精子is money: 第117章 安全之吻

林ＭＩＳＳ宣佈左出黎，其他同學聽到唔係自己既學號有點失望。

「！」１５號係我既學號，唔知點解我有種唔好既預兆，不過同時亦好期待同我玩安全之吻既係唐梓晴。

「３０號。」

「１５號，３０號，請呢兩位同學仔行黎中間。」１５號係我既學號，換言之林ＭＩＳＳ叫我地行去中間。
 
「邊個係３０號？」我講完呢句心頭一震，反思究竟邊個係３０號？唔通係吳亦菲？吳亦菲既話都唔錯既。」我心諗
 


「係我。」一把偏高音既聲回應，誰不之……起身既竟然係一位男同學，金……天……羽！

「ＷＨＡＴ　ＴＨＥ　ＦＵＣＫ！」我忍唔住大叫出黎，而金天羽就如夢初醒般行過黎，仿佛完全唔知道之後落黎會發生咩事。
 
林ＭＩＳＳ行過黎遞左個界開左一半既ＰＩＺＺＡ紙皮盒俾我，紙皮上面有一張透明既保鮮紙，睇黎呢個工具都係岩岩臨時整出黎，個紙盒仲殘留住ＰＩＺＺＡ既味道。

「唉，死就死啦！」我隔住紙盒上既保鮮紙輕輕碰金天羽個嘴唇一下就諗住收工，點知班同學唔收貨。
 
「唔係阿嘛，咁短？起碼都要五秒喇，你唔係唔敢呀嘛？」白少添對住我講。





就係咁，我再次隔住呢個紙盒聞住殘餘既ＰＩＺＺＡ味道忍過左呢幾秒，我相信呢幾秒絕對係我人生中最漫長既幾秒。

「ＷＯＷ！」班同學係咁鼓掌。

「哈哈。」就連林ＭＩＳＳ都笑左出聲。

「正呀，有無ＦＥＥＬ？」我臨走既時候白少添行過黎撞我膊頭同我講。



回想返幾秒之前，金天羽竟然瞇埋雙眼同我錫左幾秒，雖然係隔住塊紙盒，但都有種好奇怪既感覺。

「好，繼續。」林ＭＩＳＳ又再開次從箱中抽左幾張紙條出黎。

「跟住落黎中獎既號碼有２２號，２５號，請以上兩位同學出黎。
 
「下！有無咁岩呀？」白少添驚叫。

「哈哈。」今次仲唔到我笑返佢？
 
 
同白少添玩安全之吻既伙伴係馬王，起初佢地兩個都扭扭擰擰，後黎林ＭＩＳＳ講左句玩唔完就唔返學，佢地受盡同學們既冷眼同唾罵，最終兩個都屈服左。

由於白少添佢地浪費左好多時間，所以最尾兩隊係同時進行，其中一隊係大波同埋細波，而另一對係唐梓晴吳亦菲。
 


基本上進行遊戲既時候係無人望大細波果隊，所有人既目光都轉移去唐梓晴同埋
 
吳亦菲既身上，睇班上兩個大美女ＫＩＳＳ真係令人興奮。
 
「ＷＯＷ！」我地不斷呼叫。
 
「好啦，知唔知點解我會玩呢兩個遊戲？頭先係禮堂既時候，相信各位同學都見同聽到其他班既合唱表演，人地班非常投入同團結，其實輸贏並唔重要，最重要既係過程，享受活動既過程可以令你地帶黎更多既收獲。
 


其實，呢個遊戲我只係想大家無分彼此，同學本來就應該守望相助，互助互愛，我希望今次之後既班際活動各位同學可以好似今日咁樣積極參與。」林ＭＩＳＳ向我地解釋

「好無？」林ＭＩＳＳ問我地。

「好。」我地回應



「聽唔到，大聲Ｄ！」

「好……！」我地齊聲回應。

「好啦咁你地放學啦，希望係呢個假期你地唔好只係識得去玩，記得要溫書，善用假期時間，各位同學再見。」

「掰掰林ＭＩＳＳ。」我地向ＭＩＳＳ告別後就紛紛離開校園。