「喂,李晶積,你好撚賤呀!唔應機,你唔係真係趙完鬆呀嘛?得,無問題,等我返學校唱你先,死賤人,正仆街。」阿花目光想殺死我咁。
 
我正想開口回應阿花既時候,有把一把陌生既中年男子行過黎對住我地講左句野。
 
「唔該先生小姐,麻煩你地先落車啦,如果要談情既話落左車先好談啦好無?我要收工啦師兄!」我呆左咁望住眼前既中士男子,我認得佢件制服,佢咪巴士司機大哥?
 
「算啦,大小姐。我地落車先。」我望住眼前塊臉微紅既阿花講。

 
臨落車既時候,我拎轉頭不斷向司機大哥低頭講:「真係唔好意思呀下巴打,阻住你收工添。」落到車後,穿過巴士總站,一轉彎出左街口。



「嘩!人來人往,人山人海,點解成街都係燈光既?」我驚訝咁望住眼前既景象講
 
「頂你!鄉下積,細聲d啦,一睇就知你未見過世面咁。就算你唔要面,我都要面咖,大哥!千奇唔好失禮死我。」阿花掩住我個嘴唔俾我講埋佢
 
 
 
「超,乜好失禮你咩。」我回望阿花一眼之後繼續行
 
「喂,行慢d好無呀?你都唔識體諒傷者既,都唔尊重我既。」


 
「嗯,成條街都咁多鋪頭,點揀呀?」我直接無視左阿花果句
 
「依,呢間好似又唔錯咁啵,不如入呢間睇下?」我望住眼前一間露出透明廚窗既商店,玻璃展示出各種男裝
 
「唔得,緊係呢間啦!」話口未完阿花就捉住我隻手,格硬扯我入佢揀既商店,好似驚死我唔肯入咁。
 
「喂,傷者,你又話扭親隻腳既?依家又行得咁鬼快?」

「啊,啊,啊!你……」阿花斷斷續續講,佢把聲就似呻吟咁樣。



「做咩呀?細聲D啦,呢到街黎咖,要叫都返屋企先啦,話曬你女仔人家,當街當巷呻吟成何體統呀!你會怕唔怕羞咖?」一路講出呢句既時候,我心入面帶點暗爽,終於可以報仇返岩岩阿花串我果句,


同時我心入面係到FF緊:「唔通我已經西利到咁?已經可以用言語黎搞到阿花高潮?咁再加埋我既一陽絕指咪……聞指流水?哈哈。」
 
「啊,你唔講真係唔覺,一俾你講就覺得痛啦,衰人。」阿花蹲係商店門口前,不斷捽自己左腳個腳眼位,同時一路講出黎。

講真果句啦,好彩阿花無捽到老泥出黎姐,如果唔係真係幾嘔心下,不過從呢個角度睇真係覺得阿花似大鄉里多過我似大鄉里,誰不知阿花呢個動作極度影響市容,令人有反胃作嘔心既感覺。
 
已有 0 人追稿