精子is money: 第121章 倒數

「喂，出黎未呀？」我接聽電話，電話另一邊有把女聲好急咁講。

「唔洗驚喎，仲有排先倒數啦，依家先……咦，八點鐘？」我一邊講一邊睇手機上既時間，１２月３１號元旦前夕。

「下，你仲未出門？」阿花語氣有少少激動。

「得，好快到，無問題仲有幾粒鐘。」我安撫阿花既情緒。

「快Ｄ啦，遲左就無好位睇煙花架啦，好啦……嘟嘟嘟。阿花講完呢句就即刻收聲，似乎好嬲咁。



 
一個鐘後，我出現係與阿花相約之地，搵左幾分鐘，但仍然唔見阿花既身影。

「喂？你係邊阿，唔見你既？」我用手機打俾阿花。

「第４排？係呀。」阿花係電話中問我係咪第４排。

「最右手邊？都係唔見啵。」我仍然見唔到阿花。

「咪住等等。」



「先生唔該謝謝吖。」我望住眼前企左係到既男士，佢隻左腳正踩住一隻英文字母。

「你等等先。」

「喂？」阿花不斷問我

「做咩呀？你講緊咩？」阿花仍然繼續

「……我係Ｋ４啵。」我冷靜咁講出呢兩隻字。



「……我係Ｄ……４……啊！

阿花每隻字每隻音都非常重咁講。

「唉。」阿花一聲嘆氣。

「咁點算？」

「依家咁多人無得直接過去搵你架啦，唯有出返門口果到等啦。」阿花話。

 

經過一輪既折騰，我同阿花見面既時候已經十點半鐘。



「唉，你睇下，已經十點半啦，依家無得睇啦，煙花啊！咁就錯過左啦，都唔知以後仲會唔會有機會添架，最衰都係你。阿花指住我鼻尖講。

「唔好意思，不過唔緊要啦，你睇咁鬼多人，走果時咪有排等，呢到幾好阿，空氣又清新，又唔洗同人迫喎。」我安慰阿花講，同時亦好則疑阿花果句，佢講到好似係外面就睇唔到煙花，就算睇唔到都可以返屋企睇重播架嘛。

「……」阿花從手袋拎出一部手機。

「喂，做咩唔應我？」阿花已經完全無視我，佢低頭玩手機。


「呢件衫係我好鐘意架，真係好靚。」阿花指住自己部手機講，我見佢咁樣仲以為佢睇緊網上商店，點知我望過去一睇，原來阿花係到玩緊ＰＥＴＺ，

佢講緊自己ＧＡＭＥ入面著緊既衫，件衫係純黑色中間有個心形，好普通，無咩特別姐。

「各位觀眾朋友仔大家好，我係阿Ａ，離２１１９年仲有一個鐘，唔知各位係咪好期待呢？呢把聲係由遠處台上既男主持人口中所出。



「今晚會係十一點半準時發放煙花，即係半個鐘後，依家各位不如聽返幾首歌解下悶先啦。」

隨後台上傳黎一陣勁歌熱舞，場面非常熱鬧，即使身處外面既我地都可以清楚咁聽到觀眾既歡呼聲。
 
如是者，半個鐘好快就過左。


「各位係咪好心急呢？唔洗急，依家立即發放第一道煙花，第一道煙花名為流星花雨，寓意係將唔好既野好似落雨咁落左佢。」男主持人話
 
「同時希望各位握緊你身邊既伴侶好好欣賞煙花，無伴侶既朋友仔唔緊要，據說踏入十二點鐘時，你腦海第一個所想既人就會係你既愛人。」

「ＢＯＯＭ！」第一道煙花射出，繁花盛開既桃花綻放於夜空中，一層一層花瓣不斷重疊再重疊。

「第二道煙花名為……」



「嘩，好靚啊！」阿花未話完，又有一道煙花射出。

一道接一道既煙花發放於空中，眨下眼過左接近半個鐘。

「好啦各位朋友仔，終於黎到呢一刻，就等我地一齊倒數見證２１１９年，我地用最熱烈既呼叫迎接未來既新一年。」

「最後一分鐘。」男主持講完之後，大型屏幕開始倒數一分鐘。

「最後十秒。」屏幕同步顯出十字。

「１０，９，８……」周圍既觀眾齊聲嗌。

「３，２，１。」

「零！」我入面數。




「新年快樂！」周圍既人齊聲大嗌出黎，同時寫住２１１９年既煙花射出。

「ＷＯＷ！新年快樂。」阿花好激動咁扯住我件衫。

「拿，煙花就睇完啦，開唔開心先？」我問阿花

「ＯＫ啦。」

「咁一間仲有咩做？」我嘗試問阿花會唔會更進一步。

「無呀，返屋企囉。」

「下，咁快？」

「不如我送你返屋企啦？」

「我屋企？唔得阿。」

「咁不如去……」我大膽咁約阿花，點知一首鈴聲響起，阿花接聽左電話。

「我要走先啦，唔好意思。」阿花用唔捨得既眼神望住我。

原本我以為今晚可以同阿花共度春宵，留返個難忘既新年，點知最後都係無下文，阿花臨走既時候只係錫左我塊面一啖，

仲叫我得閒上下ＰＥＴＺ睇下，佢話送左一樣禮物俾我喎。我同阿花既除夕約會就咁結束左，同時聖誕節假期亦都完結。