真人真事改篇﹕師生戀﹕《最接近的陌生距離》: 第十二章之六

「唔想比你見到⋯⋯我而家呢個樣⋯⋯！嗚⋯⋯」

「抱住我⋯⋯！我唔想⋯⋯自己一個人！嗚⋯⋯！」

我唔會⋯⋯我唔會掉低你一個！呢個時候我抱得再緊啲。Miss一雙傷心到冰冷嘅手同樣捉實我前臂。

「⋯⋯其實⋯⋯我唔識做⋯⋯老師⋯⋯我啱啱畢業⋯⋯就要做你地班主任⋯⋯我咩都唔識⋯⋯！我其實⋯⋯嗚⋯⋯我其實好驚⋯⋯好驚會教唔好你地！」

「⋯⋯好多嘢壓埋黎⋯⋯我搞唔店⋯⋯。我最需要你時，你就去搞其他女人！嗚⋯⋯我要同你分手啊！⋯⋯但我仲好愛你⋯⋯嗚⋯⋯！」





「⋯⋯同事以為⋯⋯我⋯⋯鍾意搞男女關係⋯⋯佢地唔鍾意我⋯⋯我好孤單⋯⋯」

我再抱緊啲。再緊啲，緊到我將面龐貼住佢塊面。此時，佢喊聲就更大。

「⋯⋯冇人幫我⋯⋯冇人教我可以點做⋯⋯我⋯⋯以為惡啲⋯⋯留下堂⋯⋯就係教左你地⋯⋯其實我唔識教你地！」

「⋯⋯學生都睇唔起我⋯⋯我好冇用⋯⋯我唔係一個好老師⋯⋯唔係⋯⋯我唔想再做老師啦！⋯⋯」

「⋯⋯點解要⋯⋯迫我食死貓⋯⋯我都有⋯⋯盡咗責任⋯⋯」





Miss一路咁喊，一路講自己委屈出黎。

呢個時候我醒起頭先Miss點解唔聽我指示就瞓左落嚟。因為佢用行動去證明佢真係好信我。

我係佢而家惟一嘅依靠，我比到安全感佢。預期話Miss係應我約，不如話其實佢想我陪佢。

Miss喊左一陣之後，就慢慢收返聲。 喺我懷中嘅佢唔再係學校嘅女王大人。佢只真係一個好普通，好普通嘅女仔。

Miss示意我放開佢。我慢慢咁放開手，佢亦到轉返個身對住我，好難為情咁低住頭。





「Sorry。」Miss抬頭望一望我，眼又腫，鼻又紅：「我好失禮。」

我搖一搖頭，我：「阿盈。」

喺學校咁叫佢係必死。但呢刻嘅佢只係好委屈同失落咁注視住我。

「阿盈，你喺我心目中，你係一位好老師。」

Miss一面難置信呆住左，一秒後佢就話：「唔洗氹我喎。我喊完已經冇事啦。」然後佢勉強咁擠出微笑。

我搖一搖頭，話：「阿盈！你唔止係第一個肯關心我嘅老師。你仲係第一個教好我嘅老師！你見到嗎？中文科嘅成績我進步緊架！係你教得好！你教識我好多嘢呀！」

「但係你其他科唔得呢！」Miss邊喊邊笑：「剩係我嗰科叻點得架。咁點解你剩係讀我嗰科呀？」

「我⋯⋯」我諗緊最好答案，喺心目中最真正嘅答案。





「我鍾意中文科囉⋯⋯」

「你講大話啦。成日上堂瞓覺！」

「我鍾意你教嘅中文科⋯⋯」

「唔洗氹我喇！低B仔！」

「我鍾意有你教嘅中文堂！

「夠啦！」

「我⋯⋯我⋯⋯Miss———」





.
「我鍾意你呀———！！」1
.

成個世界好似靜左落黎。

Miss成個人呆住左，唔識反應。

我⋯⋯我終於講咗！我越咗界？我⋯⋯唔好呀！唉，人地琴日先分手，咁樣乘人之危，大鑊Miss會唔鍾意架！

我連忙想兜一兜，話：「Mi⋯⋯Miss，其實我意思係⋯⋯！」

眼前影像突然迷糊左一下！有一啲事情喺彈指之間發生左。

我先感覺到係一種壓迫、一種體溫。然後係加速緊嘅心跳同香水嘅氣味。呢幾種刺激令我不自覺地閉起雙目。





我仲未意會發生左咩事。呢一刻只感受到唇上面好柔軟、好甜、而且有女性嘅香氣愈嚟愈濃。當我慢慢張眼，視力搵返焦點時，發現Miss⋯⋯

.

原來係Miss踏前一步，好情深咁，喺我唇上親吻咗一淡。1

.

Miss柔軟嘅嘴唇放開左我，我腦入面空白一片。

我⋯⋯我⋯⋯同Miss Kiss? 我同Miss Kiss!！

Miss佢一面懵懂，似乎佢都唔知自己做咗咩事。佢一面紅暈，好似飲醉咗。兩個仍然忍住泡眼淚，嘴唇微微張開。





「Miss, 我想⋯⋯」

Miss搖一搖頭，示意我唔需要再講太多。佢再上前再Kiss我一下。再一下。我抱住佢腰，唔容許佢結束呢個時刻！希望今晚唔好咁快完。

我地兩個人再享受唇上嘅甜蜜時光。我同佢嘅嘴唇互相交疊。我地都好明白唔想破壞呢刻嘅純情，所以我同佢都冇進一步去互相試探大家嘅防線。

但係當我地分開時，我內心真係好唔拾得。

Miss好溫柔咁望住我，摸住我塊面，佢迷人嘅嘴巴講左一句說話：「你不如⋯⋯」

.

「上黎我屋企度，陪多我一陣呀。」

= = = =  =

ig: ar_hong_91

#小說 #文字 #文學 #愛情 #故事 #師生戀 #講故佬#小甜 #miss故 #紙言 #penana #校園 #校園愛情 #青春 #成長 #初戀 #戀愛 #中學 #女教師