真人真事改篇﹕師生戀﹕《最接近的陌生距離》: 第二十四章之九

「啊———！」

.

肥B成個人被我打到瞓低，用手掩口鼻，指縫間爆血！

「咭⋯⋯咭⋯⋯哇！咳⋯⋯⋯！！」肥B咳咗一聲，吐咗兩粒門牙出黎！

佢嗰兩個跟班都被我爆炸力嚇親，其中一個想走，我就一個起飛腳踢落佢腰背，成個人正面仆低！佢大叫一聲，張大咗嘅嘴亦剛好落地，喺地上爆出三粒斷牙！佢滾地掩嘴痛叫。





「哇呀———！」佢劇痛咁叫！因為剩係打爆佢棚牙都唔夠，我仲——

「冚家產！！」我仲兜腳大大力踢落條仆街仔嘅上五吋下五吋！

我怒目回望另一個跟班，佢不斷叫：「唔好呀⋯⋯唔⋯⋯唔好呀！對唔住呀！對唔住呀匡哥！」佢被我迫入廁格後⋯⋯

「唔好打呀！唔好⋯⋯」

佢驚叫幾聲，廁格幾下騷動，就靜晒。





當我喺廁格行返出黎時，一口鮮血嘅肥B，就慢慢爬返起身，一拐一拐咁想走出男廁，動作好狼狽！我隨手拎起旁邊垃圾桶兜嘢掟落佢個頭度！

崩———！

「哇啊！」肥B抱住頭大叫。

「屌你老母！」我上前兜腰背踢，將肥B踢落牆上面。

啪——！「哎呀——！」肥B一聲痛叫未完，我扯住佢後腦嘅頭髮，拉後——





崩——！「哇——！」肥B被我大大力中佢頭落堵牆上面！佢額頭一定好撚痛！唔夠⋯⋯唔夠⋯⋯我中多兩三下⋯⋯

崩——！「啊——！」

崩——！「唔好打呀——！」

崩——！

唔知點解，任我點樣打柒佢，我不單只冇消到啖氣，仲愈打愈嬲。我嘅烈怒就嚟將我徹底咁燒成灰！

「對唔住呀匡哥！唔好打呀！」肥B擰轉身對住我，滿面污血求饒：「唔好再打呀！我知錯啦！我唔應該咁樣話——嗚唔——？！」

佢嘅呼叫硬生生咁喺空氣中消失，因為——

「迫我食泥撈飯？！」我隨手執起散落一地嘅垃圾，質落條仆街嘅臭嘴度！





「嗚⋯⋯唔⋯⋯唔⋯⋯」

「食呀！」我唔知自己手入面係咩垃圾，但一定係最污糟嘅嘢，口水鼻涕咩都有。我唔理佢眼神有幾驚，我亦都唔理佢會唔會比我監生打死。總之我就要肥B受教訓！

「食呀！食呀！」我大力鏈實佢口同鼻！迫到佢窒息時，佢就會唔小心吞咗啲垃圾落肚！

「唔⋯⋯唔⋯⋯你仆街啦！」肥B一搵到機會就將我踢開！

佢趁我跌低時，即刻奪門而去！

喺走廊上，肥B一路呼叫，一路將啲雜物掟去我度！

我個心被烈怒燃燒緊，眼前呢隻走狗即使被我監生打死，我都未能平息怒氣。





我慢條斯理咁跟咗出去，我唔急、唔慌張，好似已經視肥B係我囊中物咁。反觀肥B而家驚惶失措嘅樣，呢隻做狗跟班嘅垃圾事實上只係狐假虎威。

「你咪埋黎呀！咳⋯⋯咳⋯⋯阿Sir，我被人打呀！」佢驚到好狼狽。

肥B一路行一路呼喊，已經走咗落去操場嘅中間。由於正值Lunch, 佢咁嘅舉動引嚟咗眾人嘅注目。圍觀嘅同學愈來愈多。

「你咪過嚟呀！咳⋯⋯咳⋯⋯」肥B慌張大叫、向我吐血水，但都阻止唔到我嘅進擊。雖然我行得好慢，但每一步都令肥B非常有壓迫感。

「你⋯⋯你亂咁傳Miss Wong 啲嘢⋯⋯你⋯⋯你想害死Miss Wong⋯⋯」

夠膽羞辱Miss？！我要打爆你個賤嘴！

我箭步而上⋯⋯突然！我感受到好多人衝緊埋黎。然後我被一服蠻力制肘，全身動彈不得！當我回個神黎時，我已經被人制服左壓喺地下！

「放開我！」我嘅面龐被重重壓喺燙辣操場地上.





我向壓制我嘅方向回頭一望，喺烈陽之下，我只見到一個剪影。但憑聲音我就聽得出制服我嘅人究竟係邊個！

「玩嘢下話！」周Sir憤怒咁講：「今日係咩日子呀！你夠膽搞事？」

今日係咩日子？

今日⋯⋯

係啦，係聯校家教會黎探訪嘅日子啊！

剎那間，我知道⋯⋯

.
.





我反擊嘅機會黎啦！

 = = = =

ar_hong_91


#小說 #文字 #文學 #愛情 #故事 #師生戀 #講故佬#小甜 #miss故 #紙言 #penana #校園 #校園愛情 #青春 #成長 #初戀 #戀愛 #中學 #女教師