精子is money: 第五十七章 男人既浪漫

「唔係嘛？你飲真ｄ先，你唔覺有陣怪怪地既味咩？我講真咖啵，算啦，我建議你唔好飲埋佢。唔知點解我硬係覺得隻味好似有ｄ怪怪地咁，又似ｄ咩野味咁。」

我望住天花板一路諗，呢杯究竟咩黎呢？係我印象中，血腥瑪莉係用蕃茄汁，伏特加再加埋檸檬汁溝成，其實我並無飲過呢杯所謂既血腥瑪莉。

至於點解我知道呢杯野既成分呢？因為一次偶然既機會，我係學校聽到ｄ同學傾計既時候不經意咁討論呢杯野，我仲聽到班同學仔話夠特別，好好飲添。
 
 
無啦啦我聽到一聲咯咯咯，呢把聲我記得係飲管飲曬野，得返ｄ冰，繼續用飲管吸啜既聲。我低頭一望，嘩，眨眼間，阿花咁快就飲完杯野飲，你要知道呢杯並唔係普通既野飲，而係非常難飲既野飲。
 
「乜你好口渴咩？」其實呢刻我心入面係度話緊阿花無品味，咁難飲既野都飲得落口。


 
「係呀岩岩嬲完，再飲呢杯消暑解渴既野飲，真係痛快人心。」

「又話無嬲，心事心非？」

「關你咩事啵，哼。」

「唔傾住，有野食啦。」我望住棒住盤既女僕侍應從遠道而黎
 
侍應行到我同阿花個位輕輕放低手上面渣住既餐盤，一個大銀盤遮住左入面既食物。



「先生你既琉璃歡笑餐。」

「嗯。」我點一點頭


只見女僕侍應將銀盤打開，女僕一打開蓋就有Ｊａｒ Ｊａｒ聲，佢講左句先生請慢用就行開。
 
銀盤冒出陣陣濃烈攻鼻既白煙，白煙迎面而黎，纏到我成副眼鏡都係霧。我聞香噴噴既食物味道，我用除低眼鏡用件衫捽走眼鏡上既霧，由於我近視既原故，我瞇住半邊眼見到個餐大致上係五顏六色咁樣。



等我帶返上眼鏡回復視野既時候，我清清楚楚咁望到個餐竟然係……豆腐火腩飯？
 
豆腐火腩飯已經成為左一個歷史，一個中式既名菜。由於已經有上百年既歷史，
 
不知不覺間已經成為左阿伯既浪漫……

 
我隨手拎起餐具，講左聲：「開動了。」我細細口品嘗每一啖飯。每一口都食得出粒粒米飯，爽口彈牙再配埋ｄ肉汁，真係無得彈。
 
點解我一路食，ｄ飯一路掉返落個鐵板到咖？我望一望手上渣緊既餐具，點解我手上渣緊刀同叉既？匙羹筷子呢？喂！唔係啵，唔多對路啵。
 
諗返自己岩岩講果句：鐵板？點解連裝豆腐火腩飯既器皿竟然會用鐵板裝住咖？
 
我望住ｄ芡汁慢慢咁流落我隻手。我放低刀叉，眼睛不禁泛起淚光，講左句：「我……終於理解到粒粒皆辛苦既意思啦。」
 


原來，ｄ飯入面溝左芥末粉，怪唔之得我食到眼濕濕咁。不過的確係幾特別既，傳統菜色創新調味料，夠新穎，食豆腐火腩飯緊係要試下碟飯既靈魂之處，就係火腩啦。