返到屋企既我,大嗌阿媽我返黎啦,我望極周圍都無人,我諗阿媽應該同林叔叔出左街。
 
「好悶阿,又無得返學又無得返工,真係唔知有咩做好。」我訓係張梳化上面望實部手機自言自語。不自覺咁打開情聊APP,

我岩岩加果個女仔仲未接受我既好友申請,我心諗究竟係咪我做錯左D咩呢?應該唔會呀!

我望住自已情聊個名同埋個頭像明明就係一個完美既名同埋擺明就係個靚仔樣,點解條友仲未接受呢?我個名叫做寂寞的小雞雞,

再望下班MK仔叫D咩醉愛軒少,擺明就係我呢個名有顯得高貴大方又不失優雅啦。唉,點解無人加我既,又無人接受我,好悶呀!我望住部手機漸漸地鎖上屏幕。
 


突然「嘟」一聲從我部手機響起,呢個聲係我從未聽過既訊息聲,我心入面有無比既喜悅,急不及待咁打開部電話。
 
 
我用手指向下一滑,打開情聊就見到「已申請成為你的好友,有接受/忽略呢兩個制俾我揀。」PaulaLam既頭像係一張縮細左既女人相,

我禁落個頭像放大一睇,原來係寶拉姐黎。車,我心入面有一絲絲既失落感,竟然唔係我心中所想果個靚女接受好友,我失望咁禁左接受制,

不過講真果句寶拉姐張相又影得幾好睇既,普普通通既一張自拍相,無修圖,無用任何角度,完全係正面既自拍,俾人一種優雅得黎又大方得體既感覺,高貴得黎又帶女人味,
 
係我仲研究緊佢張相既時候。一聲嘟嘟嘟又再次響起。




你已經收到PaulaLam傳來的訊息。我打開左對話框,原來係寶拉姐搵我,以下係我地既情聊對話。
 
PaulaLam:喂,呀積有緊要野同你講。
 
寂寞的小雞雞:點呀!寶拉姐?
 
PaulaLam:真係睇唔出你會改得出咁樣既名啵。(大笑既表情公仔)
 


寂寞的小雞雞:多謝曬啵,真係識貨呀你。
 
PaulaLam:不過你……張頭像,點解用呢張相既?(笑到喊既表情公仔)
 
寂寞的小雞雞:咩呀?呢張相唔靚仔咩?我覺得呢張唔錯囉真係。(嬲既表情公
仔)
     
(過左十五分鐘到,寶拉姐都未回我情聊訊息)
 
已有 0 人追稿