港足守護神和他背後的守護神: 1 - 械鬥

「龍哥，準備好未？」

「呢日我等咗好耐喇，半年前大麻成搵班𡃁偷襲我。阿堅，記唔記得我喺病床上面講過，只要我唔死，我好返嗰日一定會搵佢算總帳？」

「梗係記得啦。今日我哋準備好曬架撐，成個堂全體出擊，一定要打到佢哋片甲不能。」

「但係，記得唔好打死大麻成，一定要捉佢返嚟慢慢泡制，哈哈哈哈哈。」

「呢層當然啦。係喎龍哥，我諗住帶埋華仔過去。」





龍哥向我投了一個不信任的眼神（對，我就是他口中的華仔），然後對着堅哥說：

「華仔？打唔打得㗎，又咁矮又咁細隻。」

「龍哥你同我定啦，華仔新手好敏捷，再加埋今次我哋有架撐，贏硬！」

然後，堅哥瞪大眼睛望着我說：

「華仔，你掂唔掂！」





我當時感到有一點害怕，始終我從來未見過真正的黑社會械鬥。但是為免被各位大佬睇死，我內心顫抖而裝作淡定地說：

「梗係掂！」

「係咪阿龍哥，都話得㗎喇。」

「好，華仔，咁你跟埋我哋嚟。陣間你負責睇水，企喺十字路口嗰度留意住。有差佬嘅即刻同我哋講。」

「冇問題。」





幾小時後，龍哥帶領着接近100人的這個堂出發，準備直搗大麻成的老巢。

但是在出發前，到現場收風的兄弟回來緊張地告訴龍哥說：

「龍哥，佢哋唔知係咪收到風，佢個竇樓下有接近十條友揸住碌棍。」

龍哥聽到這個訊息後，擺出一副輕蔑的嘴臉：

「乜撚嘢話？揸住碌棍咋嘛，我哋咁多把刀，驚閪。大家準備出發啦。」

然後，他突然話鋒一轉，向着我們咆吼：

「仲有，畀我知道邊撚個係二五仔我就隊冧你全家！」

在龍哥咆哮的時候，整個房間沒有人夠膽出聲。





在看到沒有人有反應後，龍哥大聲叫喊：

「全部聾曬呀？我話出發啊！」

「收到！」大家趕忙回應。

在我身後，兩大社團的百多人在械鬥。

在睇水同時，我也有轉過頭來留意背後的打鬥情況。

我從來未見過如此的場景，這個大型的械鬥現場血肉橫飛。由於我們大多配備軍刀作武器，而大麻成的手下最強的武器只是木棍和鐵棍，因此不是我們的對手。

同一時間，我也留意到身後其中一幢唐樓的入口處站著一個少女，呆呆地望著眼前的械鬥現場。





咩料？

唔理啦，擰返轉面去睇水先。

過了大約十分鐘後，我的身後突然響起幾聲巨響。

「呯！呯！呯！」

嘩，嚇死人咩。

唔係。

究竟發生咗啲咩事！？

「佢哋有炮呀，走佬呀。」





槍？

我們堂的兄弟驚惶失措地四散，向著黑箱車的方向逃跑。本身到處都是血漬的現場有兩個兄弟躺臥在地上，同一時間，我發現......

剛才站在唐樓入口看熱鬧的少女也躺在地上！

我急忙跑過去，看到少女的左手手臂被子彈射中。

「嗚嘩......好痛啊......」

正當我的腦還沒有運作過來去分析有警現場發生了甚麼事，身後有一把男聲在大笑。

「哈哈哈哈哈哈哈哈哈！你兩個睇下，柒頭龍一見到支炮就嚇到走夾唔抖咁，唔得，笑死我，哈哈哈哈，呢啲乜嘢大佬嚟㗎，真係夠雷氣喎！哈哈哈哈哈！聽住，拖佢兩個返上去，睇下可以問到啲乜嘢！」





現場他的小弟立刻回應：

「係嘅大佬！」

我呆呆地的看著眼前這個男人的指揮，直到他突然望向我的方向大聲說：

「喂！嗰個靚仔！」

金翅仆街了。

ig: marx_ice_