真人真事改篇﹕師生戀﹕《最接近的陌生距離》: 第十三章之六

「正常男仔鍾意細過自己嘅女仔。」Miss:「你有同年紀嘅人唔追，點解會鐘意我嘅？」

「喂，和尚廟啊嘛。本身都難識女仔。」

「唔係呀，學校年年都同女校搞聯誼架喎！」Miss:「你講，我有咩吸引到你？」

「真係想知？」

「嗯！」





我喺佢耳邊輕輕咁講左個原因出黎。

「你個衰仔——！」Miss聽完好嬲咁搣左我奶頭，痛到我癲。

「哎——！ 你都想我真心對你啫？」我：「開學嗰日我已經比你吸引住！當時我搖櫈時跌低咗。正正因為你個pat pat好正。你成個人感覺好淫，好正，好吸引我。即係⋯⋯你喺我心中好完美。」

Miss聽完消左氣，但諗諗下又唔對路，又皺起眉頭嚟。

「係呀。初初都係想搏你注意我，想親近你。」





「哦！」Miss恍然大悟咁講：「頭先喺公園你話鍾意我教嘅中文都係假架啦！！」

嘩⋯⋯女人啲情緒真係⋯⋯！！

「初初係有啲目的。但後來我真係鍾意你教嘅科。同埋有你喺度嘅課堂對我來講係最好架！最有意義！」我：「學生追老師點同正常人一樣呢？」

Miss好認真咁聽我講。

「你同事任何時候都可以見你，約你。都未計你出面嘅朋友！」我好緊張咁講，一段剛開始嘅戀情就好似新生命咁脆弱，我要努力保護。我話：「我作為學生，惟一可以親近你嘅機會就係返學、上你嘅堂，再唔係Lunch博你有冇時間理下我。我唔搏下表現，唔讀好你教嘅野，唔激下你，你點會留意到我呢？」





「後來我發現，即使我讀好啲書，我都只係做咗學生本分。我只係做咗你最乖嘅學生！我唔甘心咁，因為我真係好鍾意你！」我緊緊抱住Miss，喺佢耳邊話：「之前係點由得佢。重要係呢一刻我愛你。」講完之後錫左佢塊面一下。

Miss好軟咁攤左喺度。

「低B仔。」Miss起一起身，Kiss返我一啖。

於是我同Miss一直咁攬住傾計，了解左大家好多野。佢提到學校到底有幾多阿Sir對佢有意思，有幾多老師憎佢。至於周Sir同Matthew嘅事佢冇特別講，我亦冇特別問。不過提起黎Sir同「中毒陳」⋯⋯我忍唔住同Miss公開一啲真相。

「阿盈，之前你話黎Sir同紫嘴講啲嘢好怪嘅？」

「嗯！一個就問我咖啡好唔好飲，一個問我考慮成點。都唔知佢地搞咩！」

「其實就咁嘅⋯⋯」

我喺Miss耳邊將我偷黎Sir咖啡嘅經過講比佢知。佢即刻嬲到又搣咗我一下。





「原來係你！啊⋯⋯！衰到你啊！偷嘢？！」

「唔止添！兩罐啡都比咗阿偉飲。哈哈⋯⋯！」

「你仲笑！你真係好衰呀！星期一你賠返比黎Sir呀！」Miss嬲嬲地又問：「咁陳Sir呢？件事係點架？」

「追功課嗰期，我去教員室見到佢擺低咗兩張戲飛問你睇唔睇。所以我⋯⋯」

「你又偷咗？！」

「係呀，張飛仲比咗杰少去媾女添！」我自豪咁講。

「你⋯⋯你⋯⋯你！激死我啦！」Miss：「偷嘢已經衰架啦！你⋯⋯」





「唔係咁⋯⋯我點叫得郁佢地幫我手追功課呢？」

「哦！原來係咁！」

「咁我嗰時已經鍾意你嘛！咁梗係打低啲情敵啦！我仲幫你手解決問題喎！」

Miss聽到呢個解釋更加嬲到講唔到嘢，但係當佢用女朋友思維去考慮成個情況時，佢嘅怒容慢慢夾雜咗幸福嘅甜笑。最後笑咗出聲：「你啊⋯⋯哈⋯⋯真係好鬼死奸架！人仔細細就咁！」

「咁仲嬲唔嬲我呀？」

「點捨得嬲你呀？」佢低頭再錫我一啖：「低B仔！」

最後。

「大人嘅戀愛同細路嘅戀愛唔同架。我想你明白。」





「嗯。」

「由於身份嘅關係，我地唔可以咁明目張膽。我地關係係唔可以比人知。今日嘅事更加！一定！唔可以講比人聽！」Miss:「所以喺學校我地保持返距離，咁樣對你同我都好啲。」

「平時去街呢？」

「睇情況啦。不過喺我屋企就⋯⋯」Miss喺我耳邊碎碎唸，令我全身毛管戙晒。

更重要嘅係，佢嘅耳邊說話令我重燃慾火。

Miss魅惑咁笑，好似做左一件惡作劇。

於是我就過左一個好幸福嘅一晚。

= = = = 

ig: ar_hong_91

#小說 #文字 #文學 #愛情 #故事 #師生戀 #講故佬#小甜 #miss故 #紙言 #penana #校園 #校園愛情 #青春 #成長 #初戀 #戀愛 #中學 #女教師