可唔可以做一對有緣無份嘅情侶？: 第一章 15歲的生日

我個名叫李伯岐 睇落好正常呢？試吓用普通話讀一次，如果你讀得冇錯應該係「你勃起」……………

今日係我15歲嘅生日，其他人生日就切蛋糕拆禮物，而我就係……………自己去海洋公園，你冇睇錯我係自己一個人去海洋公園，入到去見到一對對情侶拖住手睇熊貓，坐過山車………望到佢地好開心咁玩，我好心酸…………

曾幾何時我都有一個好靚好靚嘅女朋友，不過同佢分咗手之後我就變咗一個毒撚，做咩都冇心機，成績一落千仗……………

同班大陸人迫吓迫吓終於上到纜車，原本以為會自己一個人坐，係依個時候有個女仔上咗嚟坐，個女仔個樣幾成熟長頭髮，帶住眼鏡，應該同我差唔多大。係依個時候，佢無啦啦問我問題嚇到我差d標屎。

「你做咩係咁望住我？」



「………………」我心諗唔望你唔通望山上面隻海馬咩

「我知一定係我太靚啦！」

「哈哈哈！一定係咁，你依個笑話都幾好笑」

「你係咪想死？」

「如果可以死係你手上我絕對願意！」



「口花花！其實你……係唔係自己一個人嚟海洋公園？」

「…………係………」

「我都係，不如…我…地…一…齊…玩…好…唔…好？」

「好…………」

我比佢依個舉動嚇親，不過我作為一個色狼……唔係…係毒撚至啱，可以同到女仔周圍玩都好難得，所以我立即應承咗佢。坐完纜車之後我地向着第一個目標就係雷霆節拍