精子is money: 第一百零六章 小弟在此道歉

各位有追開既巴打絲打們真係唔好意思,小弟我最近發生左少少事搞到呢幾日都無出文,之後希望可以穩定落黎，小弟在此道歉先。


「嘩，洗唔洗玩咁大呀？我只係想切磋下炸啵。」聽到呢句既我都打左個突。

「你贏左既話你差我條數當無數，然後呢張支票就屬於你。」雲哥露出認真既眼神。

「好，一言為定。」光頭男雙目發光咁盯實原本屬於我既支票。

「喂，四眼仔你依家棄權既話我可以放你一條生路。」刀疤以兇狠既眼神望實我。



「唔好意思，我唔可以棄權，睇黎我地都係為左張支票而戰。」

「好，有膽色，我欣賞你。」
 
「咁我地去邊到打？」我問雲哥

「好問題！」雲哥講完呢句後示意阿琪。

「場地已經準備好，你地可以安心咁打，你地跟我黎。」阿琪向我地解釋，我地幾個係阿琪既帶領之下去左四樓，一出升降機就聽到各種喧嘩，



四處都有擂台，擂台上有唔同既人係到打緊，場地既中央更有一個大型擂台，場面非常壯觀。

「阿哥。」紅髮從擂台行落黎對住雲哥講，跟住佢啤左我一眼，當初我就係同紅髮不打不相識，某程度上算係半個仇人。

「講左幾多次呀，呢到係公司並唔係屋企，係人面前要叫我社長呀，就算你唔叫社長都算啦，可以叫返我做雲哥，講左幾多次？」雲哥非常激動咁指住紅髮黎罵。

「好既……社長。」紅髮被人罵到滿臉通紅咁講。

「規矩係擊到對方棄權為止，不論生死，有無問題？」阿琪向我地講。



「準備好未？」阿琪對住我地兩個講。

「無問題。」刀疤回應

「準備好就上台。」阿琪指住中間既大型擂台講。

「喂，等等，唔係點到即止咩？」我向阿琪問

「擂台上一切以技術見真章，有技術既就可以壓倒一切，並唔需要乜野點到即止。」光頭佬一路講一路上台。

「你唔係怕呀嘛？岩岩咁大口氣仲以為你好有料添。」光頭佬已經上左擂台，佢伸手拉左我上台，我一時企唔穩仆左係個台到。

「哈哈。」周圍傳出陣陣恥笑，唔知幾時開始原本係其他擂台上練習既人已經停曬手行過黎圍觀。



「3。」阿琪完全無視我岩岩個問題，直接開始倒數。

「2。」

「1。」

「拿，唔好話我恰細路，我讓你出招先。」刀疤對我講，睇黎佢對自己有當相既自信心。

「開始……」