精子is money: 第一百零九章 磨豆腐

「雲哥……我只係一名普通學生，你睇得太重我啦。」我好有禮貌咁回應雲哥

「我知道自己需要D乜，我睇人好準，我有預感你以後會黎搵我。」雲哥對住我講，講完之後再次俾左張卡片我。

「咁我有需要既話就搵你啦。」我袋起左雲哥張卡片

「嗯。」

「咁我走先啦，掰掰雲哥。」



一落到樓下我就見到岩岩果班MK仔，MK仔來勢洶湧。

佢地行埋黎講左句：「大佬，乜原來你識社長咖咩？岩岩唔好意思阿下，你大人不記小人過。」MK仔遞左枝煙俾我，又幫我點煙又叫我大佬咁。

「唔洗啦。」我講完呢句俾返枝煙佢地，就行返去舖頭幫手收舖，一日咁就過左。
 

翌日天氣明顯轉涼，我著上一套整齊冬季校服，一件棗紅色校嬲，白色長袖恤衫，恤衫繫上領帶，一條深黑色西褲，拉好褲鏈就出門。
 
「上學期既成績我好滿意，個別同學除外，希望各位同學下學期繼續努力，祝大家百尺竿頭 更進一步。



今日我仲有個好消息同大家講，我地又有新同學加黎我地班啦，仲要係有兩個新同學，大家開唔開心？期唔期待呢？」林Miss向我地全班講，每朝早都有班務時間。

「呵欠。」我打左個喊露，一朝早就聽林Miss講埋曬廢話，直到最尾果句先有返少少精神，又有新同學？

「又有新同學？男定女先？」男同學們大嗌

「各位同學以熱烈既掌聲歡迎我地既新同學。」林Miss講完之後得自己一個鼓掌，名符其實既自HIGH。

「嗨！各位同學好，我叫吳亦菲，從美國黎既，係咁多。」新同學開始自我介紹，望住佢個樣，又似曾相識咁，



吳亦菲係一位靚女黎，眼大鼻高，長髮飄逸，佢企係林Miss隔黎比Miss更要高少許，我諗佢大約米七幾到，C－CUP。
 

「嘩！」男同學們不斷吹口哨，厹再次上身。
 
「吳亦菲？點解你係到咖？」突間之間，坐我前面既唐梓晴大嗌。
 
「哦，乜你地原來早就識咖啦？」全班同學突然大嗌。
 
「轉校黎搵你囉，係呀！我地唔單止識，感情仲好好添，係美國係既時候我地住埋一齊既，我地仲成日做不可告人既事添。」吳亦菲眨一眨美目開口講，前一句明顯係回應唐梓晴，後面果句應該向我地講。
 
「……？」成班同學用一種奇怪既眼神望住佢地。
 
「無呀！我地無磨豆腐。」唐梓晴衝口而出。


 
「……！」全班同學靜左。

「只係鄰居黎姐。」唐梓晴意識到自己講錯左野。
 
「咳咳……！好啦，介紹完呢位同學仲有另外一位同學啵，新同學你可以入黎啦。」林Miss嘗試解場。