精子is money: 第二十九章 色迷迷Ｓａｌｅｓ

就係咁，我地三個人係黑夜中慢步走出呢個麵檔，行行下既時候林舒寶突然講左句：「多謝你地救左我，係啵你地叫咩名？」
 
咁我就好老土咁向林舒寶自我介紹一次：「我叫阿積呀。」跟住我向阿牛打個眼色叫佢向林舒寶自我介紹。
 
阿牛尷尷尬尬咁：「你好…呀，我叫文子牛，你叫我阿牛得咖啦。」

林舒寶眨左下美目：「哦。依，係啵，咁你地點解識得我咖？」
 

其實我好想同佢講，我根本唔認得佢係邊個，只不過係阿牛認得佢，不過我總係覺得佢好熟面口。


 
為左我兄弟幸福著想，我緊係無督阿牛出黎。我話係班ＭＫ仔撩我地在先，而且咁岩見到佢地打女人，所以先順手教訓下佢地，我地生平最憎人打女人。
 
我：「係啵，咁你點解痴埋班ＭＫ到既？」
 
林舒寶：「唉，其實係我因某Ｄ事借左佢地精子，加上自己無咩朋友先同佢地玩，我岩岩已經諗住去搵我媽拎精子去還咖啦，不過我媽唔係到，得返一個色迷迷既男員工係到，個員工仲要著緊校服。」
 
我：「哦明白，既然你唔想講就算啦。咁你岩岩黎我間鋪鬼鬼鼠鼠咁望黎望去做咩？。」
 



林舒寶無啦啦指住我套校服：「哦，原來你就係我媽間鋪果個色迷迷Ｓａｌｅｓ，原來你同我同校啵。」
 
我：「下，原來我就係你口中所指既色迷迷Ｓａｌｅｓ？Ｕｍ其實，我唔係咩色迷迷Ｓａｌｅｓ囉。喂等等，你話你媽間鋪？唔通你媽就係寶拉姐？」

呢刻唔知點解好似同佢好岩傾咁，我同佢各有各講，完全無視左阿牛既存在。
 

林舒寶疑問：「係呀，無錯我媽叫林寶拉，就係你所指既寶拉姐，做咩？」
 
我笑住咁講：「無呀，哈哈，估唔到你就係平時寶拉姐口中所講幾曳既女。」


 
林舒寶唔開心咁講：「咩曳呀！我其實好乖囉。唉，不如我地買Ｄ酒搵個地方坐低，我慢慢講原因俾你地聽啦。」
 
由於成年人先可以買酒，我地唔夠十八歲既關係，我地就去返阿牛做野果間便利店。由阿牛買出黎，佢買左半打既藍Ｉｃｅ啤酒。