效令自己冷靜嘅方法！但係⋯⋯
但係！Miss寫字好似雕花咁靚！仲寫到鬼死咁慢！搞到我已經追返上佢嘅進度！令我個注意力又返去Miss度！
「預習中文：第一課⋯⋯」佢喺黑板上勾勒出好靚嘅中文字。
佢寫緊嗰段字好長，搞到佢一路寫，一路慢慢蹲低個身。緊致嘅裙上面慢慢顯露出臀部個美態。
而我啲血⋯⋯又去咗「某個地方啦！」
「Miss!」呢個時候阿偉突然舉手！
「係！」Miss轉身望住阿偉：「黃同學，咩事呢？」
我望住阿偉，佢嘴角含笑。我知佢呢下笑絕對唔係啲咩好事！
「Miss 唔好意思，你遮住左啲字。」
「Sorry﹗」Miss笑一笑，本來佢想移一移開個身，但因為咁令佢目光放咗喺我度，我見佢面色一變，翹起雙手，好不滿咁話﹕「謝子匡！要我講咗幾多次？企直啲呀！」
我望去奸笑緊嘅阿偉！呢條友仔竟然落井下石！我企直啲，咁Miss未見到我扯緊旗？！
阿偉全心靠害呀﹗佢意猶未盡，仲比咗個眼色杰少，叫佢望過嚟食花生！杰少已經忍笑忍到成塊面都紅晒！
「係咪聽唔到我講咩，企直啲呀！」Miss。
太可惡！唔通我又要衰多次？我一企直個人實比人見到我扯緊旗！咁我喺呢班嘅威信就會蕩然無存！我可以點做呢？
啊——！有計！
「Miss， 我⋯⋯我想去廁所！」
Miss個樣半信半疑咁，見佢一面冷漠，就冷冷咁講：「一陣我有重要嘢要宣布，你唔可以錯過，我講完你先可以去廁所。」
我頂你⋯⋯！你竟然咁樣拆招？
「但⋯⋯但我急屎呀！」
「哦。」
「我會瀨架！」
「企直啲呀！」Miss首次喺班上怒吼一聲，佢忍夠我無賴一樣嘅行為，直接收我檔。
咁樣僵持落去唔係辦法，惟有聽佢話。我故意慢慢企直返個人，其實係buy time可以冷靜返。但我個如意算盤打唔響，當Miss擰返去黑板寫字時，我注意力好自然去返落佢個pat度！ 我根本冷靜唔到呀！我想再拿拿聲彎腰，但嚟唔切！
「Miss ！」 呢次係杰少舉手，佢滿懷惡作劇咁講：「阿匡又企唔直啦！」
Miss對我怒目而視嗰刻，喺危機感之下令我睇嘅嘢都好似放慢晒咁。我本能地企直返個人，此時眼角瞄到阿偉原來已經有所動作。
阿偉成個人擰晒過嚟，食姆兩指扣住條橡筋，左手將粒擦膠放喺橡筋度，再拉滿弓！
佢呢豆拉弓搭箭動作起碼要成秒咁耐，喺我企直個人嘅時候一定察覺得到！但係佢咁快可以拉滿弓再瞄準我，明顯佢喺杰少報串嗰時就已經準備好整蠱我！
太遲了。
當我意會到呢一點時，我已經阻止唔到自己企直起身。
而且當我感到下面嘅「帳幕」撐到好行嗰一刻——
阿偉左手一鬆———
哨——！有一個白色快影喺佢手中射出！
啪——！
「嘩———！！」我聲痛叫咗聲！就掩住下體成個人跪低咗！
Miss一面疑惑咁走埋嚟，睇佢表情明顯被我激到好嬲。
今次我係被人坑害！我想為自己辯護，但我已經痛到控制唔到個嘴，只係連忙咁叫：「爆咗⋯⋯爆咗⋯⋯小鳥爆咗⋯⋯」
Miss喺我幾尺外企定，兩手翹起，一面忍無可忍。
但係⋯⋯
.
.
我對眼只係注意到佢嗰兩條性感嘅黑絲長腿。
剎那間我啲血——
——又集中喺某一處地方了。