精子is money: 第一百十二章 李右婷初來報到

「喂，係啵阿花你放學得唔得閒呀？」我故意係唐梓晴面前與異性談話，嘗試探察下唐梓晴會唔會有咩反應，當然呢一切只係我過於自信既想法。

「放學呀？無阿？做咩？」阿花回應

「無呀，我想問下你放學黎唔黎我舖頭坐下囉。」呢刻唔知點解我好似講到間舖頭係自已開咁。

「下，有野玩咩？」

「無呀，就係無野玩咪會悶囉。」



「咦，係咁你都不如過黎一齊返工啦，多個人開心D阿嘛。」

「睇下點先啦。」

「阿積，係啵，點解你岩岩唔黎溫書既？」唐梓晴突然擰轉頭問我。

「哦，岩岩有野做嘛，阿……唔係，唔舒服先岩。」只係一個小毒撚既我聽到呢句，心裹再次萌起希望。





時間過得真係快，話咁快又到放學時間，我同阿牛放學又即刻趕去返工，當我地返到舖頭，一推開門就見到一個我地意想不到既人。

「嗨！」李右婷對住我講。

「呃，你好，點解你會係到既？」

「咁我做野先。」阿牛向我講，我以點頭回應。

「你咁快返得工？」



「做咩呀？唔歡迎我呀？」李右婷笑住同我講。

「唔係呀。」

「咁我要今日做D咩呀？」

「你呀？嗯……你今日派住傳單先啦，有無問題？」

「Oｋ呀，無問題。」

「拿，你拎住先，順便幫我地宣傳埋呢個Bra，呢個Bra係我地間舖新設計咖。」我俾左少量傳單李右婷，另外仲遞左個白色哩士Bra俾李右婷。

「我依家教你講一次點樣宣傳……本店自設，無論外型、物料、設計都係上乘，顏色有黑，白、紅、紫、粉色，明唔明？」我好認真咁教李右婷。

「我地店自家設計……外型獨特……顏色有……」李右婷開口講一次，講得仲好過我岩岩教佢。



「哈哈，第一名果然係第一名呀下。」我笑住對佢講。

「……！」突然之間，李右婷沉默左，我先醒起我好似講錯野。

「都話我唔係第一名，第一名係你地果個新同學……」之後李右婷就拎住D野行出去。

「Sorry呀，我唔係有心。」話口未完，道門就關左，唔知李右婷聽唔聽到我既道歉呢？



十五分鐘後……門外傳來啊一聲，然後非常嘈吵，我立即出去望一望。

「你經理呢？叫你經理出黎呀！」一個中年男人帶住一副金絲眼鏡，身穿黑色西裝，皮鞋刷到蠟蠟靚反曬光咁。



「我就係經理，請問有咩事呢？」我一出黎就見到西裝友指住不斷李右婷黎罵。

「你……？」西裝友似符唔相信我所講既說話，直到我拎左張員工牌俾佢睇為止。

「岩岩呢位小姐撞到我又唔道歉喎。」

「右婷件事係點？」

「岩岩呢位先生係我派傳單既時候不斷騷擾我，摸我手上既Bra，摸既時候仲向我流露出極猥瑣既眼神，我反抗點知佢就捉住我雙手，仲愈摸愈上，咁我咪大嗌。」

「嗯，大致上明白。」我示意李右婷唔洗再講。