港足守護神和他背後的守護神: 13 - 親口講

「雖然你係救咗我，但我醒咗之後就覺得成件事好奇怪。淨係第一個問題：點解你會出現喺現場，然後係長期望住隔離個路口？」

我支吾而對：「errr...」

她繼續說：「我淨係問咗呢個問題嘅前半部分，你成個月都冇答過我呢個問題，係咁喺度遊花園。」

我思考着，既然她現在已經大概猜到，為甚麼要繼續問？

我回答：「其實我唔識可以點答，但係又唔想作個大話去呃妳。」





她繼續表示：「我大概估到，我淨係想親口聽你講。」

我無奈地承認：「嗰日我的確係幫佢哋睇水。」

她望向我，然後微笑着說：「你終於肯對住我講真話喇。」

我道：「但最後我出咗好大件事，喺好多人眼中係悲慘，我反而覺得係解脱。」

她回應：「咁恭喜你唔使跳樓解脱啊振華。」





我立即回應：「吔屎啦，咁講嘢都有。」

她連亡表示：「講笑啫講笑啫。塞翁失馬，焉知非福啊嘛。我幾好奇，你喺男童院入面有咩做？」

我回答：「自己喺度做掌上壓同sit up囉，成日摺埋都想旭下㗎嘛。」

陳慧恩一副恍然大悟的樣子：「原來係咁，但你之前有冇玩開運動㗎？」

我爽快地答：「有。」





她問：「咁你玩咩㗎？」

我：「足球。」

我不知道為甚麼，但是我對着其他人根本不願提起這兩個字，但是與陳慧恩談話的時候沒有這種感覺，很自然便會想分享，而自己又沒有不願意。

她繼續道：「其實我係好奇點解你明明係佢哋嘅人，但係喺打輸咗之後你冇離開現場，仲要過嚟救我。」

我回答：「我都唔知道，而家諗返其實嗰陣時有機會畀另一邊捉咗去。但嗰陣時我見到妳受傷之後，我就唔記得咗逃走呢樣嘢。」

她表示：「咁證明你嘅內心係善良㗎囉。」

內心善良？可能是吧。但有一個女仔中了彈躺在地上，我相信沒有人會不去關心情況。

我轉移話題：「我哋去商場求其行下？」





她迅速回應：「好呀，橫掂都仲有好多時間。」

最後我們真的在商場裏面閒逛，甚麼都沒有買，浪費了兩個小時。

......

大約六時許，她問我：

「肚餓未？」

我表示：「有啲。想食咩呀？」

她竟然回應：「不如薩莉亞，正正常常又唔係特別貴。我真係唔想搞到好似屈你請一餐好貴嘅咁。」





天啊，陳慧恩竟然會為我的荷包著想。我的心裏說了無數次感激。

我回答：「好啊。咁我哋入去攞位先。」

一如自己平常做的，我進到餐廳後點了自助飲品吧，然後拿了一隻杯把飲品吧的飲品都斟了進去，混在一起。

然後我回到座位問陳慧恩：

「妳估下呢杯咩嚟？」

他皺起眉頭，想了幾秒鐘，然後說：

「係咪百事溝美蓮達？」

我笑著回答：「你個答案冇錯，我仲溝咗梳打水、檸檬茶、七喜。」





她表示：「真係痴線佬嚟，因住肚痛。」

我回應：「唔加奶落去咪冇事囉。」

我們吃了一會兒，她突然抬頭問我。

「你報咗咩學會？」

我答：「淨係報咗棋藝學會呀。」

她表示：「吓，竟然係報咁頹嘅學會，同埋你話你之前玩開足球，宜家竟然冇入足球隊。」

我回應：「我覺得我未克服到自己個心理關口。」





她追問：「咁因為咩事造成你個心理關口？」

我告訴了她我小六遭遇的事。

沒想到，陳慧恩竟然換了一個態度，眼神帶點不屑地說：

「你真係垃圾嚟......」

ig: marx_ice_