真人真事改篇﹕師生戀﹕《最接近的陌生距離》: 第三十五章之三

我同Miss心情鬆咗啲，又了解咗大家之後，錫多一兩啖就去準備晚餐。

時間關係，今晚只係煮啲好簡單嘅家常便飯比Miss。咸蛋節瓜湯、蒸肉餅同蕃茄炒蛋。

Miss用一個好欣賞，接近小迷妹嘅眼神望住我施展緊廚房魔法。

「點解你咁叻叻嘅？」Miss迷到智商急降，語言能力倒退到令佢開始講疊字。

「我細個嗰陣時最鍾意同媽咪買餸，又鍾意睇佢煮飯。所以學到一兩招囉。」我揭起蒸蓋，放個肉餅入去：「哎呀！差啲唔記得要煲飯！」





「我幫你呀！」

我驚咗下，但又心諗，佢冇理由連煮個白飯都出事呀？所以我都係放心比佢搞。

然後到煮蕃茄炒蛋時，我不忘要做一件事——

「盈盈，記得，呢個係鹽。」我左手舉起樽鹽，右手舉起另一樽：「而呢個就係糖！」

Miss拎住個鏟，兜緊個蕃茄炒蛋，但佢個樣好不爽。冇⋯⋯擺明串佢上次鹽同糖都唔識分。佢鼓起泡腮咁講：「我知啦！」





頂⋯⋯佢呢身老師Look，加埋佢呢個樣真係好可愛呀！

搞呢搞路，最後終於八點半先有得食。

不過⋯⋯

「哈哈哈⋯⋯」Miss望住碗飯傻笑：「水個份量⋯⋯唔係隨心加嘅咩？」

唉⋯⋯煮個白飯唧⋯⋯點知真係出事！佢煮到一pat pat咁，大佬！食粥咩！我真係好懷疑Miss除咗讀書同教書係咪咩都唔識！





「哈哈⋯⋯唔緊要啦！」我苦笑。

「哦！你唔開心。」Miss扁晒嘴咁講：「你笑得咁勉強嘅？」

「冇！邊有！」我幫Miss夾餸：「食飯食飯！」

Miss好似細路女咁扭晒計，點都要我氹先肯食飯。當佢食咗我煮嘅肉餅後，佢雙眼發光，大叫：「好味啊！」

佢個樣十足十啲動畫咁，一面陶醉加出現人生走馬燈幻覺咁。

「係媽咪嘅味道啊！」Miss一面滿足：「低B仔，你知唔知呀？其實我好耐冇食過屋企飯啦。」

唔知點解佢講得有啲傷感。我唔敢問咩事，因為之前聽Miss講過因為佢要避開佢爸爸先搬出嚟。咁計的話，佢應該有五年冇食過屋企飯。

「咁以後我煮比你呀。」





「喂！」Miss即刻指住我：「你唔好再講呀。唔好又整喊我呀！我要食飯呀！」

我對住佢微笑，心底嗰句情話⋯⋯算，留返第時求婚先講。呃⋯⋯係呀，我呢排有想起大個咗要娶Miss嘅念頭。

於是我同Miss食咗一餐好開心、好Sweet嘅晚飯。感覺⋯⋯真係好似結咗婚咁。
.
食完飯Miss幫我洗碗，我就喺廳出面做功課。做到咁上下，Miss就埋嚟同我補習，預備考試。

「啊——！即係咁，盈盈。」我奸笑。

「又點呀？」Miss好唔鍾意我成日喺做緊正經野時分心。順帶一提，上次喺佢屋企溫時，我一邊溫書一邊抽佢水，搞到Miss嬲咗我三個鐘⋯⋯

「嗱，我操行又差啦。成績又唔好。所以今次考試我唔衰得。如果唔係我好易留級，所以⋯⋯」我扮咗個可憐樣出嚟：「不如你講下你會點出題呀——哎呀！」





我都未講完，Miss就一嘢鏗落我個頭度。

「好痛呀！」

「作死你呀！講呢啲！」Miss秒嬲咗：「講好咗公還公，私還私呀！我咁樣幫你即係對其他同學唔公平呀！」

「係⋯⋯係⋯⋯」

「如果試題外洩，我比人查到的話，我好大件事架！」

「會被人炒？」

Miss一面微笑，明顯講緊：「你話呢？」

然後我繼續努力溫書。最後差不多十二點，Miss話太夜要走。唉⋯⋯仲諗住可以啪啪啪添。





的士站，我幫Miss截咗的士。喺佢上車前，我仲拖實Miss隻手唔放。搞到Miss搣咗我塊面一下，笑住咁鬧：「夠啦，唔好咁痴身啦低B仔！」

「咁我唔捨得嘛。」

「咁聽日記得準時返學當值啦，班長仔。」

「嗯！聽日見啦！」

「嘻——！」Miss上車前，又同俏皮咁講：「啊！老公呀，聽晚仲有冇屋企飯食呀？」

「有呀！以後都有添呀！」

「好嘢！我愛你呀低B仔！」





Miss上送咗個goodbye kiss比我就上車走人了。

= = = = 

ar_hong_91

#小說 #文字 #文學 #愛情 #故事 #師生戀 #講故佬#小甜 #miss故 #紙言 #penana #校園 #校園愛情 #青春 #成長 #初戀 #戀愛 #中學 #女教師