真人真事改篇﹕師生戀﹕《最接近的陌生距離》: 第十一章之四

最後Miss真係有採納我個建議，而棟篤笑環節直頭比我負責埋。係就係會好辛苦嘅不過我覺得係值！

為左可以方便同Miss喺課後溝通交代下進度，所以我問左Miss拎左電話號碼。 然後我得閒send啲無聊野比Miss睇，雖然都係已讀不回多。但當佢簡單回一兩句我都夠我開心左成日。 當然唔少得借啲意問下佢呢樣野啦。

「Miss, 黎緊會有套戲上，阿偉佢地唔陪我，你可唔⋯⋯」

「唔得。」

「吓？我都未問完。」





「講好左呢個電話只可以傾學習上嘅嘢喎。」

「哦。」

唉，我真係好想約佢去街！不過我明嘅，師生戀始終係禁忌，加上Matthew件事搞到Miss好煩。佢應該好難再越過呢個界線。退一百萬步講，以Miss地位同收入，又點會睇我睇得上眼呢？

= = = = =

「你真係想玩粗口Gag? 。」 Miss放低份稿有啲擔心咁講：「 你出事我要負責架。再諗過啦！」





Miss 推返份稿比我，可能因為熟左嘅關係，佢冇以前咁兇狠。 不過佢今日狀態係比之前更差。我又唔知點問，又唔知可唔可以問。 只見佢周不時咁望下電話訊息，對於我嘅棟篤笑演練又唔多留心。啲精心為佢設計嘅笑位佢又唔識笑。最後佢自己行開左去左洗手間，就留低左部電話。

喺我左度右度篇稿時，Miss部電話震左一下。我八掛咁拎上手望左一眼。

「李Sir: 小測卷收唔齊。要催佢地交，一定要有家長簽名。」原來又係工作野。

過左冇耐又震多一下。

「Miss Cheng： 你嗰班缺席嘅同學要補交家長信。請跟進。」啲工作嘢浪接浪，難怪Miss今好似好累咁。





一秒後又震。

「周Sir: 我地同一個地方做嘢，但好似唔常見咁。不如今晚去飲嘢呀！我架車泊遠啲接你。而家我走得。」咦咦咦喂！周Sir仲未放棄咁喎！

震一震。

「黎Sir: 我知你壓力大，你要保重呀。不如聽日星期六同你散下心呀。中文週有冇野我可以幫到手？」諗起佢柒下柒下咁，講埋啲咁嘅嘢真係打晒冷震！

震一震。

「Vick: 你知我搏殺緊架，我都係想搵多啲錢唧。得啦，你係要發脾氣就發飽佢！我真係忍夠你啲細路女脾氣！你走啦！我唔阻你啦！你都唔好再阻住我！」

咦？又係Vick?!講到分手咁⋯⋯Vick先係Miss男朋友？
佢地嘈緊交喎！





「喂。你做咩拎住左我部電話？」

Miss喺我背後叫我，嚇死，佢幾時返左黎架？

我即刻放低佢部手機，話：「佢成日震，嘈住我度稿。我諗住睇下點熄或者埋擺去第二度唧。」

Miss拿拿聲拎起電話，望左最後一個訊息之後就行左出課室。 無耐又返返黎，見到佢眼紅紅咁，我已經估到佢同Vick呢位疑似正印男朋友個關係已經係咁先。

我知道女王大人喺學生面前係要面子。 而且佢呢刻需要私人空間，於是我特登唔再望佢，就舉手話：「Miss我想去個洗手間，頭先諗到包笑死人嘅gag, 一陣返黎表演你睇。」我唔等Miss回應我，我就行出課室。喺順手關門之前，我回頭一望課室，見到Miss已經成個人謝晒趴低左喺老師枱度⋯⋯陰公，佢成個人震晒⋯⋯

呢一刻我唔敢走得遠，我怕有啲戇鳩仔或者校工上黎騷擾Miss。 我知道呢個係大好時機安慰佢搏好感。但係由周Sir、黎sir、「中毒陳」同埋其他九唔搭八嘅狗公所做嘅一切可知，好作狀咁做啲嘢出嚟反而令Miss反感。所以做到呢步就夠。

呢個時候我挨住走廊邊，睇住操場嘅同學打波。 大約十分鐘之後，我覺得Miss佢應該冷靜完，於是我想返入課室。正正呢個時候，Miss喺課室行左出黎。

「你唔係去廁所架咩？」佢見我喺走廊睇風景，於是問我。一如以往都係咁惡死，佢對眼已經腫晒。





「去⋯⋯去完架啦。想睇人打⋯⋯打波唧。」求其作個藉口，唉，冇理由同Miss講我想比私人空間你喊咩。

當然我呢個答覆點都令Miss唔滿意，佢厭惡咁講左句：「講大話。」

唔知點解，呢句說話好似唔剩係鬧我。

Miss翹埋雙手，講：「今日去到呢度先。時間唔早。」

女王大人佢盡管想一如以往咁用氣勢壓我，但明顯已經霸氣盡失。身為偵測兵嘅我分析到佢好想男朋友可以分憂、可以依靠，正正係今晚佢好想有男朋友陪，但點知分左手。

咦？咪住先，想有人陪？

「Miss, 都七點幾，你肚餓未？」





「少少咁啦。 」

「啱啦！不如食埋野先啦！」

「唔洗啦。我呢個週末仲要拎簿返屋企改架。成疊咁重，唔方便。」

「唔係呀。我好慘呀冇人煮飯比我食，家姐住hall，老豆老母⋯⋯返左大陸。」我求其作左個藉口。

哈，點知Miss失戀還失戀，佢思路仲好清晰。佢瞪一瞪眼，好嚴肅咁講：「你今年16歲咋呵？」

「係呀。」

「咁就得。 我而家去問下社工，我懷疑你爸爸媽媽疏忽照顧你。 你未夠18歲仲受緊兒童保護法保護架。」

「喂你咪兇我喎盈姐！」





「咁你咪仲要講大話呀？」

「得得得，我老豆老母冇返上去。但佢地係地獄廚神，我晚晚食外賣咋。」

「我同你講，我最憎人呃我。」Miss說話好似有弦外之音咁，又問：「你啲老友呢？阿偉呢？今晚搵佢地未得囉。」

「七點幾都食晒飯啦。」

「女朋友呢？」

「嗱。」 我舉起左手。

「作死你。」Miss鬧鬼我借啲意開黃腔。但睇得Miss嘴角笑左一下。

「Miss呀，好肚餓呀。不如食左野先啦。」我：「最多我幫你拎未得囉！你不嬲都成日點我搬呢樣嗰樣架啦！」

「咁⋯⋯」Miss拖長隻字咁讀，眼仔碌碌咁諗一諗，就話：「好呀。 但你一定要幫我拎野架！」

Yes! 得米！！

而且總算都舒緩左Miss嘅情緒，我地一齊去教員室嗰陣唔單只有講有笑，佢仲特然搭住左我膀頭話一齊跑去教員室。 當佢一搭落黎嗰下，我手肘感覺到一好軟嘅嘢⋯⋯

我批到Miss對波。

Miss對波？

我屌！Miss請左我食波邊呀!!!

＝ ＝ ＝ ＝ 

IG: ar_hong_91

#小說 #文字 #文學 #愛情 #故事 #師生戀 #講故佬#小甜 #miss故 #紙言 #penana #校園 #校園愛情 #青春 #成長 #初戀 #戀愛 #中學