精子is money: 第三十七章　情聊

「好啦可以開始食啦。」寶拉姐一聲令下，我就不斷咁食，我一路食一路食既時候，發覺寶拉姐無乜點食到，

我就問佢：「做咩唔食既？Ｄ野唔好食咩？」
 
佢突然間好認真咁同我講：「我有件事想同你講，你要冷靜Ｄ。」
 
 
 
我：「係，寶拉姐究竟咩事呢？」個心入面好緊張。
 


寶拉姐話：「我決定放你一個月大假。」
 
我：「下，點解呀？係咪我有Ｄ咩做得唔好？」
 
寶拉姐：「積，你冷靜Ｄ聽我講埋先，某情度上係你管理得太好，我決定要擴張間鋪，到手會更加忙，而你就係我既得力助手，我會請更多人返黎幫你手，

換句話說你係升左職，到時你就係管理階層啦，仲會加人工添，係咪好威呢？」
 
我：「下，咁我屋企……」
 



寶拉姐聽得出我既憂慮：「唔洗驚啵，呢個月我都會照出糧俾你，你咪當俾自己休息下囉，同埋最主要原因係間鋪要裝修。」
 
我：「好啦咁，多謝你先寶拉姐。」
 
寶拉姐：「食飽未阿咁你，同我出去行下。」
 
我回左聲寶拉姐：「好既。」
 
然後揮揮左手：「唔該，侍應埋單。」


 
侍應：「先生你好，請問係咪埋單？麻煩你拎出你既房卡。」
 
我從褲袋拎左細細張既５０５房卡俾侍應：「唔該我想問下，今餐幾精阿呢到？」
 
侍應：「哦，先生你果個標準雙人套房，係包埋雙人早餐，所以今餐係免費，好多謝你地既享用，歡迎下次再黎。」
 
埋完單後，我望左眼藍佑龍個位，佢人已經走左。之後我同寶拉姐就出左去酒店餐廳既露台，果到勁多情侶，搞到我地有Ｄ尷尬。
 
 
不過寶拉姐都係照行去，我就跟住佢個尾，無視其他既情侶。我地行到一處無乜人坐既地方，坐左係其中既一張雙人椅子，呢到既風景迷人，空氣清新，

從高處可以清楚望到樓下既人行黎行去，我仲見到Ｄ阿伯阿叔係公園到晨運添。
 
我問寶拉姐：「係啵，你心情好返Ｄ未？」


 
寶拉姐：「ＯＫ喇，不過真係好多謝你陪我。」

 
我笑住話：「洗咩客氣，大家咁熟啵。」我心入面係到諗緊，遲下話唔定熟到可以上埋床添，不過諗完又有少少內疚感，有種對唔住阿牛同埋林舒寶既感覺。
 
寶拉姐話：「係啵你有無用Ｄ咩手機通訊ＡＰＰ？咁搵你既時候咪唔洗打俾你咁麻煩。」
 
我拎出部手機：「無呀。」之後寶拉姐搶左我部電話，幫我Ｄｏｗｎ左兩個手機ＡＰＰ落黎。
 
「情聊？咩黎咖？」我望住手機上面岩岩Ｄｏｗｎ落黎既ＡＰＰ自言自語咁講。