精子is money: 第六十三章 猶如再生父母

「下，真係唔好啦掛。」我就似一個小女人咁扭扭拎拎

「師父你試下件衫先啦，如果你鐘意既話我送俾你啦。」毒撚對住我講。

「係囉。」李右婷講左聲，之後佢從後面推我入更衣室添，不過佢緊係無跟埋入黎。

入到更後室後，我並無即刻除衫，而係望住塊全身鏡，猶豫左成分鐘，再望下件恤衫，之後先慢慢開始除自己既上衣，露出左少許胸肌，六舊腹肌，

強而有力既二頭肌，三角肌整體上都算唔錯既，有明顯既線條，自問自己真係只差少少高度姐。



我首先試左件花紋恤衫，著完上身後即刻除返落黎，自己暫時未接受到花恤衫。轉著一件灰色恤衫，嗯，呢件都唔錯既。

再試埋白色既恤衫，掂啵呢件恤衫，純白色恤衫我鐘意，我最鐘意就係白色同灰色咖啦，好啦就呢兩件啦。

我著上左白色恤衫，呢種感覺，好逼好逼，件衫既扭好似就快俾我逼爆咁樣，我好驚會整爛人地Ｄ衫，所以我要小心翼翼咁著住呢件恤衫，行路時擺手都唔敢太大動作，我著住白色恤衫想出去問下佢地既建議。

我一行出更衣室，ｄ人既眼光不斷望過黎，乜好咩怪真係？我心諗


「點呀？係咪好怪呢？哈哈」我對住李右婷佢地講，只見佢地望到呆左。我見李右婷呆左係到，所以直接係佢面前揮手，但係佢都無出聲，唔知佢地搞咩。



「師父，好型呀你，簡直係我偶像呀！」毒撚回過神黎

「喂，點解你仲係到既？」我好直接咁問佢

「呃，我係你徙弟阿嘛，我黎服侍你咖，師父。」

「下？我幾時有認做你師父？我唔知既？」

「就係岩岩之嘛，從你教我踢腿果刻，我就當左你係我既師父啦。你就如我既再生父母一樣，一日為師，終生為父阿，徙弟會永遠記住師父你每一句每一言既教導。」




「事但你啦。」我已經無咁好氣應個毒撚，選擇直接微笑應佢。

「好無睇呀？」我問李右婷，不過問完之後我就後悔左，佢身為呢間舖既Ｓａｌｅｓ，緊係會話好睇啦。

「真係好好睇咖，好岩你，我係真心咖。」李右婷好似睇穿左我既想法。

「係啵，咁你點解黎咁遠返工既？點解唔係返學校果邊做野既？」

「……」李右婷無言

「哦，唔緊要，唔想答由佢。」

「其實我都想係學校附近做咖，不過唉……」



「等等阿下，我先聽個電話，係啵，我仲要幾條褲，你幫我揀埋啦，要２８吋腰既。」嘟嘟嘟，我電話既鈴聲響起，我望住李右婷講。


我接聽電話，電話另一邊傳黎好虛弱既女聲。

「喂，阿花？搞咩呀，你係邊？」

「我屙到全身無力阿，好唔舒服。」

「哦，咁等我買埋呢幾件衫就送你返屋企啦。」

「嗯，我係商場地下等你，唔傾住啦，又有Ｆｅｅｌ……嘟嘟嘟，我已經被阿花ｃｕｔ左線。」