真人真事改篇﹕師生戀﹕《最接近的陌生距離》: 第二十三章之一

我成個世界開始崩潰，睇緊嘢開始轉成灰暗滲淡嘅色調。

唔知點解，我冇嗰種平時電視劇見到嘅要生要死嘅狀態，我只係好淡然問左一句：「點解嘅？」

可能，呢份痛已經大到直接令神經都痛死埋⋯⋯我開始咩都感受唔到。

「分手，係對你最好！」Miss簡話一句，低頭飲泣幾聲，就轉身匆匆離開。

我成個人呆晒，連挽留佢嘅力氣都冇。佢亦走得好快，好快，即刻喺學校都好似突然消失左咁。





我個初戀⋯⋯真係就咁樣玩完？

身體同靈魂好似剝離左。身體好自主咁返去訓導室隔離，當靈魂返黎身體時，我先知道原來差唔多放學。啲功課⋯⋯Lunch之後開始就一份都冇做。我已經頹到咩都唔想理。

我覺得一切都好唔真實，冇可能架⋯⋯我同Miss剛剛開始兩星期。喺上星期三，我同Miss個關係仲昇華左。佢知道我認真對待佢！佢仲親口承呢段關係！呢段感情應該會好穩定架！

點解⋯⋯

即使看似堅固嘅愛情，點解都係不堪一擊？





= = = =

最後，雖然今日冇人要我留堂，我都係留低做埋啲功課先走。因為我想留耐啲，等Miss收工，睇下有冇機會同佢傾下。始終我都係唔相信佢咁容易去放棄呢段感情。但事實總係令人失望⋯⋯

「阿匡，仲喺度嘅？」黎Sir執好晒野準備走，時間係晚上七半。佢笑住咁話：「乖仔喎！留低做埋功課先。不如，我車你返去啦。」

「阿Sir, 已經冇晒老師喺學校？」

「得返我咋。」





「吓？！咁Miss呢？」

「啊—！你今日隔離，應該唔知道。Lunch後我幫佢代咗課。」黎Sir:「佢話佢唔舒服，下午拎左病假。」

「佢病咗？」我擔心咗講，心又諗應該係因為分手令佢情緒太差⋯哼！真係謊謬，既然係辛苦自己，點解仲要分手？

點解要行一條咁辛苦嘅路？！

= = = 

ar_hong_91

#小說 #文字 #文學 #愛情 #故事 #師生戀 #講故佬#小甜 #miss故 #紙言 #penana #校園 #校園愛情 #青春 #成長 #初戀 #戀愛 #中學 #女教師