真人真事改篇﹕師生戀﹕《最接近的陌生距離》: 第三十三章之二

之後我同Miss去咗啲示範單位度hea，初初都只係試坐下啲梳化，然後我同佢竟然幻想日後同居嘅生活。

「部電視要有60寸！而且要有音響！」我將腦入面嘅藍圖投射咗出嚟。

挨喺我膊頭嘅Miss就笑說：「要咁大嘅電視黎做咩呀。屋企咁細！」Miss當正咗呢個細小又溫暖嘅窩居係將來嘅屋企。

「我鍾意睇戲嘛！你諗吓，用咁大嘅電視播恐怖片，加埋啲音響⋯⋯嘩！諗起都正呀！」

「你自己睇啦！痴線！」Miss笑一笑後就起返身，拉住我手：「低B仔，跟我嚟呀！」





然後佢帶咗我去另一間大啲嘅單位，再帶到我去一張書枱前，佢話：「坐呀！」

「做咩呀？」我照Miss說話做。

Miss又搞下啲枱燈同啲立雜嘢，將一本示範用嘅書放喺我面前。佢若有所思咁，似乎好認真咁思考緊啲嘢。

「你做咩咁認真嘅？」

「我諗緊呢張枱啱唔啱你用嘛！」





「我間房好細咋喎！放唔落架！」

「梗係放喺我屋企啦。」Miss拎咗把尺度下尺寸，續道：「嚟緊要考試。遲下又要Dse。你屋企個學習環境唔太好，所以你上嚟我度溫書應該會好啲嘅！」

我聽到後心底一熱，一股感動襲上心頭。我覺得Miss對呢段關係嘅目光放得好遠。呢個世界上應該只有Miss呢位女朋友會咁關心男朋友嘅學業。佢想同我一齊行得好遠，而現時惟一途徑就係要我讀好啲書。

「Miss。」

「嗯？」Miss忙緊度尺寸。





「我會比心機讀書架啦！」

「嘻⋯⋯」Miss甜笑望返我：「聽住先啦！」做咗個可愛鬼臉。

「你唔信呀？我做比你睇！」

Miss笑一笑望住我，一面安慰又半信半疑。

我唔止要讀好啲書比Miss睇，我仲要比所有人睇！邊個話師生戀會影響到個學生架？我要證明比全世界睇，我愛Miss，愛到連自己習慣都要改變，親手粉碎「師生戀」呢個枷鎖同禁忌！

「不過話時話，你又知我屋企讀書環境唔好嘅？」我起返身，趁冇人攬下Miss。

「嗰日上去你度，成大大部電腦喺你房呀！」Miss眼神有啲厭惡：「你除咗用嚟打機，肯定收埋啲四仔啦！咁多誘惑仲點溫書啊！」

我靈光一閃，語帶諷刺講：「唔係喎，喺你屋企嘅誘惑大啲喎！你成個人已經好誘惑啦。」





Miss聽到即刻面紅，一手推開我，邊笑邊鬧：「又整蠱我？以後上嚟唔比你搞！」

「你話唔得就唔得架啦？」

然後佢笑嘻嘻咁走咗去示範浴室入面想避開我。我就即刻追過去。Miss好似同我玩緊捉迷藏咁刺激，佢扮驚咁叫咗聲，我就上前將Miss推咗入企缸。

刷——！我將浴簾拉起，製造咗一個獨立嘅空間。

一個獨立嘅偷情空間！

我將Miss迫到埋牆，我地兩人四目交投，讓氣氛蘊釀、，令氣氛昇華。然後我地慢慢靠近，兩張嘴吧輕輕咁接觸。然後我同佢一口接一口，好似互相食緊雪糕咁。由佢雙手撫我面龐可知，Miss好享受呢刻嘅刺激。

「老公，入嚟睇下！」浴簾外有人聲傳入嚟，似乎有人想進入浴室。





Miss即刻止住動作，好驚被人發現。但我唔會放過佢，繼續進攻，同佢條脷交織。幾下挑逗之後，Miss放棄防守，將手抱住我頸，繼續熱吻。

「呢個企缸好似幾好咁喎。」簾外嘅女聲說道。下一秒就「刷」一聲個浴簾被人打開咗！

「哎吔——！Sorry!」

簾外嘅人被呢個刺眼嘅情景嚇親。

「咪阻住人啦，我地走啦。」一把男人聲講完之後，我聽到兩個腳步聲慚慚遠去。

「嗄⋯⋯！」Miss嘴多我十零秒後先識得放開。我張開眼就見佢一面紅暈、幸福，好似飲醉咗咁。

但我意猶未盡，正想追Kiss嗰時，Miss就舉起手指貼落我嘅唇上面，柔聲咁講：「今日嘅Kiss Kiss賣晒啦。」

「我唔夠呀。」





嘖—！Miss kiss咗一下：「送多啖比你啦。」

我擰頭。

嘖—！「再多啖！」

我擰頭。

嘖—！「嗱！最後一啖啦！」

我依然擰頭。

「妖！」Miss啤咗我一眼，就一頭埋咗落我胸前。我地兩個就咁樣互相擁抱住。





「低B仔。」

「嗯？」

「你快啲大個仔啦。」

「我仲有兩年先18歲喎。」

「你心智起碼要再等多十年添啦！」

「十年好長喎！你等到咩？」

Miss望返我，一面情深咁講：「等！——」

.

「就算要我等20年、30年、100年、我都願意等你！」

.

「低B仔，我愛你。」

Miss好似結婚行禮咁Kiss我，當中隱含住無限嘅承諾同信心。

本來我個心好感動，但一想起半小時前我呃咗佢。總覺得呢份甜蜜就有少少變質。

唉⋯⋯我唔可以再呃Miss!

唔可以！

= = = = 

ar_hong_91

#小說 #文字 #文學 #愛情 #故事 #師生戀 #講故佬#小甜 #miss故 #紙言 #penana #校園 #校園愛情 #青春 #成長 #初戀 #戀愛 #中學 #女教師