精子is money: 第一百零四章 還精

「寶拉姐，我有D事要出去一陣。」我望住手上張支票諗住今日一次過還曬俾雲哥，唔洗再提心吊膽，免得夜長夢多。

「哦，好既。」寶拉姐應完我之後，再次望住電腦埋頭苦幹。
 
「喂，阿牛我有D事要出一出去先，你自己睇住間舖啦。」我從寶拉姐間房行出，此時，阿牛正係到掃緊地，講完呢句既我匆匆忙忙咁行出門口。
 
「嗯？岩岩阿寶唔係話阿積唔係舖頭咩？」阿牛細細聲咁講，仍然俾我聽到，不過我若無其事扮聽唔到咁繼續行。
 




廿分鐘後，大約六點鐘半到，天色已晚，我手持一張卡片出現係一坐工業大廈。

工業大廈內並無任何保安，取而代之既係一群身穿校服，留住滿頭長髮既男高中生係地下把守，典型既MK仔。

「嘩！你睇下，BAｎ1仔啵。」遠處某個身穿校服既MK仔指住我講。

「邊撚到呀？見唔到既？」一個把聲勁尖既MK妹講。

「點撚樣呀，四眼仔你望撚夠未呀？」一個MK仔眼神兇狠咁啤實我，雙手一路搖擺咁靠近我，佢手指上仲夾住枝燃點緊既香煙，飄出一絲絲白霧。



「唔該，我想搵雲哥。」我挺起胸膛望住眼前既飛仔，眼前既飛仔並唔高，身高同我差唔多。

「搵雲哥？哈，有人話搵雲哥喎，邊位雲哥呀？」MK仔望一望後面既同伴講，佢既同伴面面相覷，並唔知道要講乜野好。

「拿，我就叫李哥，你識唔識我呀？」眼前既MK仔仍然霸氣地講

「唔識，我係黎還精俾雲哥。」我好認真咁回應MK仔。

「哈哈，玩精喎，兄弟過黎玩下佢先。」無錯，呢個MK仔係將還聽成玩，佢班手足開始慢步行過黎。



「挺胸阿拿？扮大隻阿拿？」MK仔不斷咁推我，可惜我既身體依然紋風不動。



呢個時候我耳邊有陣陣既高踭鞋聲。
 
「琪姐……」一個個MK仔，MK妹回頭望，原來係阿琪。

「阿琪，你黎得真係岩啦，我係黎搵雲哥咖。」我下意識地捉住佢隻手臂

「……」阿琪啤住我隻手，我即刻鬆返隻手。

「你搵社長？」阿琪依舊以冷冷既聲音發話。

「社長？我搵雲哥咖啵。」我話中帶住疑問，已經搞唔清楚邊個係社長。



「嗯，你跟我黎。」阿琪身穿一件黑色緊身外套，下身一條黑色修身七分褲，我一路跟住阿琪既同時，低頭欣賞阿琪果對修長白滑美腿，阿琪行既時候雙臀不動搖擺，真係完美既身材。

「……！」臨走既時候，我回望岩岩兇我果位MK仔，MK仔個樣目定口呆，我心入面比佢更加無奈，唔知點解我去到邊都會俾人恰。